תנ"ך מנוקד

תנ"ך - מלכים - הכול
מלכים א פרק א ב ג ד ה ו ז ח ט י יא יב יג יד טו טז יז יח יט כ כא כב - מלכים ב פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה

מלכים א פרק ד

א ויהי המלך שלמה, מלך על־כל־ישראל. {ס} ב ואלה השרים, אשר־לו: עזריהו בן־צדוק, הכוהן. {ס} ג אליחורף ואחייה בני שישא, סופרים; {ס} יהושפט בן־אחילוד, המזכיר. {ס} ד ובניהו בן־יהוידע, על־הצבא; {ס} וצדוק ואביתר, כוהנים. {ס} ה ועזריהו בן־נתן, על־הניצבים; {ס} וזבוד בן־נתן כוהן, ריעה המלך. {ס} ו ואחישר, על־הבית; {ס} ואדונירם בן־עבדא, על־המס. {ס} ז ולשלמה שנים־עשר ניצבים, על־כל־ישראל, וכילכלו את־המלך, ואת־ביתו: חודש בשנה יהיה על־האחד, לכלכל. {ס} ח ואלה שמותם, בן־חור בהר אפריים. {ס} ט בן־דקר במקץ ובשעלבים, ובית שמש; ואילון, בית חנן. {ס} י בן־חסד, בארובות; לו שוכה, וכל־ארץ חפר. {ס} יא בן־אבינדב, כל־נפת דור; טפת, בת־שלמה, הייתה לו, לאישה. {ס} יב בענא, בן־אחילוד, תענך, ומגידו; וכל־בית שאן אשר אצל צרתנה מתחת ליזרעאל, מבית שאן עד אביל מחולה, עד, מעבר ליוקמעם. {ס} יג בן־גבר, ברמות גלעד; לו חוות יאיר בן־מנשה אשר בגלעד, לו חבל ארגוב אשר בבשן--שישים ערים גדולות, חומה ובריח נחושת. {ס} יד אחינדב בן־עידוא, מחניימה. {ס} טו אחימעץ, בנפתלי; גם־הוא, לקח את־בשמת בת־שלמה--לאישה. {ס} טז בענא, בן־חושי, באשר, ובעלות. {ס} יז יהושפט בן־פרוח, ביששכר. {ס} יח שמעי בן־אלא, בבנימין. {ס} יט גבר בן־אורי, בארץ גלעד--ארץ סיחון מלך האמורי, ועוג מלך הבשן, ונציב אחד, אשר בארץ. כ יהודה וישראל רבים, כחול אשר־על־הים לרוב, אוכלים ושותים, ושמחים.