וזאת הברכה

לג,א וְזֹאת הַבְּרָכָה, אֲשֶׁר בֵּרַךְ מֹשֶׁה אִישׁ הָאֱלֹהִים--אֶת-בְּנֵי יִשְׂרָאֵל:  לִפְנֵי, מוֹתוֹ.	וְדָא בִּרְכְתָא, דְּבָרֵיךְ מֹשֶׁה נְבִיָּא דַּייָ--יָת בְּנֵי יִשְׂרָאֵל:  קֳדָם, מוֹתֵיהּ.
לג,ב וַיֹּאמַר, יְהוָה מִסִּינַי בָּא וְזָרַח מִשֵּׂעִיר לָמוֹ--הוֹפִיעַ מֵהַר פָּארָן, וְאָתָה מֵרִבְבֹת קֹדֶשׁ; מִימִינוֹ, אשדת (אֵשׁ דָּת) לָמוֹ.	וַאֲמַר, יְיָ מִסִּינַי אִתְגְּלִי וְזֵיהוֹר יְקָרֵיהּ מִשֵּׂעִיר אִתַּחְזִי לַנָא--אִתְגְּלִי בִּגְבוּרְתֵיהּ עַל טוּרָא דְּפָארָן, וְעִמֵּיהּ רִבְּוָת קַדִּישִׁין; כְּתָב יַמִּינֵיהּ, מִגּוֹ אִישָׁתָא אוֹרָיְתָא יְהַב לַנָא.
לג,ג אַף חֹבֵב עַמִּים, כָּל-קְדֹשָׁיו בְּיָדֶךָ; וְהֵם תֻּכּוּ לְרַגְלֶךָ, יִשָּׂא מִדַּבְּרֹתֶיךָ.	אַף חַבֵּיבִנּוּן לְשִׁבְטַיָּא, כָּל קַדִּישׁוֹהִי בֵּית יִשְׂרָאֵל בִּגְבוּרָא אַפֵּיקִנּוּן מִמִּצְרָיִם; וְאִנּוּן מִדַּבְּרִין תְּחוֹת עֲנָנָךְ, נָטְלִין עַל מֵימְרָךְ.
לג,ד תּוֹרָה צִוָּה-לָנוּ, מֹשֶׁה:  מוֹרָשָׁה, קְהִלַּת יַעֲקֹב.	אוֹרָיְתָא יְהַב לַנָא, מֹשֶׁה:  מַסְרַהּ יְרֻתָּא, לְכִנְשָׁת יַעֲקוֹב.
לג,ה וַיְהִי בִישֻׁרוּן, מֶלֶךְ, בְּהִתְאַסֵּף רָאשֵׁי עָם, יַחַד שִׁבְטֵי יִשְׂרָאֵל.	וַהֲוָה בְּיִשְׂרָאֵל, מַלְכָּא, בְּאִתְכַּנָּשׁוּת רֵישֵׁי עַמָּא, כַּחְדָּא שִׁבְטַיָּא דְּיִשְׂרָאֵל.
לג,ו יְחִי רְאוּבֵן, וְאַל-יָמֹת; וִיהִי מְתָיו, מִסְפָּר.  {ס}	יֵיחֵי רְאוּבֵן בְּחַיֵּי עָלְמָא, וּמוֹתָא תִּנְיָנָא לָא יְמוּת; וִיקַבְּלוּן בְּנוֹהִי, אַחְסָנַתְהוֹן בְּמִנְיָנְהוֹן.  {ס}
לג,ז וְזֹאת לִיהוּדָה, וַיֹּאמַר, שְׁמַע יְהוָה קוֹל יְהוּדָה, וְאֶל-עַמּוֹ תְּבִיאֶנּוּ; יָדָיו רָב לוֹ, וְעֵזֶר מִצָּרָיו תִּהְיֶה.  {פ}	וְדָא לִיהוּדָה, וַאֲמַר, קַבֵּיל יְיָ צְלוֹתֵיהּ דִּיהוּדָה בְּמִפְּקֵיהּ לִקְרָבָא, וּלְעַמֵּיהּ תָּתִיבִנֵּיהּ בִּשְׁלָם; יְדוֹהִי יַעְבְּדָן לֵיהּ פֻּרְעָנוּתָא מִסָּנְאוֹהִי, וְסָעֵיד מִבְּעֵיל דְּבָבָא הֱוִי לֵיהּ.  {פ}
לג,ח וּלְלֵוִי אָמַר, תֻּמֶּיךָ וְאוּרֶיךָ לְאִישׁ חֲסִידֶךָ, אֲשֶׁר נִסִּיתוֹ בְּמַסָּה, תְּרִיבֵהוּ עַל-מֵי מְרִיבָה.	וּלְלֵוִי אֲמַר, תֻּמַּיָּא וְאוּרַיָּא אַלְבֵּישְׁתָּא לִגְבַר דְּאִשְׁתְּכַח חַסִּיד קֳדָמָךְ, דְּנַסִּיתָהִי בְּנִסֵּיתָא וַהֲוָה שְׁלִים, בְּחַנְתָּהִי עַל מֵי מַצּוּתָא וְאִשְׁתְּכַח מְהֵימָן.
לג,ט הָאֹמֵר לְאָבִיו וּלְאִמּוֹ, לֹא רְאִיתִיו, וְאֶת-אֶחָיו לֹא הִכִּיר, וְאֶת-בָּנָו לֹא יָדָע:  כִּי שָׁמְרוּ אִמְרָתֶךָ, וּבְרִיתְךָ יִנְצֹרוּ.	דְּעַל אֲבוּהִי וְעַל אִמֵּיהּ, לָא רְחֵים כַּד חָבוּ מִן דִּינָא, וְאַפֵּי אֲחוֹהִי וּבְנוֹהִי, לָא נְסֵיב:  אֲרֵי נְטַרוּ מַטְּרַת מֵימְרָךְ, וּקְיָמָךְ לָא אַשְׁנִיאוּ.
לג,י יוֹרוּ מִשְׁפָּטֶיךָ לְיַעֲקֹב, וְתוֹרָתְךָ לְיִשְׂרָאֵל; יָשִׂימוּ קְטוֹרָה בְּאַפֶּךָ, וְכָלִיל עַל-מִזְבְּחֶךָ.	כָּשְׁרִין אִלֵּין דְּיַלְּפוּן דִּינָךְ לְיַעֲקוֹב, וְאוֹרָיְתָךְ לְיִשְׂרָאֵל; יְשַׁוּוֹן קְטֹרֶת בֻּסְמִין קֳדָמָךְ, וּגְמִיר לְרַעֲוָא עַל מַדְבְּחָךְ.
לג,יא בָּרֵךְ יְהוָה חֵילוֹ, וּפֹעַל יָדָיו תִּרְצֶה; מְחַץ מָתְנַיִם קָמָיו וּמְשַׂנְאָיו, מִן-יְקוּמוּן.  {ס}	בָּרֵיךְ יְיָ נִכְסוֹהִי, וְקֻרְבַּן יְדוֹהִי קַבֵּיל בְּרַעֲוָא; תַּבַּר חַרְצָא דְּסָנְאוֹהִי, וּדְבַעֲלֵי דְּבָבוֹהִי דְּלָא יְקוּמוּן.  {ס}
לג,יב לְבִנְיָמִן אָמַר--יְדִיד יְהוָה, יִשְׁכֹּן לָבֶטַח עָלָיו; חֹפֵף עָלָיו כָּל-הַיּוֹם, וּבֵין כְּתֵפָיו שָׁכֵן.  {ס}	לְבִנְיָמִין אֲמַר--רְחִימָא דַּייָ, יִשְׁרֵי לְרֻחְצָן עֲלוֹהִי; יְהֵי מַגֵּין עֲלוֹהִי כָּל יוֹמָא, וּבְאַרְעֵיהּ תִּשְׁרֵי שְׁכִינְתָא.  {ס}
לג,יג וּלְיוֹסֵף אָמַר, מְבֹרֶכֶת יְהוָה אַרְצוֹ, מִמֶּגֶד שָׁמַיִם מִטָּל, וּמִתְּהוֹם רֹבֶצֶת תָּחַת.	וּלְיוֹסֵף אֲמַר, מְבָרְכָא מִן קֳדָם יְיָ אַרְעֵיהּ, עָבְדָא מַגְדָּנִין מִטַּלָּא דִּשְׁמַיָּא מִלְּעֵילָא, וּמִמַּבּוּעֵי עֵינָוָן וּתְהוֹמִין דְּנָגְדִין מִמַּעֲמַקֵּי אַרְעָא מִלְּרַע.
לג,יד וּמִמֶּגֶד, תְּבוּאֹת שָׁמֶשׁ; וּמִמֶּגֶד, גֶּרֶשׁ יְרָחִים.	עָבְדָא מַגְדָּנִין, וְעַלְלָן מִיְּבוּל שִׁמְשָׁא; עָבְדָא מַגְדָּנִין, מֵרֵישׁ יְרַח בִּירַח.
לג,טו וּמֵרֹאשׁ, הַרְרֵי-קֶדֶם; וּמִמֶּגֶד, גִּבְעוֹת עוֹלָם.	וּמֵרֵישׁ, טוּרַיָּא בַּכִּירַיָּא; וּמִטּוּב, רָמָן דְּלָא פָּסְקָן.
לג,טז וּמִמֶּגֶד, אֶרֶץ וּמְלֹאָהּ, וּרְצוֹן שֹׁכְנִי, סְנֶה; תָּבוֹאתָה לְרֹאשׁ יוֹסֵף, וּלְקָדְקֹד נְזִיר אֶחָיו.	וּמִטּוּב, אַרְעָא וּמְלָאַהּ, רְעֵי לֵיהּ דִּשְׁכִינְתֵיהּ בִּשְׁמַיָּא, וְעַל מֹשֶׁה אִתְגְּלִי בַּאֲסַנָּא; יֵיתְיָן כָּל אִלֵּין לְרֵישָׁא דְּיוֹסֵף, גֻּבְרָא פְּרִישָׁא דַּאֲחוֹהִי.
לג,יז בְּכוֹר שׁוֹרוֹ הָדָר לוֹ, וְקַרְנֵי רְאֵם קַרְנָיו--בָּהֶם עַמִּים יְנַגַּח יַחְדָּו, אַפְסֵי-אָרֶץ; וְהֵם רִבְבוֹת אֶפְרַיִם, וְהֵם אַלְפֵי מְנַשֶּׁה.  {ס}	רַבָּא דִּבְנוֹהִי זִיוָא לֵיהּ, וּגְבוּרָן אִתְעֲבִידָא לֵיהּ מִן קֳדָם דְּתֻקְפָא וְרוּמָא דִּילֵיהּ--בִּגְבוּרְתֵיהּ עַמְמַיָּא יְקַטֵּיל כַּחְדָּא, עַד סְיָפֵי אַרְעָא; וְאִנּוּן רִבְּוָתָא דְּבֵית אֶפְרַיִם, וְאִנּוּן אַלְפַיָּא דְּבֵית מְנַשֶּׁה.  {ס}
לג,יח וְלִזְבוּלֻן אָמַר, שְׂמַח זְבוּלֻן בְּצֵאתֶךָ; וְיִשָּׂשכָר, בְּאֹהָלֶיךָ.	וְלִזְבוּלוּן אֲמַר, חֲדִי זְבוּלוּן בְּמִפְּקָךְ לְאָגָחָא קְרָבָא עַל בַּעֲלֵי דְּבָבָךְ; וְיִשָּׂשכָר, בִּמְהָכָךְ לְמֶעֱבַד זִמְנֵי מוֹעֲדַיָּא בִּירוּשְׁלֶם.
לג,יט עַמִּים, הַר-יִקְרָאוּ--שָׁם, יִזְבְּחוּ זִבְחֵי-צֶדֶק:  כִּי שֶׁפַע יַמִּים יִינָקוּ, וּשְׂפֻנֵי טְמוּנֵי חוֹל.  {ס}	שִׁבְטַיָּא דְּיִשְׂרָאֵל, לְטוּר בֵּית מַקְדְּשָׁא יִתְכַּנְשׁוּן--תַּמָּן, יִכְּסוּן נִכְסַת קֻדְשִׁין לְרַעֲוָא:  אֲרֵי נִכְסֵי עַמְמַיָּא יֵיכְלוּן, וְסִימָן דְּמִטַּמְרָן בְּחָלָא מִתְגַּלְיָן לְהוֹן.  {ס}
לג,כ וּלְגָד אָמַר, בָּרוּךְ מַרְחִיב גָּד:  כְּלָבִיא שָׁכֵן, וְטָרַף זְרוֹעַ אַף-קָדְקֹד.	וּלְגָד אֲמַר, בְּרִיךְ דְּאַפְתֵּי לְגָד:  כְּלֵיתָא שְׁרֵי, וִיקַטֵּיל שִׁלְטוֹנִין עִם מַלְכִין.
לג,כא וַיַּרְא רֵאשִׁית לוֹ, כִּי-שָׁם חֶלְקַת מְחֹקֵק סָפוּן; וַיֵּתֵא, רָאשֵׁי עָם--צִדְקַת יְהוָה עָשָׂה, וּמִשְׁפָּטָיו עִם-יִשְׂרָאֵל.  {ס}	וְאִתְקַבַּל בְּקַדְמֵיתָא דִּילֵיהּ, אֲרֵי תַּמָּן בְּאַחְסָנְתֵיהּ מֹשֶׁה סָפְרָא רַבָּא דְּיִשְׂרָאֵל קְבִיר; וְהוּא נְפַק וְעָאל, בְּרֵישׁ עַמָּא--זָכְוָן קֳדָם יְיָ עֲבַד, וְדִינוֹהִי עִם יִשְׂרָאֵל.  {ס}
לג,כב וּלְדָן אָמַר, דָּן גּוּר אַרְיֵה; יְזַנֵּק, מִן-הַבָּשָׁן.	וּלְדָן אֲמַר, דָּן תַּקִּיף כְּגוּר אַרְיָוָן; אַרְעֵיהּ שָׁתְיָא, מִן נַחְלַיָּא דְּנָגְדִין מִן מַתְנַן.
לג,כג וּלְנַפְתָּלִי אָמַר--נַפְתָּלִי שְׂבַע רָצוֹן, וּמָלֵא בִּרְכַּת יְהוָה; יָם וְדָרוֹם, יְרָשָׁה.  {ס}	וּלְנַפְתָּלִי אֲמַר--נַפְתָּלִי סְבַע רַעֲוָא, וּמְלִי בִּרְכָן מִן קֳדָם יְיָ; מַעְרַב יָם גִּנֵּיסַר וְדָרוֹמוֹהִי, יֵירַת.  {ס}
לג,כד וּלְאָשֵׁר אָמַר, בָּרוּךְ מִבָּנִים אָשֵׁר; יְהִי רְצוּי אֶחָיו, וְטֹבֵל בַּשֶּׁמֶן רַגְלוֹ.	וּלְאָשֵׁר אֲמַר, בְּרִיךְ מִבִּרְכַת בְּנַיָּא אָשֵׁר; יְהֵי רַעֲוָא לַאֲחוֹהִי, וְיִתְרַבַּא בְּתַפְנוּקֵי מַלְכִין.
לג,כה בַּרְזֶל וּנְחֹשֶׁת, מִנְעָלֶךָ; וּכְיָמֶיךָ, דָּבְאֶךָ.	תַּקִּיף כְּבַרְזְלָא וְכִנְחָשָׁא, בֵּית מוֹתְבָךְ; וּכְיוֹמֵי עוֹלֵימוּתָךְ, תֻּקְפָךְ.
לג,כו אֵין כָּאֵל, יְשֻׁרוּן:  רֹכֵב שָׁמַיִם בְּעֶזְרֶךָ, וּבְגַאֲוָתוֹ שְׁחָקִים.	לֵית אֱלָהּ, אֵלָא אֱלָהָא דְּיִשְׂרָאֵל:  דִּשְׁכִינְתֵיהּ בִּשְׁמַיָּא בְּסַעֲדָךְ, וְתֻקְפֵיהּ בִּשְׁמֵי שְׁמַיָּא.
לג,כז מְעֹנָה אֱלֹהֵי קֶדֶם, וּמִתַּחַת זְרֹעֹת עוֹלָם; וַיְגָרֶשׁ מִפָּנֶיךָ אוֹיֵב, וַיֹּאמֶר הַשְׁמֵד.	מְדוֹר אֱלָהָא דְּמִלְּקַדְמִין, דִּבְמֵימְרֵיהּ אִתְעֲבֵיד עָלְמָא; וְתָרֵיךְ מִן קֳדָמָךְ סָנְאָה, וַאֲמַר שֵׁיצִי.
לג,כח וַיִּשְׁכֹּן יִשְׂרָאֵל בֶּטַח בָּדָד עֵין יַעֲקֹב, אֶל-אֶרֶץ דָּגָן וְתִירוֹשׁ; אַף-שָׁמָיו, יַעַרְפוּ טָל.	וּשְׁרָא יִשְׂרָאֵל לְרֻחְצָן בִּלְחוֹדֵיהוֹן כְּעֵין בִּרְכְתָא דְּבָרֵיכִנּוּן יַעֲקוֹב אֲבוּהוֹן, בַּאֲרַע עָבְדָא עֲבוּר וַחֲמַר; אַף שְׁמַיָּא דְּעִלָּוֵיהוֹן, יְשַׁמְּשׁוּנוּנוּן בְּטַלָּא.
לג,כט אַשְׁרֶיךָ יִשְׂרָאֵל מִי כָמוֹךָ, עַם נוֹשַׁע בַּיהוָה, מָגֵן עֶזְרֶךָ, וַאֲשֶׁר-חֶרֶב גַּאֲוָתֶךָ; וְיִכָּחֲשׁוּ אֹיְבֶיךָ לָךְ, וְאַתָּה עַל-בָּמוֹתֵימוֹ תִדְרֹךְ.  {ס}	טוּבָךְ יִשְׂרָאֵל לֵית דִּכְוָתָךְ, עַמָּא דְּפֻרְקָנֵיהּ מִן קֳדָם יְיָ, תְּקוֹף בְּסַעֲדָךְ, וּדְמִן קֳדָמוֹהִי נִצְחָן גִּבָּרְוָתָךְ; וְיִתְכַדְּבוּן סָנְאָךְ לָךְ, וְאַתְּ עַל פִּרְקַת צַוְרֵי מַלְכֵיהוֹן תִּדְרוֹךְ.  {ס}
לד,א וַיַּעַל מֹשֶׁה מֵעַרְבֹת מוֹאָב, אֶל-הַר נְבוֹ, רֹאשׁ הַפִּסְגָּה, אֲשֶׁר עַל-פְּנֵי יְרֵחוֹ; וַיַּרְאֵהוּ יְהוָה אֶת-כָּל-הָאָרֶץ אֶת-הַגִּלְעָד, עַד-דָּן.	וּסְלֵיק מֹשֶׁה מִמֵּישְׁרַיָּא דְּמוֹאָב, לְטוּרָא דִּנְבוֹ, רֵישׁ רָמְתָא, דְּעַל אַפֵּי יְרֵיחוֹ; וְאַחְזְיֵיהּ יְיָ יָת כָּל אַרְעָא יָת גִּלְעָד, עַד דָּן.
לד,ב וְאֵת, כָּל-נַפְתָּלִי, וְאֶת-אֶרֶץ אֶפְרַיִם, וּמְנַשֶּׁה; וְאֵת כָּל-אֶרֶץ יְהוּדָה, עַד הַיָּם הָאַחֲרוֹן.	וְיָת, כָּל נַפְתָּלִי, וְיָת אֲרַע אֶפְרַיִם, וּמְנַשֶּׁה; וְיָת כָּל אֲרַע יְהוּדָה, עַד יַמָּא מַעְרְבָאָה.
לד,ג וְאֶת-הַנֶּגֶב, וְאֶת-הַכִּכָּר בִּקְעַת יְרֵחוֹ עִיר הַתְּמָרִים--עַד-צֹעַר.	וְיָת דָּרוֹמָא, וְיָת מֵישְׁרָא בִּקְעַת יְרֵיחוֹ קִרְיַת דִּקְלַיָּא--עַד צֹעַר.
לד,ד וַיֹּאמֶר יְהוָה אֵלָיו, זֹאת הָאָרֶץ אֲשֶׁר נִשְׁבַּעְתִּי לְאַבְרָהָם לְיִצְחָק וּלְיַעֲקֹב לֵאמֹר, לְזַרְעֲךָ, אֶתְּנֶנָּה; הֶרְאִיתִיךָ בְעֵינֶיךָ, וְשָׁמָּה לֹא תַעֲבֹר.	וַאֲמַר יְיָ לֵיהּ, דָּא אַרְעָא דְּקַיֵּימִית לְאַבְרָהָם לְיִצְחָק וּלְיַעֲקוֹב לְמֵימַר, לִבְנָךְ, אֶתְּנִנַּהּ; אַחְזִיתָךְ בְּעֵינָךְ, וּלְתַמָּן לָא תִּעְבַּר.
לד,ה וַיָּמָת שָׁם מֹשֶׁה עֶבֶד-יְהוָה, בְּאֶרֶץ מוֹאָב--עַל-פִּי יְהוָה.	וּמִית תַּמָּן מֹשֶׁה עַבְדָּא דַּייָ, בְּאַרְעָא דְּמוֹאָב--עַל מֵימְרָא דַּייָ.
לד,ו וַיִּקְבֹּר אֹתוֹ בַגַּי בְּאֶרֶץ מוֹאָב, מוּל בֵּית פְּעוֹר; וְלֹא-יָדַע אִישׁ אֶת-קְבֻרָתוֹ, עַד הַיּוֹם הַזֶּה.	וּקְבַר יָתֵיהּ בְּחִלְּתָא בְּאַרְעָא דְּמוֹאָב, לָקֳבֵיל בֵּית פְּעוֹר; וְלָא יְדַע אֲנָשׁ יָת קְבוּרְתֵיהּ, עַד יוֹמָא הָדֵין.
לד,ז וּמֹשֶׁה, בֶּן-מֵאָה וְעֶשְׂרִים שָׁנָה--בְּמֹתוֹ; לֹא-כָהֲתָה עֵינוֹ, וְלֹא-נָס לֵחֹה.	וּמֹשֶׁה, בַּר מְאָה וְעַסְרִין שְׁנִין--כַּד מִית; לָא כְּהָת עֵינֵיהּ, וְלָא שְׁנָא זִיו יְקָרָא דְּאַפּוֹהִי.
לד,ח וַיִּבְכּוּ בְנֵי יִשְׂרָאֵל אֶת-מֹשֶׁה בְּעַרְבֹת מוֹאָב, שְׁלֹשִׁים יוֹם; וַיִּתְּמוּ, יְמֵי בְכִי אֵבֶל מֹשֶׁה.	וּבְכוֹ בְּנֵי יִשְׂרָאֵל יָת מֹשֶׁה בְּמֵישְׁרַיָּא דְּמוֹאָב, תְּלָתִין יוֹמִין; וּשְׁלִימוּ, יוֹמֵי בְּכִיתָא אֶבְלָא דְּמֹשֶׁה.
לד,ט וִיהוֹשֻׁעַ בִּן-נוּן, מָלֵא רוּחַ חָכְמָה--כִּי-סָמַךְ מֹשֶׁה אֶת-יָדָיו, עָלָיו; וַיִּשְׁמְעוּ אֵלָיו בְּנֵי-יִשְׂרָאֵל וַיַּעֲשׂוּ, כַּאֲשֶׁר צִוָּה יְהוָה אֶת-מֹשֶׁה.	וִיהוֹשׁוּעַ בַּר נוּן, אִתְמְלִי רוּחַ חָכְמָא--אֲרֵי סְמַךְ מֹשֶׁה יָת יְדוֹהִי, עֲלוֹהִי; וְקַבִּילוּ מִנֵּיהּ בְּנֵי יִשְׂרָאֵל וַעֲבַדוּ, כְּמָא דְּפַקֵּיד יְיָ יָת מֹשֶׁה.
לד,י וְלֹא-קָם נָבִיא עוֹד בְּיִשְׂרָאֵל, כְּמֹשֶׁה, אֲשֶׁר יְדָעוֹ יְהוָה, פָּנִים אֶל-פָּנִים.	וְלָא קָם נְבִיָּא עוֹד בְּיִשְׂרָאֵל, כְּמֹשֶׁה, דְּאִתְגְּלִי לֵיהּ יְיָ, אַפִּין בְּאַפִּין.
לד,יא לְכָל-הָאֹתֹת וְהַמּוֹפְתִים, אֲשֶׁר שְׁלָחוֹ יְהוָה, לַעֲשׂוֹת, בְּאֶרֶץ מִצְרָיִם--לְפַרְעֹה וּלְכָל-עֲבָדָיו, וּלְכָל-אַרְצוֹ.	לְכָל אָתַיָּא וּמוֹפְתַיָּא, דְּשַׁלְּחֵיהּ יְיָ, לְמֶעֱבַד, בְּאַרְעָא דְּמִצְרָיִם--לְפַרְעֹה וּלְכָל עַבְדּוֹהִי, וּלְכָל אַרְעֵיהּ.
לד,יב וּלְכֹל הַיָּד הַחֲזָקָה, וּלְכֹל הַמּוֹרָא הַגָּדוֹל, אֲשֶׁר עָשָׂה מֹשֶׁה, לְעֵינֵי כָּל-יִשְׂרָאֵל.  {ש}	וּלְכֹל יְדָא תַּקִּיפְתָא, וּלְכֹל חֶזְוָנָא רַבָּא, דַּעֲבַד מֹשֶׁה, לְעֵינֵי כָּל יִשְׂרָאֵל.  {ש}