תנ"ך מנוקד
 
תנ"ך - יהושוע - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד

יהושוע פרק יט

א וייצא הגורל השני, לשמעון--למטה בני־שמעון, למשפחותם; ויהי, נחלתם, בתוך, נחלת בני־יהודה.  ב ויהי להם, בנחלתם--באר־שבע ושבע, ומולדה.  ג וחצר שועל ובלה, ועצם.  ד ואלתולד ובתול, וחורמה.  ה וציקלג ובית־המרכבות, וחצר סוסה.  ו ובית לבאות, ושרוחן:  ערים שלוש־עשרה, וחצריהן.  ז עין רימון, ועתר ועשן:  ערים ארבע, וחצריהן.  ח וכל־החצרים, אשר סביבות הערים האלה, עד־בעלת באר, ראמת נגב:  זאת, נחלת מטה בני־שמעון--למשפחותם.  ט מחבל בני יהודה, נחלת בני שמעון:  כי־היה חלק בני־יהודה, רב מהם, וינחלו בני־שמעון, בתוך נחלתם.  {פ}

י ויעל הגורל השלישי, לבני זבולון למשפחותם; ויהי גבול נחלתם, עד־שריד.  יא ועלה גבולם לימה ומרעלה, ופגע בדבשת; ופגע, אל־הנחל, אשר, על־פני יוקנעם.  יב ושב משריד, קדמה מזרח השמש, על־גבול כסלות, תבור; ויצא אל־הדברת, ועלה יפיע.  יג ומשם עבר קדמה מזרחה, גיתה חפר עיתה קצין; ויצא רימון המתואר, הנעה.  יד ונסב אותו הגבול, מצפון חנתון; והיו, תוצאותיו, גיא, יפתח־אל.  טו וקטת ונהלל ושמרון, וידאלה ובית לחם:  ערים שתים־עשרה, וחצריהן.  טז זאת נחלת בני־זבולון, למשפחותם--הערים האלה, וחצריהן.  {פ}

יז ליששכר--יצא, הגורל הרביעי:  לבני יששכר, למשפחותם.  יח ויהי, גבולם--יזרעאלה והכסולות, ושונם.  יט וחפריים ושיאון, ואנחרת.  כ והרבית וקשיון, ואבץ.  כא ורמת ועין־גנים ועין חדה, ובית פצץ.  כב ופגע הגבול בתבור ושחצימה ובית שמש, והיו תוצאות גבולם הירדן:  ערים שש־עשרה, וחצריהן.  כג זאת, נחלת מטה בני־יששכר--למשפחותם:  הערים, וחצריהן.  {פ}

כד וייצא הגורל החמישי, למטה בני־אשר למשפחותם.  כה ויהי, גבולם--חלקת וחלי, ובטן ואכשף.  כו ואלמלך ועמעד, ומשאל; ופגע בכרמל הימה, ובשיחור לבנת.  כז ושב מזרח השמש, בית דגון, ופגע בזבולון ובגיא יפתח־אל צפונה בית העמק, ונעיאל; ויצא אל־כבול, משמאל.  כח ועברון ורחוב, וחמון וקנה, עד, צידון רבה.  כט ושב הגבול הרמה, ועד־עיר מבצר־צור; ושב הגבול חוסה, והיו תוצאותיו הימה מחבל אכזיבה.  ל ועומה ואפק, ורחוב:  ערים עשרים ושתיים, וחצריהן.  לא זאת, נחלת מטה בני־אשר--למשפחותם:  הערים האלה, וחצריהן.  {פ}

לב לבני נפתלי, יצא הגורל השישי--לבני נפתלי, למשפחותם.  לג ויהי גבולם, מחלף מאילון בצעננים ואדמי הנקב ויבנאל--עד־לקום; ויהי תוצאותיו, הירדן.  לד ושב הגבול ימה אזנות תבור, ויצא משם חוקוקה; ופגע בזבולון מנגב, ובאשר פגע מים, וביהודה, הירדן מזרח השמש.  לה וערי, מבצר--הצידים צר, וחמת רקת וכינרת.  לו ואדמה והרמה, וחצור.  לז וקדש ואדרעי, ועין חצור.  לח ויראון, ומגדל־אל, חורם ובית־ענת, ובית שמש:  ערים תשע־עשרה, וחצריהן.  לט זאת, נחלת מטה בני־נפתלי--למשפחותם:  הערים, וחצריהן.  {פ}

מ למטה בני־דן, למשפחותם, יצא, הגורל השביעי.  מא ויהי, גבול נחלתם--צורעה ואשתאול, ועיר שמש.  מב ושעלבין ואיילון, ויתלה.  מג ואילון ותמנתה, ועקרון.  מד ואלתקה וגיבתון, ובעלת.  מה ויהוד ובני־ברק, וגת־רימון.  מו ומי הירקון, והרקון; עם־הגבול, מול יפו.  מז וייצא גבול־בני־דן, מהם; ויעלו בני־דן ויילחמו עם־לשם וילכדו אותה ויכו אותה לפי־חרב, ויירשו אותה ויישבו בה, ויקראו ללשם דן, כשם דן אביהם.  מח זאת, נחלת מטה בני־דן--למשפחותם:  הערים האלה, וחצריהן.  {ס}

מט ויכלו לנחול־את־הארץ, לגבולותיה; וייתנו בני־ישראל נחלה ליהושוע בן־נון, בתוכם.  נ על־פי יהוה נתנו לו, את־העיר אשר שאל--את־תמנת־סרח, בהר אפריים; ויבנה את־העיר, ויישב בה.  נא אלה הנחלות אשר ניחלו אלעזר הכוהן ויהושוע בן־נון וראשי האבות למטות בני־ישראל בגורל בשילה, לפני יהוה--פתח, אוהל מועד; ויכלו, מחלק את־הארץ.  {פ}

תנ"ך מנוקד
 
תנ"ך - יהושוע - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד