תנ"ך מנוקד
תנ"ך -
עמוס - הכול
פרק
א
ב
ג
ד
ה
ו
ז
ח
ט
א דברי עמוס, אשר-היה בנוקדים מתקוע: אשר חזה על-ישראל בימי עוזייה מלך-יהודה, ובימי ירובעם בן-יואש מלך ישראל--שנתיים, לפני הרעש. ב ויאמר--יהוה מציון ישאג, ומירושלים ייתן קולו; ואבלו נאות הרועים, ויבש ראש הכרמל. {פ}
ג כה, אמר יהוה, על-שלושה פשעי דמשק, ועל-ארבעה לא אשיבנו: על-דושם בחרוצות הברזל, את-הגלעד. ד ושילחתי אש, בבית חזאל; ואכלה, ארמנות בן-הדד. ה ושברתי, בריח דמשק, והכרתי יושב מבקעת-אוון, ותומך שבט מבית עדן; וגלו עם-ארם קירה, אמר יהוה. {פ}
ו כה, אמר יהוה, על-שלושה פשעי עזה, ועל-ארבעה לא אשיבנו: על-הגלותם גלות שלמה, להסגיר לאדום. ז ושילחתי אש, בחומת עזה; ואכלה, ארמנותיה. ח והכרתי יושב מאשדוד, ותומך שבט מאשקלון; והשיבותי ידי על-עקרון, ואבדו שארית פלשתים--אמר, אדוניי יהוה. {פ}
ט כה, אמר יהוה, על-שלושה פשעי-צור, ועל-ארבעה לא אשיבנו: על-הסגירם גלות שלמה, לאדום, ולא זכרו, ברית אחים. י ושילחתי אש, בחומת צור; ואכלה, ארמנותיה. {פ}
יא כה, אמר יהוה, על-שלושה פשעי אדום, ועל-ארבעה לא אשיבנו: על-רודפו בחרב אחיו, ושיחת רחמיו, ויטרוף לעד אפו, ועברתו שמרה נצח. יב ושילחתי אש, בתימן; ואכלה, ארמנות בוצרה. {פ}
יג כה, אמר יהוה, על-שלושה פשעי בני-עמון, ועל-ארבעה לא אשיבנו: על-בקעם הרות הגלעד, למען הרחיב את-גבולם. יד והצתי אש בחומת רבה, ואכלה ארמנותיה; בתרועה ביום מלחמה, בסער ביום סופה. טו והלך מלכם, בגולה; הוא ושריו יחדיו, אמר יהוה. {פ}
תנ"ך מנוקד
תנ"ך -
עמוס - הכול
פרק
א
ב
ג
ד
ה
ו
ז
ח
ט