תנ"ך מנוקד
 
תנ"ך - איוב - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב

איוב פרק כו

א                  ויען איוב, ויאמר.
ב  מה-עזרת, ללא-כח;    הושעת, זרוע לא-עז.
ג  מה-יעצת, ללא חכמה;    ותשיה, לרב הודעת.
ד  את-מי, הגדת מלין;    ונשמת-מי, יצאה ממך.
ה  הרפאים יחוללו--    מתחת מים, ושכניהם.
ו  ערום שאול נגדו;    ואין כסות, לאבדון.
ז  נטה צפון על-תהו;    תלה ארץ, על-בלי-מה.
ח  צרר-מים בעביו;    ולא-נבקע ענן תחתם.
ט  מאחז פני-כסה;    פרשז עליו עננו.
י  חק-חג, על-פני-מים--    עד-תכלית אור עם-חשך.
יא  עמודי שמים ירופפו;    ויתמהו, מגערתו.
יב  בכחו, רגע הים;    ובתובנתו ובתבונתו, מחץ רהב.
יג  ברוחו, שמים שפרה;    חללה ידו, נחש ברח.
יד  הן-אלה, קצות דרכו--    ומה-שמץ דבר, נשמע-בו;
ורעם גבורתו,    מי יתבונן.

תנ"ך מנוקד
 
תנ"ך - איוב - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב