תנ"ך מנוקד

תנ"ך - מלכים - הכול
מלכים א פרק א ב ג ד ה ו ז ח ט י יא יב יג יד טו טז יז יח יט כ כא כב - מלכים ב פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה

מלכים ב פרק יא

א ועתליה אם אחזיהו, ראתה כי מת בנה; ותקם, ותאבד, את, כל־זרע הממלכה. ב ותיקח יהושבע בת־המלך־יורם אחות אחזיהו את־יואש בן־אחזיה, ותגנוב אותו מתוך בני־המלך המומתים--אותו ואת־מינקתו, בחדר המיטות; ויסתירו אותו מפני עתליהו, ולא הומת. ג ויהי איתה בית יהוה, מתחבא שש שנים; ועתליה, מולכת על־הארץ. {פ}

ד ובשנה השביעית שלח יהוידע וייקח את־שרי המאות, לכרי ולרצים, ויבא אותם אליו, בית יהוה; ויכרות להם ברית וישבע אותם, בבית יהוה, וירא אותם, את־בן־המלך. ה ויצוום לאמור, זה הדבר אשר תעשון: השלישית מכם, באי השבת, ושומרי, משמרת בית המלך. ו והשלישית בשער סור, והשלישית בשער אחר הרצים; ושמרתם את־משמרת הבית, מסח. ז ושתי הידות בכם, כול יוצאי השבת, ושמרו את־משמרת בית־יהוה, אל־המלך. ח והקפתם על־המלך סביב, איש וכליו בידו, והבא אל־השדרות, יומת; והיו את־המלך, בצאתו ובבואו. ט ויעשו שרי המאות, ככול אשר־ציווה יהוידע הכוהן, ויקחו איש את־אנשיו, באי השבת עם יוצאי השבת; ויבואו, אל־יהוידע הכוהן. י וייתן הכוהן לשרי המאות, את־החנית ואת־השלטים, אשר, למלך דויד--אשר, בבית יהוה. יא ויעמדו הרצים איש וכליו בידו, מכתף הבית הימנית עד־כתף הבית השמאלית, למזבח, ולבית--על־המלך, סביב. יב ויוציא את־בן־המלך, וייתן עליו את־הנזר ואת־העדות, וימליכו אותו, וימשחוהו; ויכו־כף--ויאמרו, יחי המלך. {ס}

יג ותשמע עתליה, את־קול הרצין העם; ותבוא אל־העם, בית יהוה. יד ותרא והנה המלך עומד על־העמוד כמשפט, והשרים והחצוצרות אל־המלך, וכל־עם הארץ שמח, ותוקע בחצוצרות; ותקרע עתליה את־בגדיה, ותקרא קשר קשר. טו ויצו יהוידע הכוהן את־שרי המאות פקודי החיל, ויאמר אליהם הוציאו אותה אל־מבית לשדרות, והבא אחריה, המת בחרב: כי אמר הכוהן, אל־תומת בית יהוה. טז וישימו לה ידיים, ותבוא דרך־מבוא הסוסים בית המלך; ותומת, שם. {ס}

יז ויכרות יהוידע את־הברית, בין יהוה ובין המלך ובין העם, להיות לעם, ליהוה; ובין המלך, ובין העם. יח ויבואו כל־עם הארץ בית־הבעל וייתצוהו, את־מזבחותיו ואת־צלמיו שיברו היטב, ואת מתן כוהן הבעל, הרגו לפני המזבחות; וישם הכוהן פקודות, על־בית יהוה. יט וייקח את־שרי המאות ואת־הכרי ואת־הרצים ואת כל־עם הארץ, ויורידו את־המלך מבית יהוה, ויבואו דרך־שער הרצים, בית המלך; ויישב, על־כיסא המלכים. כ וישמח כל־עם־הארץ, והעיר שקטה; ואת־עתליהו המיתו בחרב, בית המלך. {ס}