תנ"ך מנוקד
תנ"ך -
איוב - הכול
פרק
א
ב
ג
ד
ה
ו
ז
ח
ט
י
יא
יב
יג
יד
טו
טז
יז
יח
יט
כ
כא
כב
כג
כד
כה
כו
כז
כח
כט
ל
לא
לב
לג
לד
לה
לו
לז
לח
לט
מ
מא
מב
א איש היה בארץ-עוץ, איוב שמו; והיה האיש ההוא, תם וישר וירא אלוהים--וסר מרע.
ב וייוולדו לו שבעה בנים, ושלוש בנות.
ג ויהי מקנהו שבעת אלפי-צאן ושלושת אלפי גמלים, וחמש מאות צמד-בקר וחמש מאות אתונות, ועבודה, רבה מאוד; ויהי האיש ההוא, גדול מכל-בני-קדם.
ד והלכו בניו ועשו משתה, בית איש יומו; ושלחו, וקראו לשלושת אחיותיהם, לאכול ולשתות, עימהם.
ה ויהי כי הקיפו ימי המשתה וישלח איוב ויקדשם, והשכים בבוקר והעלה עולות מספר כולם--כי אמר איוב, אוליי חטאו בניי ובירכו אלוהים בלבבם: ככה יעשה איוב, כל-הימים. {פ}
ו ויהי היום--ויבואו בני האלוהים, להתייצב על-יהוה; ויבוא גם-השטן, בתוכם.
ז ויאמר יהוה אל-השטן, מאיין תבוא; ויען השטן את-יהוה, ויאמר, משוט בארץ, ומהתהלך בה.
ח ויאמר יהוה אל-השטן, השמת ליבך על-עבדי איוב: כי אין כמוהו בארץ, איש תם וישר ירא אלוהים וסר מרע.
ט ויען השטן את-יהוה, ויאמר: החינם, ירא איוב אלוהים.
י הלוא-אתה שכת בעדו ובעד-ביתו, ובעד כל-אשר-לו--מסביב: מעשה ידיו בירכת, ומקנהו פרץ בארץ.
יא ואולם שלח-נא ידך, וגע בכל-אשר-לו--אם-לא על-פניך, יברכך.
יב ויאמר יהוה אל-השטן, הנה כל-אשר-לו בידך--רק אליו, אל-תשלח ידך; וייצא, השטן, מעם, פני יהוה.
יג ויהי, היום; ובניו ובנותיו אוכלים ושותים יין, בבית אחיהם הבכור.
יד ומלאך בא אל-איוב, ויאמר: הבקר היו חורשות, והאתונות רועות על-ידיהם.
טו ותיפול שבא ותיקחם, ואת-הנערים הכו לפי-חרב; ואימלטה רק-אני לבדי, להגיד לך.
טז עוד זה מדבר, וזה בא ויאמר, אש אלוהים נפלה מן-השמיים, ותבער בצאן ובנערים ותאכלם; ואימלטה רק-אני לבדי, להגיד לך.
יז עוד זה מדבר, וזה בא ויאמר, כשדים שמו שלושה ראשים ויפשטו על-הגמלים וייקחום, ואת-הנערים הכו לפי-חרב; ואימלטה רק-אני לבדי, להגיד לך.
יח עד זה מדבר, וזה בא ויאמר: בניך ובנותיך אוכלים ושותים יין, בבית אחיהם הבכור.
יט והנה רוח גדולה באה מעבר המדבר, וייגע בארבע פינות הבית, וייפול על-הנערים, וימותו; ואימלטה רק-אני לבדי, להגיד לך.
כ ויקם איוב ויקרע את-מעילו, ויגז את-ראשו; וייפול ארצה, וישתחו.
כא ויאמר ערום יצאתי מבטן אימי, וערום אשוב שמה--יהוה נתן, ויהוה לקח; יהי שם יהוה, מבורך.
כב בכל-זאת, לא-חטא איוב; ולא-נתן תפלה, לאלוהים. {פ}
תנ"ך מנוקד
תנ"ך -
איוב - הכול
פרק
א
ב
ג
ד
ה
ו
ז
ח
ט
י
יא
יב
יג
יד
טו
טז
יז
יח
יט
כ
כא
כב
כג
כד
כה
כו
כז
כח
כט
ל
לא
לב
לג
לד
לה
לו
לז
לח
לט
מ
מא
מב
יש לך שאלה או הערה?