תנ"ך מנוקד
 
תנ"ך - הושע - הכול
פרק א ב ג ד ה ו ז ח ט י יא יב יג יד

הושע פרק יד

א תאשם, שומרון, כי מרתה, באלוהיה; בחרב ייפולו--עולליהם ירוטשו, והרייותיו יבוקעו.  {פ}

ב שובה, ישראל, עד, יהוה אלוהיך:  כי כשלת, בעוונך.  ג קחו עימכם דברים, ושובו אל־יהוה; אמרו אליו, כל־תישא עוון וקח־טוב, ונשלמה פרים, שפתינו.  ד אשור לא יושיענו, על־סוס לא נרכב, ולא־נאמר עוד אלוהינו, למעשה ידינו--אשר־בך, ירוחם יתום.  ה ארפא, משובתם--אוהבם, נדבה:  כי שב אפי, ממנו.  ו אהיה כטל לישראל, יפרח כשושנה; ויך שורשיו, כלבנון.  ז ילכו, יונקותיו, ויהי כזית, הודו; וריח לו, כלבנון.  ח ישובו יושבי בצילו, יחייו דגן ויפרחו כגפן; זכרו, כיין לבנון.  ט אפריים, מה־לי עוד לעצבים; אני עניתי ואשורנו, אני כברוש רענן--ממני, פרייך נמצא.  י מי חכם ויבן אלה, נבון ויידעם:  כי־ישרים דרכי יהוה, וצדיקים ילכו בם, ופושעים, ייכשלו בם.  {ש}

תנ"ך מנוקד
 
תנ"ך - הושע - הכול
פרק א ב ג ד ה ו ז ח ט י יא יב יג יד