תנ"ך מנוקד
 
תנ"ך - איוב - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב

איוב פרק לה

א                  ויען אליהוא, ויאמר.
ב  הזאת, חשבת למשפט;    אמרת, צדקי מאל.
ג  כי-תאמר, מה-יסכון-לך;    מה-אועיל, מחטאתי.
ד  אני, אשיבך מילין--    ואת-ריעיך עימך.
ה  הבט שמיים וראה;    ושור שחקים, גבהו ממך.
ו  אם-חטאת, מה-תפעול-בו;    ורבו פשעיך, מה-תעשה-לו.
ז  אם-צדקת, מה-תיתן-לו;    או מה-מידך ייקח.
ח  לאיש-כמוך רשעך;    ולבן-אדם, צדקתך.
ט  מרוב, עשוקים יזעיקו;    ישוועו מזרוע רבים.
י  ולא-אמר--איה, אלוה עושיי:    נותן זמירות בלילה.
יא  מלפנו, מבהמות ארץ;    ומעוף השמיים יחכמנו.
יב  שם יצעקו, ולא יענה--    מפני, גאון רעים.
יג  אך-שוא, לא-ישמע אל;    ושדיי, לא ישורנה.
יד  אף כי-תאמר, לא תשורנו;    דין לפניו, ותחולל לו.
טו  ועתה--כי-אין, פקד אפו;    ולא-ידע בפש מאוד.
טז  ואיוב, הבל יפצה-פיהו;    בבלי-דעת, מילין יכביר.

תנ"ך מנוקד
 
תנ"ך - איוב - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב

יש לך שאלה או הערה?