תנ"ך מנוקד

תנ"ך - דברי הימים - הכול
דברי הימים א פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט - דברי הימים ב פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו

דברי הימים א פרק ב

א אלה, בני ישראל: ראובן שמעון לוי ויהודה, יששכר וזבולון. ב דן יוסף ובנימין, נפתלי גד ואשר. {פ}

ג בני יהודה, ער ואונן ושלה--שלושה נולד לו, מבת-שוע הכנענית; ויהי ער בכור יהודה, רע בעיני יהוה--וימיתהו. {ס} ד ותמר, כלתו, ילדה לו, את-פרץ ואת-זרח; כל-בני יהודה, חמישה. {ס} ה בני-פרץ, חצרון וחמול. {ס} ו ובני זרח, זמרי ואיתן והימן וכלכול ודרע--כולם חמישה. {ס} ז ובני, כרמי--עכר עוכר ישראל, אשר מעל בחרם. {ס} ח ובני איתן, עזריה. {ס} ט ובני חצרון, אשר נולד-לו--את-ירחמאל ואת-רם, ואת-כלוביי. י ורם, הוליד את-עמינדב; ועמינדב הוליד את-נחשון, נשיא בני יהודה. יא ונחשון הוליד את-שלמא, ושלמא הוליד את-בועז. יב ובועז הוליד את-עובד, ועובד הוליד את-ישי. יג ואישיי הוליד את-בכורו, את-אליאב--ואבינדב, השני, ושמעא, השלישי. יד נתנאל, הרביעי, רדיי, החמישי. טו אוצם, השישי, דויד, השביעי. טז ואחיותיהם, צרויה ואביגיל; ובני צרויה, אבשי ויואב ועשהאל--שלושה. יז ואביגיל, ילדה את-עמשא; ואבי עמשא, יתר הישמעאלי. יח וכלב בן-חצרון, הוליד את-עזובה אישה--ואת-יריעות; ואלה בניה, ישר ושובב וארדון. יט ותמת, עזובה; וייקח-לו כלב את-אפרת, ותלד לו את-חור. כ וחור הוליד את-אורי, ואורי הוליד את-בצלאל. {ס} כא ואחר, בא חצרון אל-בת-מכיר אבי גלעד, והוא לקחה, והוא בן-שישים שנה; ותלד לו, את-שגוב. כב ושגוב, הוליד את-יאיר; ויהי-לו, עשרים ושלוש ערים, בארץ, הגלעד. {ס} כג וייקח גשור-וארם את-חוות יאיר מאיתם, את-קנת ואת-בנותיה--שישים עיר; כל-אלה, בני מכיר אבי-גלעד. כד ואחר מות-חצרון, בכלב אפרתה; ואשת חצרון, אבייה, ותלד לו, את-אשחור אבי תקוע. {ס} כה ויהיו בני-ירחמאל בכור חצרון, הבכור רם; ובונה ואורן ואוצם, אחייה. כו ותהי אישה אחרת לירחמאל, ושמה עטרה; היא, אם אונם. {ס} כז ויהיו בני-רם, בכור ירחמאל--מעץ וימין, ועקר. כח ויהיו בני-אונם, שמיי וידע; ובני שמיי, נדב ואבישור. כט ושם אשת אבישור, אביהיל; ותלד לו, את-אחבן ואת-מוליד. ל ובני נדב, סלד ואפיים; וימת סלד, לא בנים. לא ובני אפיים, ישעי; ובני ישעי ששן, ובני ששן אחליי. לב ובני ידע אחי שמיי, יתר ויונתן; וימת יתר, לא בנים. {ס} לג ובני יונתן, פלת וזזא; אלה היו, בני ירחמאל. לד ולא-היה לששן בנים, כי אם-בנות; ולששן עבד מצרי, ושמו ירחע. לה וייתן ששן את-בתו לירחע עבדו, לאישה; ותלד לו, את-עתיי. לו ועתיי הוליד את-נתן, ונתן הוליד את-זבד. לז וזבד הוליד את-אפלל, ואפלל הוליד את-עובד. לח ועובד הוליד את-יהוא, ויהוא הוליד את-עזריה. לט ועזריה הוליד את-חלץ, וחלץ הוליד את-אלעשה. מ ואלעשה הוליד את-סיסמיי, וסיסמיי הוליד את-שלום. מא ושלום הוליד את-יקמיה, ויקמיה הוליד את-אלישמע. {ס} מב ובני כלב אחי ירחמאל, מישע בכורו הוא אבי-זיף, ובני מרשה, אבי חברון. מג ובני, חברון--קורח ותפוח, ורקם ושמע. מד ושמע הוליד, את-רחם אבי יורקעם; ורקם, הוליד את-שמיי. מה ובן-שמיי, מעון; ומעון, אבי בית-צור. מו ועיפה פילגש כלב, ילדה את-חרן ואת-מוצא ואת-גזז; וחרן, הוליד את-גזז. {ס} מז ובני, יוהדיי--רגם ויותם וגישן ופלט, ועיפה ושעף. מח פילגש כלב מעכה, ילד שבר ואת-תרחנה. מט ותלד, שעף אבי מדמנה, את-שוא אבי מכבנה, ואבי גבעא; ובת-כלב, עכסה. {ס} נ אלה היו בני כלב, בן-חור בכור אפרתה--שובל, אבי קרית יערים. נא שלמא אבי בית-לחם, חרף אבי בית-גדר. נב ויהיו בנים לשובל, אבי קרית יערים, הרואה, חצי המנוחות. נג ומשפחות, קרית יערים--היתרי והפותי, והשומתי והמשרעי; מאלה, יצאו הצרעתי--והאשתאולי. {ס} נד בני שלמא, בית לחם ונטופתי, עטרות, בית יואב; וחצי המנחתי, הצורעי. נה ומשפחות סופרים יושבי יעבץ, תרעתים שמעתים שוכתים; המה הקינים הבאים, מחמת אבי בית-רכב. {ס}