תנ"ך מנוקד

תנ"ך - דברי הימים - הכול
דברי הימים א פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט - דברי הימים ב פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו

דברי הימים א פרק א

א אדם שת, אנוש. ב קינן מהללאל, ירד. ג חנוך מתושלח, למך. ד נוח שם, חם ויפת. {ס} ה בני יפת--גומר ומגוג, ומדיי ויוון ותובל; ומשך, ותירס. {ס} ו ובני, גמר--אשכנז ודיפת, ותוגרמה. {ס} ז ובני יוון, אלישה ותרשישה, כיתים, ורודנים. {ס} ח בני, חם--כוש ומצריים, פוט וכנען. ט ובני כוש--סבא וחווילה, וסבתא ורעמא וסבתכא; ובני רעמא, שבא ודדן. {ס} י וכוש, ילד את-נמרוד; הוא החל, להיות גיבור בארץ. {ס} יא ומצריים ילד את-לודים ואת-ענמים, ואת-להבים--ואת-נפתוחים. יב ואת-פתרוסים ואת-כסלוחים, אשר יצאו משם פלשתים--ואת-כפתורים. {ס} יג וכנען, ילד את-צידון בכורו--ואת-חת. יד ואת-היבוסי, ואת-האמורי, ואת, הגרגשי. טו ואת-החיווי ואת-הערקי, ואת-הסיני. טז ואת-הארוודי ואת-הצמרי, ואת-החמתי. {ס} יז בני שם--עילם ואשור, וארפכשד ולוד וארם; ועוץ וחול, וגתר ומשך. {ס} יח וארפכשד, ילד את-שלח; ושלח, ילד את-עבר. יט ולעבר יולד, שני בנים: שם האחד פלג, כי בימיו נפלגה הארץ, ושם אחיו, יוקטן. כ ויוקטן ילד, את-אלמודד ואת-שלף, ואת-חצרמוות, ואת-ירח. כא ואת-הדורם ואת-אוזל, ואת-דקלה. כב ואת-עיבל ואת-אבימאל, ואת-שבא. כג ואת-אופיר ואת-חווילה, ואת-יובב; כל-אלה, בני יוקטן. {ס} כד שם ארפכשד, שלח. כה עבר פלג, רעו. כו שרוג נחור, תרח. כז אברם, הוא אברהם. {ס} כח בני, אברהם--יצחק, וישמעאל. {ס} כט אלה, תולדותם: בכור ישמעאל נביות, וקדר ואדבאל ומבשם. ל משמע ודומה, משא חדד ותימא. לא יטור נפיש, וקדמה; אלה הם, בני ישמעאל. {ס} לב ובני קטורה פילגש אברהם, ילדה את-זמרן ויוקשן ומדן ומדיין--וישבק ושוח; ובני יוקשן, שבא ודדן. {ס} לג ובני מדיין, עיפה ועפר וחנוך, ואבידע, ואלדעה; כל-אלה, בני קטורה. {ס} לד ויולד אברהם, את-יצחק; בני יצחק, עשיו וישראל. {ס} לה בני, עשיו--אליפז רעואל ויעוש, ויעלם וקורח. {ס} לו בני, אליפז--תימן ואומר צפי וגעתם, קנז ותמנע ועמלק. {ס} לז בני, רעואל--נחת זרח, שמה ומיזה. {ס} לח ובני שעיר, לוטן ושובל וצבעון וענה, ודישון ואצר, ודישן. {ס} לט ובני לוטן, חורי והומם; ואחות לוטן, תמנע. {ס} מ בני שובל, עליין ומנחת ועיבל שפי ואונם; ובני צבעון, איה וענה. {ס} מא בני ענה, דישון; ובני דישון, חמרן ואשבן ויתרן וכרן. מב בני-אצר, בלהן וזעוון יעקן; בני דישון, עוץ וארן. {פ}

מג ואלה המלכים, אשר מלכו בארץ אדום, לפני מלוך-מלך, לבני ישראל: בלע, בן-בעור, ושם עירו, דנהבה. מד וימת, בלע; וימלוך תחתיו, יובב בן-זרח מבוצרה. מה וימת, יובב; וימלוך תחתיו, חושם מארץ התימני. מו וימת, חושם; וימלוך תחתיו הדד בן-בדד, המכה את-מדיין בשדה מואב, ושם עירו, עווית. מז וימת, הדד; וימלוך תחתיו, שמלה ממשרקה. מח וימת, שמלה; וימלוך תחתיו, שאול מרחובות הנהר. מט וימת, שאול; וימלוך תחתיו, בעל חנן בן-עכבור. נ וימת, בעל חנן, וימלוך תחתיו הדד, ושם עירו פעי; ושם אשתו מהיטבאל בת-מטרד, בת מי זהב. נא וימת, הדד; {פ}

ויהיו אלופי אדום, אלוף תמנע אלוף עלווה אלוף יתת. נב אלוף אוהליבמה אלוף אלה, אלוף פינון. נג אלוף קנז אלוף תימן, אלוף מבצר. נד אלוף מגדיאל, אלוף עירם; אלה, אלופי אדום. {פ}