תנ"ך מנוקד

תנ"ך - דברי הימים - הכול
דברי הימים א פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט - דברי הימים ב פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו

דברי הימים א פרק כד

א ולבני אהרון, מחלקותם: בני אהרון--נדב ואביהוא, אלעזר ואיתמר. ב וימת נדב ואביהוא לפני אביהם, ובנים לא-היו להם; ויכהנו, אלעזר ואיתמר. ג ויחלקם דויד--וצדוק מן-בני אלעזר, ואחימלך מן-בני איתמר: לפקודתם, בעבודתם. ד ויימצאו בני-אלעזר רבים לראשי הגברים, מן-בני איתמר--ויחלקום: לבני אלעזר ראשים לבית-אבות, שישה עשר, ולבני איתמר לבית אבותם, שמונה. ה ויחלקום בגורלות, אלה עם-אלה: כי-היו שרי-קודש ושרי האלוהים, מבני אלעזר ובבני איתמר. {ס} ו ויכתבם שמעיה בן-נתנאל הסופר מן-הלוי, לפני המלך והשרים וצדוק הכוהן ואחימלך בן-אביתר, וראשי האבות, לכוהנים וללויים--בית-אב אחד, אחוז לאלעזר, ואחוז אחוז, לאיתמר. {פ}

ז וייצא הגורל הראשון, ליהויריב, {ס} לידעיה, השני. {ס} ח לחרים, {ר}
השלישי, {ס} לשעורים, הרביעי. {ס} ט למלכייה, {ר}
החמישי, {ס} למיימין, השישי. {ס} י להקוץ, {ר}
השביעי, {ס} לאבייה, השמיני. {ס} יא לישוע, {ר}
התשיעי, {ס} לשכניהו, העשירי. {ס} יב לאלישיב, {ר}
עשתי עשר, {ס} ליקים, שנים עשר. {ס} יג לחופה, {ר}
שלושה עשר, {ס} לישבאב, ארבעה עשר. {ס} יד לבלגה, {ר}
חמישה עשר, {ס} לאימר, שישה עשר. {ס} טו לחזיר, שבעה {ר}
עשר, {ס} להפיצץ, שמונה עשר. {ס} טז לפתחיה, תשעה {ר}
עשר, {ס} ליחזקאל, העשרים. {ס} יז ליכין, אחד {ר}
ועשרים, {ס} לגמול, שניים ועשרים. {ס} יח לדליהו, שלושה {ר}
ועשרים, {ס} למעזיהו, ארבעה ועשרים. {פ}

יט אלה פקודתם לעבודתם, לבוא לבית-יהוה כמשפטם, ביד, אהרון אביהם: כאשר ציווהו, יהוה אלוהי ישראל. {פ}

כ ולבני לוי, הנותרים: לבני עמרם שובאל, לבני שובאל יחדיהו. {ס} כא לרחביהו--לבני רחביהו, הראש יישייה. {ס} כב ליצהרי שלומות, לבני שלומות יחת. {ס} כג ובניי, ירייהו; אמריהו, השני, יחזיאל השלישי, יקמעם הרביעי. {ס} כד בני עוזיאל מיכה, לבני מיכה שמיר. כה אחי מיכה יישייה, {ס} לבני יישייה זכריהו. {ס} כו בני מררי מחלי ומושי, {ס} בני יעזייהו בנו. {ס} כז בני, מררי--ליעזייהו בנו, ושוהם וזכור ועברי. {ס} כח למחלי, אלעזר, ולא-היה לו, בנים. {ס} כט לקיש, בני-קיש ירחמאל. {ס} ל ובני מושי, מחלי ועדר וירימות; אלה בני הלויים, לבית אבותיהם. לא ויפילו גם-הם גורלות לעומת אחיהם בני-אהרון, לפני דויד המלך וצדוק ואחימלך, וראשי האבות, לכוהנים וללויים--אבות הראש, לעומת אחיו הקטן. {ס}