תנ"ך מנוקד
 
תנ"ך - איוב - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב


איוב פרק יח

א                  ויען, בלדד השוחי; ויאמר.
ב  עד־אנה, תשימון קנצי למילין;    תבינו, ואחר נדבר.
ג  מדוע, נחשבנו כבהמה;    נטמינו, בעיניכם.
ד  טורף נפשו, באפו:    הלמענך, תיעזב ארץ; ויעתק־צור, ממקומו.
ה  גם אור רשעים ידעך;    ולא־ייגה, שביב אישו.
ו  אור, חשך באוהלו;    ונרו, עליו ידעך.
ז  ייצרו, צעדי אונו;    ותשליכהו עצתו.
ח  כי־שולח ברשת ברגליו;    ועל־שבכה, יתהלך.
ט  יאחז בעקב פח;    יחזק עליו צמים.
י  טמון בארץ חבלו;    ומלכודתו, עלי נתיב.
יא  סביב, ביעתוהו בלהות;    והפיצוהו לרגליו.
יב  יהי־רעב אונו;    ואיד, נכון לצלעו.
יג  יאכל, בדי עורו;    יאכל בדיו, בכור מוות.
יד  יינתק מאוהלו, מבטחו;    ותצעידהו, למלך בלהות.
טו  תשכון באוהלו, מבלילו;    יזורה על־נווהו גופרית.
טז  מתחת, שורשיו ייבשו;    וממעל, יימל קצירו.
יז  זכרו־אבד, מני־ארץ;    ולא־שם לו, על־פני־חוץ.
יח  יהדפוהו, מאור אל־חושך;    ומתבל ינידוהו.
יט  לא נין לו ולא־נכד בעמו;    ואין שריד, במגוריו.
כ  על־יומו, נשמו אחרונים;    וקדמונים, אחזו שער.
כא  אך־אלה, משכנות עוול;    וזה, מקום לא־ידע־אל.


תנ"ך מנוקד
 
תנ"ך - איוב - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב