שלח-לך

יג,א וַיְדַבֵּר יְהוָה, אֶל-מֹשֶׁה לֵּאמֹר.	וּמַלֵּיל יְיָ, עִם מֹשֶׁה לְמֵימַר.
יג,ב שְׁלַח-לְךָ אֲנָשִׁים, וְיָתֻרוּ אֶת-אֶרֶץ כְּנַעַן, אֲשֶׁר-אֲנִי נֹתֵן, לִבְנֵי יִשְׂרָאֵל:  אִישׁ אֶחָד אִישׁ אֶחָד לְמַטֵּה אֲבֹתָיו, תִּשְׁלָחוּ--כֹּל, נָשִׂיא בָהֶם.	שְׁלַח לָךְ גֻּבְרִין, וִיאַלְּלוּן יָת אַרְעָא דִּכְנַעַן, דַּאֲנָא יָהֵיב, לִבְנֵי יִשְׂרָאֵל:  גֻּבְרָא חַד גֻּבְרָא חַד לְשִׁבְטָא דַּאֲבָהָתוֹהִי, תִּשְׁלְחוּן--כֹּל, רַבָּא דִּבְהוֹן.
יג,ג וַיִּשְׁלַח אֹתָם מֹשֶׁה מִמִּדְבַּר פָּארָן, עַל-פִּי יְהוָה:  כֻּלָּם אֲנָשִׁים, רָאשֵׁי בְנֵי-יִשְׂרָאֵל הֵמָּה.	וּשְׁלַח יָתְהוֹן מֹשֶׁה מִמַּדְבְּרָא דְּפָארָן, עַל מֵימְרָא דַּייָ:  כֻּלְּהוֹן גֻּבְרִין, רֵישֵׁי בְּנֵי יִשְׂרָאֵל אִנּוּן.
יג,ד וְאֵלֶּה, שְׁמוֹתָם:  לְמַטֵּה רְאוּבֵן, שַׁמּוּעַ בֶּן-זַכּוּר.	וְאִלֵּין, שְׁמָהָתְהוֹן:  לְשִׁבְטָא דִּרְאוּבֵן, שַׁמּוּעַ בַּר זַכּוּר.
יג,ה לְמַטֵּה שִׁמְעוֹן, שָׁפָט בֶּן-חוֹרִי.	לְשִׁבְטָא דְּשִׁמְעוֹן, שָׁפָט בַּר חוֹרִי.
יג,ו לְמַטֵּה יְהוּדָה, כָּלֵב בֶּן-יְפֻנֶּה.	לְשִׁבְטָא דִּיהוּדָה, כָּלֵב בַּר יְפֻנֶּה.
יג,ז לְמַטֵּה יִשָּׂשכָר, יִגְאָל בֶּן-יוֹסֵף.	לְשִׁבְטָא דְּיִשָּׂשכָר, יִגְאָל בַּר יוֹסֵף.
יג,ח לְמַטֵּה אֶפְרָיִם, הוֹשֵׁעַ בִּן-נוּן.	לְשִׁבְטָא דְּאֶפְרַיִם, הוֹשֵׁעַ בַּר נוּן.
יג,ט לְמַטֵּה בִנְיָמִן, פַּלְטִי בֶּן-רָפוּא.	לְשִׁבְטָא דְּבִנְיָמִין, פַּלְטִי בַּר רָפוּא.
יג,י לְמַטֵּה זְבוּלֻן, גַּדִּיאֵל בֶּן-סוֹדִי.	לְשִׁבְטָא דִּזְבוּלוּן, גַּדִּיאֵל בַּר סוֹדִי.
יג,יא לְמַטֵּה יוֹסֵף, לְמַטֵּה מְנַשֶּׁה--גַּדִּי, בֶּן-סוּסִי.	לְשִׁבְטָא דְּיוֹסֵף, לְשִׁבְטָא דִּמְנַשֶּׁה--גַּדִּי, בַּר סוּסִי.
יג,יב לְמַטֵּה דָן, עַמִּיאֵל בֶּן-גְּמַלִּי.	לְשִׁבְטָא דְּדָן, עַמִּיאֵל בַּר גְּמַלִּי.
יג,יג לְמַטֵּה אָשֵׁר, סְתוּר בֶּן-מִיכָאֵל.	לְשִׁבְטָא דְּאָשֵׁר, סְתוּר בַּר מִיכָאֵל.
יג,יד לְמַטֵּה נַפְתָּלִי, נַחְבִּי בֶּן-וָפְסִי.	לְשִׁבְטָא דְּנַפְתָּלִי, נַחְבִּי בַּר וָפְסִי.
יג,טו לְמַטֵּה גָד, גְּאוּאֵל בֶּן-מָכִי.	לְשִׁבְטָא דְּגָד, גְּאוּאֵל בַּר מָכִי.
יג,טז אֵלֶּה שְׁמוֹת הָאֲנָשִׁים, אֲשֶׁר-שָׁלַח מֹשֶׁה לָתוּר אֶת-הָאָרֶץ; וַיִּקְרָא מֹשֶׁה לְהוֹשֵׁעַ בִּן-נוּן, יְהוֹשֻׁעַ.	אִלֵּין שְׁמָהָת גֻּבְרַיָּא, דִּשְׁלַח מֹשֶׁה לְאַלָּלָא יָת אַרְעָא; וּקְרָא מֹשֶׁה לְהוֹשֵׁעַ בַּר נוּן, יְהוֹשׁוּעַ.
יג,יז וַיִּשְׁלַח אֹתָם מֹשֶׁה, לָתוּר אֶת-אֶרֶץ כְּנָעַן; וַיֹּאמֶר אֲלֵהֶם, עֲלוּ זֶה בַּנֶּגֶב, וַעֲלִיתֶם, אֶת-הָהָר.	וּשְׁלַח יָתְהוֹן מֹשֶׁה, לְאַלָּלָא יָת אַרְעָא דִּכְנָעַן; וַאֲמַר לְהוֹן, סַקוּ דָּא בְּדָרוֹמָא, וְתִסְּקוּן, לְטוּרָא.
יג,יח וּרְאִיתֶם אֶת-הָאָרֶץ, מַה-הִוא; וְאֶת-הָעָם, הַיֹּשֵׁב עָלֶיהָ--הֶחָזָק הוּא הֲרָפֶה, הַמְעַט הוּא אִם-רָב.	וְתִחְזוֹן יָת אַרְעָא, מָא הִיא; וְיָת עַמָּא, דְּיָתֵיב עֲלַהּ--הֲתַקִּיף הוּא אִם חַלָּשׁ, הַזְעֵיר הוּא אִם סַגִּי.
יג,יט וּמָה הָאָרֶץ, אֲשֶׁר-הוּא יֹשֵׁב בָּהּ--הֲטוֹבָה הִוא, אִם-רָעָה; וּמָה הֶעָרִים, אֲשֶׁר-הוּא יוֹשֵׁב בָּהֵנָּה--הַבְּמַחֲנִים, אִם בְּמִבְצָרִים.	וּמָא אַרְעָא, דְּהוּא יָתֵיב בַּהּ--הֲטָבָא הִיא, אִם בִּישָׁא; וּמָא קִרְוַיָּא, דְּהוּא יָתֵיב בְּהוֹן--הַבְּפַצְחִין, אִם בְּכַּרְכִין.
יג,כ וּמָה הָאָרֶץ הַשְּׁמֵנָה הִוא אִם-רָזָה, הֲיֵשׁ-בָּהּ עֵץ אִם-אַיִן, וְהִתְחַזַּקְתֶּם, וּלְקַחְתֶּם מִפְּרִי הָאָרֶץ; וְהַיָּמִים--יְמֵי, בִּכּוּרֵי עֲנָבִים.	וּמָא אַרְעָא הֲעַתִּירָא הִיא אִם מִסְכֵּינָא, הֲאִית בַּהּ אִילָנִין אִם לָא, וְתִתַּקְּפוּן, וְתִסְּבוּן מֵאִבָּא דְּאַרְעָא; וְיוֹמַיָּא--יוֹמֵי, בִּכּוּרֵי עִנְבִּין.
יג,כא וַיַּעֲלוּ, וַיָּתֻרוּ אֶת-הָאָרֶץ, מִמִּדְבַּר-צִן עַד-רְחֹב, לְבֹא חֲמָת.	וּסְלִיקוּ, וְאַלִּילוּ יָת אַרְעָא, מִמַּדְבְּרָא דְּצִין עַד רְחוֹב, לְמָטֵי חֲמָת.
יג,כב וַיַּעֲלוּ בַנֶּגֶב, וַיָּבֹא עַד-חֶבְרוֹן, וְשָׁם אֲחִימַן שֵׁשַׁי וְתַלְמַי, יְלִידֵי הָעֲנָק; וְחֶבְרוֹן, שֶׁבַע שָׁנִים נִבְנְתָה, לִפְנֵי, צֹעַן מִצְרָיִם.	וּסְלִיקוּ בְּדָרוֹמָא, וַאֲתוֹ עַד חֶבְרוֹן, וְתַמָּן אֲחִימַן שֵׁשַׁי וְתַלְמַי, בְּנֵי גִּבָּרָא; וְחֶבְרוֹן, שְׁבַע שְׁנִין אִתְבְּנִיאַת, קֳדָם, טַאנֵיס דְּמִצְרָיִם.
יג,כג וַיָּבֹאוּ עַד-נַחַל אֶשְׁכֹּל, וַיִּכְרְתוּ מִשָּׁם זְמוֹרָה וְאֶשְׁכּוֹל עֲנָבִים אֶחָד, וַיִּשָּׂאֻהוּ בַמּוֹט, בִּשְׁנָיִם; וּמִן-הָרִמֹּנִים, וּמִן-הַתְּאֵנִים.	וַאֲתוֹ עַד נַחְלָא דְּאֶתְכָּלָא, וְקָצוּ מִתַּמָּן עוֹבַרְתָּא וְאֶתְכָּל דְּעִנְבִּין חַד, וְנַטְלוּהִי בַּאֲרִיחָא, בִּתְרֵין; וּמִן רִמּוֹנַיָּא, וּמִן תֵּינַיָּא.
יג,כד לַמָּקוֹם הַהוּא, קָרָא נַחַל אֶשְׁכּוֹל, עַל אֹדוֹת הָאֶשְׁכּוֹל, אֲשֶׁר-כָּרְתוּ מִשָּׁם בְּנֵי יִשְׂרָאֵל.	לְאַתְרָא הַהוּא, קְרָא נַחְלָא דְּאֶתְכָּלָא, עַל עֵיסַק אֶתְכָּלָא, דְּקָצוּ מִתַּמָּן בְּנֵי יִשְׂרָאֵל.
יג,כה וַיָּשֻׁבוּ, מִתּוּר הָאָרֶץ, מִקֵּץ, אַרְבָּעִים יוֹם.	וְתָבוּ, מִלְּאַלָּלָא אַרְעָא, מִסּוֹף, אַרְבְּעִין יוֹמִין.
יג,כו וַיֵּלְכוּ וַיָּבֹאוּ אֶל-מֹשֶׁה וְאֶל-אַהֲרֹן וְאֶל-כָּל-עֲדַת בְּנֵי-יִשְׂרָאֵל, אֶל-מִדְבַּר פָּארָן--קָדֵשָׁה; וַיָּשִׁיבוּ אֹתָם דָּבָר וְאֶת-כָּל-הָעֵדָה, וַיַּרְאוּם אֶת-פְּרִי הָאָרֶץ.	וַאֲזַלוּ וַאֲתוֹ לְוָת מֹשֶׁה וּלְוָת אַהֲרוֹן וּלְוָת כָּל כְּנִשְׁתָּא דִּבְנֵי יִשְׂרָאֵל, לְמַדְבְּרָא דְּפָארָן--לִרְקַם; וַאֲתִיבוּ יָתְהוֹן פִּתְגָמָא וְיָת כָּל כְּנִשְׁתָּא, וְאַחְזִיאוּנוּן יָת אִבָּא דְּאַרְעָא.
יג,כז וַיְסַפְּרוּ-לוֹ, וַיֹּאמְרוּ, בָּאנוּ, אֶל-הָאָרֶץ אֲשֶׁר שְׁלַחְתָּנוּ; וְגַם זָבַת חָלָב וּדְבַשׁ, הִוא--וְזֶה-פִּרְיָהּ.	וְאִשְׁתַּעִיאוּ לֵיהּ, וַאֲמַרוּ, אֲתֵינָא, לְאַרְעָא דִּשְׁלַחְתַּנָא; וְאַף עָבְדָא חֲלָב וּדְבַשׁ, הִיא--וְדֵין אִבַּהּ.
יג,כח אֶפֶס כִּי-עַז הָעָם, הַיֹּשֵׁב בָּאָרֶץ; וְהֶעָרִים, בְּצֻרוֹת גְּדֹלֹת מְאֹד, וְגַם-יְלִדֵי הָעֲנָק, רָאִינוּ שָׁם.	לְחוֹד אֲרֵי תַּקִּיף עַמָּא, דְּיָתֵיב בְּאַרְעָא; וְקִרְוַיָּא, כְּרִיכָן רַבְרְבָן לַחְדָּא, וְאַף בְּנֵי גִּבָּרָא, חֲזֵינָא תַּמָּן.
יג,כט עֲמָלֵק יוֹשֵׁב, בְּאֶרֶץ הַנֶּגֶב; וְהַחִתִּי וְהַיְבוּסִי וְהָאֱמֹרִי, יוֹשֵׁב בָּהָר, וְהַכְּנַעֲנִי יוֹשֵׁב עַל-הַיָּם, וְעַל יַד הַיַּרְדֵּן.	עֲמָלְקָאָה יָתֵיב, בַּאֲרַע דָּרוֹמָא; וְחִתָּאָה וִיבוּסָאָה וֶאֱמוֹרָאָה, יָתֵיב בְּטוּרָא, וּכְנַעֲנָאָה יָתֵיב עַל יַמָּא, וְעַל כֵּיף יַרְדְּנָא.
יג,ל וַיַּהַס כָּלֵב אֶת-הָעָם, אֶל-מֹשֶׁה; וַיֹּאמֶר, עָלֹה נַעֲלֶה וְיָרַשְׁנוּ אֹתָהּ--כִּי-יָכוֹל נוּכַל, לָהּ.	וְאַצֵּית כָּלֵב יָת עַמָּא, לְמֹשֶׁה; וַאֲמַר, מִסָּק נִסַּק וְנֵירַת יָתַהּ--אֲרֵי מִכָּל נִכּוֹל, לַהּ.
יג,לא וְהָאֲנָשִׁים אֲשֶׁר-עָלוּ עִמּוֹ, אָמְרוּ, לֹא נוּכַל, לַעֲלוֹת אֶל-הָעָם:  כִּי-חָזָק הוּא, מִמֶּנּוּ.	וְגֻבְרַיָּא דִּסְלִיקוּ עִמֵּיהּ, אֲמַרוּ, לָא נִכּוֹל, לְמִסַּק לְוָת עַמָּא:  אֲרֵי תַּקִּיף הוּא, מִנַּנָא.
יג,לב וַיֹּצִיאוּ דִּבַּת הָאָרֶץ, אֲשֶׁר תָּרוּ אֹתָהּ, אֶל-בְּנֵי יִשְׂרָאֵל, לֵאמֹר:  הָאָרֶץ אֲשֶׁר עָבַרְנוּ בָהּ לָתוּר אֹתָהּ, אֶרֶץ אֹכֶלֶת יוֹשְׁבֶיהָ הִוא, וְכָל-הָעָם אֲשֶׁר-רָאִינוּ בְתוֹכָהּ, אַנְשֵׁי מִדּוֹת.	וְאַפִּיקוּ שׁוֹם בִּישׁ עַל אַרְעָא, דְּאַלִּילוּ יָתַהּ, לְוָת בְּנֵי יִשְׂרָאֵל, לְמֵימַר:  אַרְעָא דַּעֲבַרְנָא בַּהּ לְאַלָּלָא יָתַהּ, אֲרַע מְקַטְּלָא יָתְבַהָא הִיא, וְכָל עַמָּא דַּחֲזֵינָא בְּגַוַּהּ, אֲנָשִׁין דְּמִשְׁחָן.
יג,לג וְשָׁם רָאִינוּ, אֶת-הַנְּפִילִים בְּנֵי עֲנָק--מִן-הַנְּפִלִים; וַנְּהִי בְעֵינֵינוּ כַּחֲגָבִים, וְכֵן הָיִינוּ בְּעֵינֵיהֶם.	וְתַמָּן חֲזֵינָא, יָת גִּבָּרַיָּא בְּנֵי עֲנָק--מִן גִּבָּרַיָּא; וַהֲוֵינָא בְּעֵינֵי נַפְשַׁנָא כְּקִמְצִין, וְכֵין הֲוֵינָא בְּעֵינֵיהוֹן.
יד,א וַתִּשָּׂא, כָּל-הָעֵדָה, וַיִּתְּנוּ, אֶת-קוֹלָם; וַיִּבְכּוּ הָעָם, בַּלַּיְלָה הַהוּא.	וַאֲרֵימַת, כָּל כְּנִשְׁתָּא, וִיהַבוּ, יָת קָלְהוֹן; וּבְכוֹ עַמָּא, בְּלֵילְיָא הַהוּא.
יד,ב וַיִּלֹּנוּ עַל-מֹשֶׁה וְעַל-אַהֲרֹן, כֹּל בְּנֵי יִשְׂרָאֵל; וַיֹּאמְרוּ אֲלֵהֶם כָּל-הָעֵדָה, לוּ-מַתְנוּ בְּאֶרֶץ מִצְרַיִם, אוֹ בַּמִּדְבָּר הַזֶּה, לוּ-מָתְנוּ.	וְאִתְרָעַמוּ עַל מֹשֶׁה וְעַל אַהֲרוֹן, כֹּל בְּנֵי יִשְׂרָאֵל; וַאֲמַרוּ לְהוֹן כָּל כְּנִשְׁתָּא, לְוֵי דְּמֵיתְנָא בְּאַרְעָא דְּמִצְרַיִם, אוֹ בְּמַדְבְּרָא הָדֵין, לְוֵי דְּמֵיתְנָא.
יד,ג וְלָמָה יְהוָה מֵבִיא אֹתָנוּ אֶל-הָאָרֶץ הַזֹּאת, לִנְפֹּל בַּחֶרֶב--נָשֵׁינוּ וְטַפֵּנוּ, יִהְיוּ לָבַז; הֲלוֹא טוֹב לָנוּ, שׁוּב מִצְרָיְמָה.	וּלְמָא יְיָ מַעֵיל יָתַנָא לְאַרְעָא הָדָא, לְמִפַּל בְּחַרְבָּא--נְשַׁנָא וְטַפְלַנָא, יְהוֹן לְבִזָּא; הֲלָא טָב לַנָא, דִּנְתוּב לְמִצְרָיִם.
יד,ד וַיֹּאמְרוּ, אִישׁ אֶל-אָחִיו:  נִתְּנָה רֹאשׁ, וְנָשׁוּבָה מִצְרָיְמָה.	וַאֲמַרוּ, גְּבַר לַאֲחוּהִי:  נְמַנֵּי רֵישָׁא, וּנְתוּב לְמִצְרָיִם.
יד,ה וַיִּפֹּל מֹשֶׁה וְאַהֲרֹן, עַל-פְּנֵיהֶם, לִפְנֵי, כָּל-קְהַל עֲדַת בְּנֵי יִשְׂרָאֵל.	וּנְפַל מֹשֶׁה וְאַהֲרוֹן, עַל אַפֵּיהוֹן, קֳדָם, כָּל קְהָלָא כְּנִשְׁתָּא דִּבְנֵי יִשְׂרָאֵל.
יד,ו וִיהוֹשֻׁעַ בִּן-נוּן, וְכָלֵב בֶּן-יְפֻנֶּה, מִן-הַתָּרִים, אֶת-הָאָרֶץ--קָרְעוּ, בִּגְדֵיהֶם.	וִיהוֹשׁוּעַ בַּר נוּן, וְכָלֵב בַּר יְפֻנֶּה, מִן מְאַלְּלֵי, אַרְעָא--בַּזַּעוּ, לְבוּשֵׁיהוֹן.
יד,ז וַיֹּאמְרוּ, אֶל-כָּל-עֲדַת בְּנֵי-יִשְׂרָאֵל לֵאמֹר:  הָאָרֶץ, אֲשֶׁר עָבַרְנוּ בָהּ לָתוּר אֹתָהּ--טוֹבָה הָאָרֶץ, מְאֹד מְאֹד.	וַאֲמַרוּ, לְכָל כְּנִשְׁתָּא דִּבְנֵי יִשְׂרָאֵל לְמֵימַר:  אַרְעָא, דַּעֲבַרְנָא בַּהּ לְאַלָּלָא יָתַהּ--טָבָא אַרְעָא, לַחְדָּא לַחְדָּא.
יד,ח אִם-חָפֵץ בָּנוּ, יְהוָה--וְהֵבִיא אֹתָנוּ אֶל-הָאָרֶץ הַזֹּאת, וּנְתָנָהּ לָנוּ:  אֶרֶץ, אֲשֶׁר-הִוא זָבַת חָלָב וּדְבָשׁ.	אִם רַעֲוָא בַּנָא, קֳדָם יְיָ--וְיַעֵיל יָתַנָא לְאַרְעָא הָדָא, וְיִתְּנַהּ לַנָא:  אַרְעָא, דְּהִיא עָבְדָא חֲלָב וּדְבָשׁ.
יד,ט אַךְ בַּיהוָה, אַל-תִּמְרֹדוּ, וְאַתֶּם אַל-תִּירְאוּ אֶת-עַם הָאָרֶץ, כִּי לַחְמֵנוּ הֵם; סָר צִלָּם מֵעֲלֵיהֶם וַיהוָה אִתָּנוּ, אַל-תִּירָאֻם.	בְּרַם בְּמֵימְרָא דַּייָ, לָא תִּמְרְדוּן, וְאַתּוּן לָא תִּדְחֲלוּן מִן עַמָּא דְּאַרְעָא, אֲרֵי בִּידַנָא מְסִירִין אִנּוּן; עֲדָא תֻּקְפְהוֹן מִנְּהוֹן וּמֵימְרָא דַּייָ בְּסַעֲדַנָא, לָא תִּדְחֲלוּן מִנְּהוֹן.
יד,י וַיֹּאמְרוּ, כָּל-הָעֵדָה, לִרְגּוֹם אֹתָם, בָּאֲבָנִים; וּכְבוֹד יְהוָה, נִרְאָה בְּאֹהֶל מוֹעֵד, אֶל-כָּל-בְּנֵי, יִשְׂרָאֵל.  {פ}	וַאֲמַרוּ, כָּל כְּנִשְׁתָּא, לְמִרְגַּם יָתְהוֹן, בְּאַבְנַיָּא; וִיקָרָא דַּייָ, אִתְגְּלִי בְּמַשְׁכַּן זִמְנָא, לְכָל בְּנֵי, יִשְׂרָאֵל.  {פ}
יד,יא וַיֹּאמֶר יְהוָה אֶל-מֹשֶׁה, עַד-אָנָה יְנַאֲצֻנִי הָעָם הַזֶּה; וְעַד-אָנָה, לֹא-יַאֲמִינוּ בִי, בְּכֹל הָאֹתוֹת, אֲשֶׁר עָשִׂיתִי בְּקִרְבּוֹ.	וַאֲמַר יְיָ לְמֹשֶׁה, עַד אִמַּתִּי יְהוֹן מַרְגְּזִין קֳדָמַי עַמָּא הָדֵין; וְעַד אִמַּתִּי, לָא יְהֵימְנוּן בְּמֵימְרִי, בְּכֹל אָתַיָּא, דַּעֲבַדִית בֵּינֵיהוֹן.
יד,יב אַכֶּנּוּ בַדֶּבֶר, וְאוֹרִשֶׁנּוּ; וְאֶעֱשֶׂה, אֹתְךָ, לְגוֹי-גָּדוֹל וְעָצוּם, מִמֶּנּוּ.	אֶמְחֵינוּן בְּמוֹתָא, וַאֲשֵׁיצֵינוּן; וְאַעֲבֵיד, יָתָךְ, לְעַם רַב וְתַקִּיף, מִנְּהוֹן.
יד,יג וַיֹּאמֶר מֹשֶׁה, אֶל-יְהוָה:  וְשָׁמְעוּ מִצְרַיִם, כִּי-הֶעֱלִיתָ בְכֹחֲךָ אֶת-הָעָם הַזֶּה מִקִּרְבּוֹ.	וַאֲמַר מֹשֶׁה, קֳדָם יְיָ:  וְיִשְׁמְעוּן מִצְרָאֵי, דַּאַסֵּיקְתָּא בְּחֵילָךְ יָת עַמָּא הָדֵין מִבֵּינֵיהוֹן.
יד,יד וְאָמְרוּ, אֶל-יוֹשֵׁב הָאָרֶץ הַזֹּאת, שָׁמְעוּ כִּי-אַתָּה יְהוָה, בְּקֶרֶב הָעָם הַזֶּה:  אֲשֶׁר-עַיִן בְּעַיִן נִרְאָה אַתָּה יְהוָה, וַעֲנָנְךָ עֹמֵד עֲלֵהֶם, וּבְעַמֻּד עָנָן אַתָּה הֹלֵךְ לִפְנֵיהֶם יוֹמָם, וּבְעַמּוּד אֵשׁ לָיְלָה.	וְיֵימְרוּן, לְיָתֵיב אַרְעָא הָדָא, דִּשְׁמַעוּ אֲרֵי אַתְּ יְיָ, שְׁכִינְתָךְ שָׁרְיָא בְּגוֹ עַמָּא הָדֵין:  דִּבְעֵינֵיהוֹן חֲזוֹ שְׁכִינַת יְקָרָךְ יְיָ, וַעֲנָנָךְ מַטַּל עִלָּוֵיהוֹן, וּבְעַמּוּדָא דַּעֲנָנָא אַתְּ מְדַבַּר קֳדָמֵיהוֹן בִּימָמָא, וּבְעַמּוּדָא דְּאִישָׁתָא בְּלֵילְיָא.
יד,טו וְהֵמַתָּה אֶת-הָעָם הַזֶּה, כְּאִישׁ אֶחָד; וְאָמְרוּ, הַגּוֹיִם, אֲשֶׁר-שָׁמְעוּ אֶת-שִׁמְעֲךָ, לֵאמֹר.	וּתְקַטֵּיל יָת עַמָּא הָדֵין, כְּגֻבְרָא חַד; וְיֵימְרוּן, עַמְמַיָּא, דִּשְׁמַעוּ יָת שֵׁימַע גְּבוּרְתָךְ, לְמֵימַר.
יד,טז מִבִּלְתִּי יְכֹלֶת יְהוָה, לְהָבִיא אֶת-הָעָם הַזֶּה, אֶל-הָאָרֶץ, אֲשֶׁר-נִשְׁבַּע לָהֶם; וַיִּשְׁחָטֵם, בַּמִּדְבָּר.	מִדְּלֵית יֻכְלָא קֳדָם יְיָ, לְאַעָלָא יָת עַמָּא הָדֵין, לְאַרְעָא, דְּקַיֵּים לְהוֹן; וְקַטֵּילִנּוּן, בְּמַדְבְּרָא.
יד,יז וְעַתָּה, יִגְדַּל-נָא כֹּחַ אֲדֹנָי, כַּאֲשֶׁר דִּבַּרְתָּ, לֵאמֹר.	וּכְעַן, סַגִּי כְּעַן חֵילָא קֳדָמָךְ יְיָ, כְּמָא דְּמַלֵּילְתָּא, לְמֵימַר.
יד,יח יְהוָה, אֶרֶךְ אַפַּיִם וְרַב-חֶסֶד, נֹשֵׂא עָוֺן, וָפָשַׁע; וְנַקֵּה, לֹא יְנַקֶּה--פֹּקֵד עֲוֺן אָבוֹת עַל-בָּנִים, עַל-שִׁלֵּשִׁים וְעַל-רִבֵּעִים.	יְיָ, מַרְחֵיק רְגַז וּמַסְגֵּי לְמֶעֱבַד טָבְוָן, שָׁבֵיק לַעֲוָיָן, וְלִמְרוֹד; סָלַח לִדְתָּיְבִין לְאוֹרָיְתֵיהּ, וְלִדְלָא תָּיְבִין לָא מְזַכֵּי--מַסְעַר חוֹבֵי אֲבָהָן עַל בְּנִין מָרָדִין, עַל דָּר תְּלִיתַאי וְעַל דָּר רְבִיעָאי.
יד,יט סְלַח-נָא, לַעֲוֺן הָעָם הַזֶּה--כְּגֹדֶל חַסְדֶּךָ; וְכַאֲשֶׁר נָשָׂאתָה לָעָם הַזֶּה, מִמִּצְרַיִם וְעַד-הֵנָּה.	שְׁבוֹק כְּעַן, לְחוֹבֵי עַמָּא הָדֵין--כְּסַגִּיאוּת טָבְוָתָךְ; וּכְמָא דִּשְׁבַקְתָּא לְעַמָּא הָדֵין, מִמִּצְרַיִם וְעַד כְּעַן.
יד,כ וַיֹּאמֶר יְהוָה, סָלַחְתִּי כִּדְבָרֶךָ.	וַאֲמַר יְיָ, שְׁבַקִית כְּפִתְגָמָךְ.
יד,כא וְאוּלָם, חַי-אָנִי:  וְיִמָּלֵא כְבוֹד-יְהוָה, אֶת-כָּל-הָאָרֶץ.	וּבְרַם, קַיָּם אֲנָא:  וּמָלְיָא יְקָרָא דַּייָ, יָת כָּל אַרְעָא.
יד,כב כִּי כָל-הָאֲנָשִׁים, הָרֹאִים אֶת-כְּבֹדִי וְאֶת-אֹתֹתַי, אֲשֶׁר-עָשִׂיתִי בְמִצְרַיִם, וּבַמִּדְבָּר; וַיְנַסּוּ אֹתִי, זֶה עֶשֶׂר פְּעָמִים, וְלֹא שָׁמְעוּ, בְּקוֹלִי.	אֲרֵי כָּל גֻּבְרַיָּא, דַּחֲזוֹ יָת יְקָרִי וְיָת אָתְוָתַי, דַּעֲבַדִית בְּמִצְרַיִם, וּבְמַדְבְּרָא; וְנַסִּיאוּ קֳדָמַי, דְּנָן עֲסַר זִמְנִין, וְלָא קַבִּילוּ, לְמֵימְרִי.
יד,כג אִם-יִרְאוּ, אֶת-הָאָרֶץ, אֲשֶׁר נִשְׁבַּעְתִּי, לַאֲבֹתָם; וְכָל-מְנַאֲצַי, לֹא יִרְאוּהָ.	אִם יִחְזוֹן, יָת אַרְעָא, דְּקַיֵּימִית, לַאֲבָהָתְהוֹן; וְכָל דְּאַרְגִּיזוּ קֳדָמַי, לָא יִחְזוֹנַהּ.
יד,כד וְעַבְדִּי כָלֵב, עֵקֶב הָיְתָה רוּחַ אַחֶרֶת עִמּוֹ, וַיְמַלֵּא, אַחֲרָי--וַהֲבִיאֹתִיו, אֶל-הָאָרֶץ אֲשֶׁר-בָּא שָׁמָּה, וְזַרְעוֹ, יוֹרִשֶׁנָּה.	וְעַבְדִּי כָּלֵב, חֲלָף דַּהֲוָת רוּחַ אֻחְרִי עִמֵּיהּ, וְאַשְׁלֵים, בָּתַר דַּחְלְתִי--וְאַעֵילִנֵּיהּ, לְאַרְעָא דְּעָאל לְתַמָּן, וּבְנוֹהִי, יוֹרְתִנַּהּ.
יד,כה וְהָעֲמָלֵקִי וְהַכְּנַעֲנִי, יוֹשֵׁב בָּעֵמֶק; מָחָר, פְּנוּ וּסְעוּ לָכֶם הַמִּדְבָּר--דֶּרֶךְ יַם-סוּף.  {פ}	וַעֲמָלְקָאָה וּכְנַעֲנָאָה, יָתֵיב בְּמֵישְׁרָא; מְחַר, אִתְפְּנוֹ וְטוּלוּ לְכוֹן לְמַדְבְּרָא--אוֹרַח יַמָּא דְּסוּף.  {פ}
יד,כו וַיְדַבֵּר יְהוָה, אֶל-מֹשֶׁה וְאֶל-אַהֲרֹן לֵאמֹר.	וּמַלֵּיל יְיָ, עִם מֹשֶׁה וּלְאַהֲרוֹן לְמֵימַר.
יד,כז עַד-מָתַי, לָעֵדָה הָרָעָה הַזֹּאת, אֲשֶׁר הֵמָּה מַלִּינִים, עָלָי; אֶת-תְּלֻנּוֹת בְּנֵי יִשְׂרָאֵל, אֲשֶׁר הֵמָּה מַלִּינִים עָלַי--שָׁמָעְתִּי.	עַד אִמַּתִּי, לִכְנִשְׁתָּא בִּשְׁתָּא הָדָא, דְּאִנּוּן מִתְרָעֲמִין, עֲלָי; יָת תֻּרְעֲמָת בְּנֵי יִשְׂרָאֵל, דְּאִנּוּן מִתְרָעֲמִין עֲלַי--שְׁמִיעַ קֳדָמָי.
יד,כח אֱמֹר אֲלֵהֶם, חַי-אָנִי נְאֻם-יְהוָה, אִם-לֹא, כַּאֲשֶׁר דִּבַּרְתֶּם בְּאָזְנָי:  כֵּן, אֶעֱשֶׂה לָכֶם.	אֵימַר לְהוֹן, קַיָּם אֲנָא אֲמַר יְיָ, אִם לָא, כְּמָא דְּמַלֵּילְתּוּן קֳדָמָי:  כֵּין, אַעֲבֵיד לְכוֹן.
יד,כט בַּמִּדְבָּר הַזֶּה יִפְּלוּ פִגְרֵיכֶם וְכָל-פְּקֻדֵיכֶם, לְכָל-מִסְפַּרְכֶם, מִבֶּן עֶשְׂרִים שָׁנָה, וָמָעְלָה:  אֲשֶׁר הֲלִינֹתֶם, עָלָי.	בְּמַדְבְּרָא הָדֵין יִפְּלוּן פִּגְרֵיכוֹן וְכָל מִנְיָנְכוֹן, לְכָל חֻשְׁבָּנְכוֹן, מִבַּר עַסְרִין שְׁנִין, וּלְעֵילָא:  דְּאִתְרָעֲמִתּוּן, עֲלָי.
יד,ל אִם-אַתֶּם, תָּבֹאוּ אֶל-הָאָרֶץ, אֲשֶׁר נָשָׂאתִי אֶת-יָדִי, לְשַׁכֵּן אֶתְכֶם בָּהּ--כִּי אִם-כָּלֵב בֶּן-יְפֻנֶּה, וִיהוֹשֻׁעַ בִּן-נוּן.	אִם אַתּוּן, תֵּיעֲלוּן לְאַרְעָא, דְּקַיֵּימִית בְּמֵימְרִי, לְאַשְׁרָאָה יָתְכוֹן בַּהּ--אֱלָהֵין כָּלֵב בַּר יְפֻנֶּה, וִיהוֹשׁוּעַ בַּר נוּן.
יד,לא וְטַפְּכֶם--אֲשֶׁר אֲמַרְתֶּם, לָבַז יִהְיֶה:  וְהֵבֵיאתִי אֹתָם--וְיָדְעוּ אֶת-הָאָרֶץ, אֲשֶׁר מְאַסְתֶּם בָּהּ.	וְטַפְלְכוֹן--דַּאֲמַרְתּוּן, לְבִזָּא יְהוֹן:  וְאַעֵיל יָתְהוֹן--וְיִדְּעוּן יָת אַרְעָא, דְּקַצְתּוּן בַּהּ.
יד,לב וּפִגְרֵיכֶם, אַתֶּם--יִפְּלוּ, בַּמִּדְבָּר הַזֶּה.	וּפִגְרֵיכוֹן, דִּילְכוֹן--יִפְּלוּן, בְּמַדְבְּרָא הָדֵין.
יד,לג וּבְנֵיכֶם יִהְיוּ רֹעִים בַּמִּדְבָּר, אַרְבָּעִים שָׁנָה, וְנָשְׂאוּ, אֶת-זְנוּתֵיכֶם--עַד-תֹּם פִּגְרֵיכֶם, בַּמִּדְבָּר.	וּבְנֵיכוֹן יְהוֹן מְאַחֲרִין בְּמַדְבְּרָא, אַרְבְּעִין שְׁנִין, וִיקַבְּלוּן, יָת חוֹבֵיכוֹן--עַד דִּיסוּפוּן פִּגְרֵיכוֹן, בְּמַדְבְּרָא.
יד,לד בְּמִסְפַּר הַיָּמִים אֲשֶׁר-תַּרְתֶּם אֶת-הָאָרֶץ, אַרְבָּעִים יוֹם--יוֹם לַשָּׁנָה יוֹם לַשָּׁנָה תִּשְׂאוּ אֶת-עֲוֺנֹתֵיכֶם, אַרְבָּעִים שָׁנָה; וִידַעְתֶּם, אֶת-תְּנוּאָתִי.	בְּמִנְיַן יוֹמַיָּא דְּאַלֵּילְתּוּן יָת אַרְעָא, אַרְבְּעִין יוֹמִין--יוֹמָא לְשַׁתָּא יוֹמָא לְשַׁתָּא תְּקַבְּלוּן יָת חוֹבֵיכוֹן, אַרְבְּעִין שְׁנִין; וְתִדְּעוּן, יָת דְּאִתְרָעֲמִתּוּן עֲלָי.
יד,לה אֲנִי יְהוָה, דִּבַּרְתִּי, אִם-לֹא זֹאת אֶעֱשֶׂה לְכָל-הָעֵדָה הָרָעָה הַזֹּאת, הַנּוֹעָדִים עָלָי; בַּמִּדְבָּר הַזֶּה יִתַּמּוּ, וְשָׁם יָמֻתוּ.	אֲנָא יְיָ, גְּזַרִית בְּמֵימְרִי, אִם לָא דָּא אַעֲבֵיד לְכָל כְּנִשְׁתָּא בִּשְׁתָּא הָדָא, דְּאִזְדָּמַנוּ עֲלָי; בְּמַדְבְּרָא הָדֵין יְסוּפוּן, וְתַמָּן יְמוּתוּן.
יד,לו וְהָאֲנָשִׁים, אֲשֶׁר-שָׁלַח מֹשֶׁה לָתוּר אֶת-הָאָרֶץ; וַיָּשֻׁבוּ, וילונו (וַיַּלִּינוּ) עָלָיו אֶת-כָּל-הָעֵדָה, לְהוֹצִיא דִבָּה, עַל-הָאָרֶץ.	וְגֻבְרַיָּא, דִּשְׁלַח מֹשֶׁה לְאַלָּלָא יָת אַרְעָא; וְתָבוּ, וְאַרְעִימוּ עֲלוֹהִי יָת כָּל כְּנִשְׁתָּא, לְאַפָּקָא שׁוֹם בִּישׁ, עַל אַרְעָא.
יד,לז וַיָּמֻתוּ, הָאֲנָשִׁים, מוֹצִאֵי דִבַּת-הָאָרֶץ, רָעָה--בַּמַּגֵּפָה, לִפְנֵי יְהוָה.	וּמִיתוּ, גֻּבְרַיָּא, דְּאַפִּיקוּ שׁוֹם בִּישׁ, עַל אַרְעָא--בְּמוֹתָנָא, קֳדָם יְיָ.
יד,לח וִיהוֹשֻׁעַ בִּן-נוּן, וְכָלֵב בֶּן-יְפֻנֶּה, חָיוּ מִן-הָאֲנָשִׁים הָהֵם, הַהֹלְכִים לָתוּר אֶת-הָאָרֶץ.	וִיהוֹשׁוּעַ בַּר נוּן, וְכָלֵב בַּר יְפֻנֶּה, אִתְקַיַּמוּ מִן גֻּבְרַיָּא הָאִנּוּן, דַּאֲזַלוּ לְאַלָּלָא יָת אַרְעָא.
יד,לט וַיְדַבֵּר מֹשֶׁה אֶת-הַדְּבָרִים הָאֵלֶּה, אֶל-כָּל-בְּנֵי יִשְׂרָאֵל; וַיִּתְאַבְּלוּ הָעָם, מְאֹד.	וּמַלֵּיל מֹשֶׁה יָת פִּתְגָמַיָּא הָאִלֵּין, עִם כָּל בְּנֵי יִשְׂרָאֵל; וְאִתְאַבַּלוּ עַמָּא, לַחְדָּא.
יד,מ וַיַּשְׁכִּמוּ בַבֹּקֶר, וַיַּעֲלוּ אֶל-רֹאשׁ-הָהָר לֵאמֹר:  הִנֶּנּוּ, וְעָלִינוּ אֶל-הַמָּקוֹם אֲשֶׁר-אָמַר יְהוָה--כִּי חָטָאנוּ.	וְאַקְדִּימוּ בְּצַפְרָא, וּסְלִיקוּ לְרֵישׁ טוּרָא לְמֵימַר:  הָא אֲנַחְנָא, סָלְקִין לְאַתְרָא דַּאֲמַר יְיָ--אֲרֵי חַבְנָא.
יד,מא וַיֹּאמֶר מֹשֶׁה, לָמָּה זֶּה אַתֶּם עֹבְרִים אֶת-פִּי יְהוָה; וְהִוא, לֹא תִצְלָח.	וַאֲמַר מֹשֶׁה, לְמָא דְּנָן אַתּוּן עָבְרִין עַל גְּזֵירַת מֵימְרָא דַּייָ; וְהִיא, לָא תַּצְלַח.
יד,מב אַל-תַּעֲלוּ, כִּי אֵין יְהוָה בְּקִרְבְּכֶם; וְלֹא, תִּנָּגְפוּ, לִפְנֵי, אֹיְבֵיכֶם.	לָא תִּסְּקוּן, אֲרֵי לֵית שְׁכִינְתָא דַּייָ בֵּינֵיכוֹן; וְלָא, תִּתַּבְרוּן, קֳדָם, בַּעֲלֵי דְּבָבֵיכוֹן.
יד,מג כִּי הָעֲמָלֵקִי וְהַכְּנַעֲנִי שָׁם לִפְנֵיכֶם, וּנְפַלְתֶּם בֶּחָרֶב:  כִּי-עַל-כֵּן שַׁבְתֶּם מֵאַחֲרֵי יְהוָה, וְלֹא-יִהְיֶה יְהוָה עִמָּכֶם.	אֲרֵי עֲמָלְקָאָה וּכְנַעֲנָאָה תַּמָּן קֳדָמֵיכוֹן, וְתִפְּלוּן בְּחַרְבָּא:  אֲרֵי עַל כֵּין תַּבְתּוּן מִבָּתַר פֻּלְחָנָא דַּייָ, וְלָא יְהֵי מֵימְרָא דַּייָ בְּסַעְדְּכוֹן.
יד,מד וַיַּעְפִּלוּ, לַעֲלוֹת אֶל-רֹאשׁ הָהָר; וַאֲרוֹן בְּרִית-יְהוָה וּמֹשֶׁה, לֹא-מָשׁוּ מִקֶּרֶב הַמַּחֲנֶה.	וְאַרְשַׁעוּ, לְמִסַּק לְרֵישׁ טוּרָא; וַאֲרוֹן קְיָמָא דַּייָ וּמֹשֶׁה, לָא עֲדוֹ מִגּוֹ מַשְׁרִיתָא.
יד,מה וַיֵּרֶד הָעֲמָלֵקִי וְהַכְּנַעֲנִי, הַיֹּשֵׁב בָּהָר הַהוּא; וַיַּכּוּם וַיַּכְּתוּם, עַד-הַחָרְמָה.  {פ}	וּנְחַת עֲמָלְקָאָה וּכְנַעֲנָאָה, דְּיָתֵיב בְּטוּרָא הַהוּא; וּמְחוֹנוּן וּטְרַדוּנוּן, עַד חָרְמָה.  {פ}
טו,א וַיְדַבֵּר יְהוָה, אֶל-מֹשֶׁה לֵּאמֹר.	וּמַלֵּיל יְיָ, עִם מֹשֶׁה לְמֵימַר.
טו,ב דַּבֵּר אֶל-בְּנֵי יִשְׂרָאֵל, וְאָמַרְתָּ אֲלֵהֶם:  כִּי תָבֹאוּ, אֶל-אֶרֶץ מוֹשְׁבֹתֵיכֶם, אֲשֶׁר אֲנִי, נֹתֵן לָכֶם.	מַלֵּיל עִם בְּנֵי יִשְׂרָאֵל, וְתֵימַר לְהוֹן:  אֲרֵי תֵּיעֲלוּן, לַאֲרַע מוֹתְבָנֵיכוֹן, דַּאֲנָא, יָהֵיב לְכוֹן.
טו,ג וַעֲשִׂיתֶם אִשֶּׁה לַיהוָה, עֹלָה אוֹ-זֶבַח, לְפַלֵּא-נֶדֶר אוֹ בִנְדָבָה, אוֹ בְּמֹעֲדֵיכֶם--לַעֲשׂוֹת רֵיחַ נִיחֹחַ, לַיהוָה, מִן-הַבָּקָר, אוֹ מִן-הַצֹּאן.	וְתַעְבְּדוּן קֻרְבָּנָא קֳדָם יְיָ, עֲלָתָא אוֹ נִכְסַת קֻדְשַׁיָּא, לְפָרָשָׁא נִדְרָא אוֹ בִּנְדַבְתָּא, אוֹ בְּמוֹעֲדֵיכוֹן--לְמֶעֱבַד לְאִתְקַבָּלָא בְּרַעֲוָא, קֳדָם יְיָ, מִן תּוֹרֵי, אוֹ מִן עָנָא.
טו,ד וְהִקְרִיב הַמַּקְרִיב קָרְבָּנוֹ, לַיהוָה--מִנְחָה, סֹלֶת עִשָּׂרוֹן, בָּלוּל, בִּרְבִעִית הַהִין שָׁמֶן.	וִיקָרֵיב דִּמְקָרֵיב קֻרְבָּנֵיהּ, קֳדָם יְיָ--מִנְחָתָא, סֻלְתָּא עֶסְרוֹנָא, דְּפִיל, בְּרַבְעוּת הִינָא מִשְׁחָא.
טו,ה וְיַיִן לַנֶּסֶךְ רְבִיעִית הַהִין, תַּעֲשֶׂה עַל-הָעֹלָה אוֹ לַזָּבַח--לַכֶּבֶשׂ, הָאֶחָד.	וְחַמְרָא לְנִסְכָּא רַבְעוּת הִינָא, תַּעֲבֵיד עַל עֲלָתָא אוֹ לְנִכְסַת קֻדְשַׁיָּא--לְאִמְּרָא, חַד.
טו,ו אוֹ לָאַיִל תַּעֲשֶׂה מִנְחָה, סֹלֶת שְׁנֵי עֶשְׂרֹנִים, בְּלוּלָה בַשֶּׁמֶן, שְׁלִשִׁית הַהִין.	אוֹ לְדִכְרָא תַּעֲבֵיד מִנְחָתָא, סֻלְתָּא תְּרֵין עֶסְרוֹנִין, דְּפִילָא בִּמְשַׁח, תַּלְתוּת הִינָא.
טו,ז וְיַיִן לַנֶּסֶךְ, שְׁלִשִׁית הַהִין--תַּקְרִיב רֵיחַ-נִיחֹחַ, לַיהוָה.	וְחַמְרָא לְנִסְכָּא, תַּלְתוּת הִינָא--תְּקָרֵיב לְאִתְקַבָּלָא בְּרַעֲוָא, קֳדָם יְיָ.
טו,ח וְכִי-תַעֲשֶׂה בֶן-בָּקָר, עֹלָה אוֹ-זָבַח, לְפַלֵּא-נֶדֶר אוֹ-שְׁלָמִים, לַיהוָה.	וַאֲרֵי תַּעֲבֵיד בַּר תּוֹרֵי, עֲלָתָא אוֹ נִכְסַת קֻדְשַׁיָּא, לְפָרָשָׁא נִדְרָא אוֹ נִכְסַת קֻדְשַׁיָּא, קֳדָם יְיָ.
טו,ט וְהִקְרִיב עַל-בֶּן-הַבָּקָר מִנְחָה, סֹלֶת שְׁלֹשָׁה עֶשְׂרֹנִים, בָּלוּל בַּשֶּׁמֶן, חֲצִי הַהִין.	וִיקָרֵיב עַל בַּר תּוֹרֵי מִנְחָתָא, סֻלְתָּא תְּלָתָא עֶסְרוֹנִין, דְּפִיל בִּמְשַׁח, פַּלְגוּת הִינָא.
טו,י וְיַיִן תַּקְרִיב לַנֶּסֶךְ, חֲצִי הַהִין--אִשֵּׁה רֵיחַ-נִיחֹחַ, לַיהוָה.	וְחַמְרָא תְּקָרֵיב לְנִסְכָּא, פַּלְגוּת הִינָא--קֻרְבַּן דְּמִתְקַבַּל בְּרַעֲוָא, קֳדָם יְיָ.
טו,יא כָּכָה יֵעָשֶׂה, לַשּׁוֹר הָאֶחָד, אוֹ, לָאַיִל הָאֶחָד; אוֹ-לַשֶּׂה בַכְּבָשִׂים, אוֹ בָעִזִּים.	כְּדֵין יִתְעֲבֵיד, לְתוֹרָא חַד, אוֹ, לְדִכְרָא חַד; אוֹ לְאִמַּר בְּאִמְּרַיָּא, אוֹ בְּעִזַּיָּא.
טו,יב כַּמִּסְפָּר, אֲשֶׁר תַּעֲשׂוּ--כָּכָה תַּעֲשׂוּ לָאֶחָד, כְּמִסְפָּרָם.	כְּמִנְיַן, דְּתַעְבְּדוּן--כְּדֵין תַּעְבְּדוּן לְחַד, כְּמִנְיָנְהוֹן.
טו,יג כָּל-הָאֶזְרָח יַעֲשֶׂה-כָּכָה, אֶת-אֵלֶּה, לְהַקְרִיב אִשֵּׁה רֵיחַ-נִיחֹחַ, לַיהוָה.	כָּל יַצִּיבָא יַעֲבֵיד כְּדֵין, יָת אִלֵּין, לְקָרָבָא קֻרְבַּן דְּמִתְקַבַּל בְּרַעֲוָא, קֳדָם יְיָ.
טו,יד וְכִי-יָגוּר אִתְּכֶם גֵּר אוֹ אֲשֶׁר-בְּתוֹכְכֶם, לְדֹרֹתֵיכֶם, וְעָשָׂה אִשֵּׁה רֵיחַ-נִיחֹחַ, לַיהוָה--כַּאֲשֶׁר תַּעֲשׂוּ, כֵּן יַעֲשֶׂה.	וַאֲרֵי יִתְגַּיַּר עִמְּכוֹן גִּיּוֹרָא אוֹ דְּבֵינֵיכוֹן, לְדָרֵיכוֹן, וְיַעֲבֵיד קֻרְבַּן דְּמִתְקַבַּל בְּרַעֲוָא, קֳדָם יְיָ--כְּמָא דְּתַעְבְּדוּן, כֵּין יַעֲבֵיד.
טו,טו הַקָּהָל, חֻקָּה אַחַת לָכֶם וְלַגֵּר הַגָּר:  חֻקַּת עוֹלָם לְדֹרֹתֵיכֶם, כָּכֶם כַּגֵּר יִהְיֶה לִפְנֵי יְהוָה.	קְהָלָא, קְיָמָא חַד לְכוֹן וּלְגִיּוֹרַיָּא דְּיִתְגַּיְּרוּן:  קְיָם עָלַם לְדָרֵיכוֹן, כְּוָתְכוֹן גִּיּוֹרָא יְהֵי קֳדָם יְיָ.
טו,טז תּוֹרָה אַחַת וּמִשְׁפָּט אֶחָד, יִהְיֶה לָכֶם, וְלַגֵּר, הַגָּר אִתְּכֶם.  {פ}	אוֹרָיְתָא חֲדָא וְדִינָא חַד, יְהֵי לְכוֹן, וּלְגִיּוֹרַיָּא, דְּיִתְגַּיְּרוּן עִמְּכוֹן.  {פ}
טו,יז וַיְדַבֵּר יְהוָה, אֶל-מֹשֶׁה לֵּאמֹר.	וּמַלֵּיל יְיָ, עִם מֹשֶׁה לְמֵימַר.
טו,יח דַּבֵּר אֶל-בְּנֵי יִשְׂרָאֵל, וְאָמַרְתָּ אֲלֵהֶם:  בְּבֹאֲכֶם, אֶל-הָאָרֶץ, אֲשֶׁר אֲנִי מֵבִיא אֶתְכֶם, שָׁמָּה.	מַלֵּיל עִם בְּנֵי יִשְׂרָאֵל, וְתֵימַר לְהוֹן:  בְּמֵיעַלְכוֹן, לְאַרְעָא, דַּאֲנָא מַעֵיל יָתְכוֹן, לְתַמָּן.
טו,יט וְהָיָה, בַּאֲכָלְכֶם מִלֶּחֶם הָאָרֶץ--תָּרִימוּ תְרוּמָה, לַיהוָה.	וִיהֵי, בְּמֵיכַלְכוֹן מִלַּחְמָא דְּאַרְעָא--תַּפְרְשׁוּן אַפְרָשׁוּתָא, קֳדָם יְיָ.
טו,כ רֵאשִׁית, עֲרִסֹתֵכֶם--חַלָּה, תָּרִימוּ תְרוּמָה:  כִּתְרוּמַת גֹּרֶן, כֵּן תָּרִימוּ אֹתָהּ.	רֵישׁ, אָצְוָתְכוֹן--חַלְּתָא, תַּפְרְשׁוּן אַפְרָשׁוּתָא:  כְּמָא דְּמַפְרְשִׁין מִן אִדְּרָא, כֵּין תַּפְרְשׁוּן יָתַהּ.
טו,כא מֵרֵאשִׁית, עֲרִסֹתֵיכֶם, תִּתְּנוּ לַיהוָה, תְּרוּמָה--לְדֹרֹתֵיכֶם.  {ס}	מֵרֵישׁ, אָצְוָתְכוֹן, תִּתְּנוּן קֳדָם יְיָ, אַפְרָשׁוּתָא--לְדָרֵיכוֹן.  {ס}
טו,כב וְכִי תִשְׁגּוּ--וְלֹא תַעֲשׂוּ, אֵת כָּל-הַמִּצְוֺת הָאֵלֶּה:  אֲשֶׁר-דִּבֶּר יְהוָה, אֶל-מֹשֶׁה.	וַאֲרֵי תִּשְׁתְּלוּן--וְלָא תַּעְבְּדוּן, יָת כָּל פִּקּוֹדַיָּא הָאִלֵּין:  דְּמַלֵּיל יְיָ, עִם מֹשֶׁה.
טו,כג אֵת כָּל-אֲשֶׁר צִוָּה יְהוָה אֲלֵיכֶם, בְּיַד-מֹשֶׁה:  מִן-הַיּוֹם אֲשֶׁר צִוָּה יְהוָה, וָהָלְאָה--לְדֹרֹתֵיכֶם.	יָת כָּל דְּפַקֵּיד יְיָ לְכוֹן, בִּידָא דְּמֹשֶׁה:  מִן יוֹמָא דְּפַקֵּיד יְיָ, וּלְהַלְאָה--לְדָרֵיכוֹן.
טו,כד וְהָיָה, אִם מֵעֵינֵי הָעֵדָה נֶעֶשְׂתָה לִשְׁגָגָה, וְעָשׂוּ כָל-הָעֵדָה פַּר בֶּן-בָּקָר אֶחָד לְעֹלָה לְרֵיחַ נִיחֹחַ לַיהוָה, וּמִנְחָתוֹ וְנִסְכּוֹ כַּמִּשְׁפָּט; וּשְׂעִיר-עִזִּים אֶחָד, לְחַטָּת.	וִיהֵי, אִם מֵעֵינֵי כְּנִשְׁתָּא אִתְעֲבֵידַת לְשָׁלוּ, וְיַעְבְּדוּן כָּל כְּנִשְׁתָּא תּוֹר בַּר תּוֹרֵי חַד לַעֲלָתָא לְאִתְקַבָּלָא בְּרַעֲוָא קֳדָם יְיָ, וּמִנְחָתֵיהּ וְנִסְכֵּיהּ כְּדַחְזֵי; וּצְפִיר בַּר עִזִּין חַד, לְחַטָּתָא.
טו,כה וְכִפֶּר הַכֹּהֵן, עַל-כָּל-עֲדַת בְּנֵי יִשְׂרָאֵל--וְנִסְלַח לָהֶם:  כִּי-שְׁגָגָה הִוא--וְהֵם הֵבִיאוּ אֶת-קָרְבָּנָם אִשֶּׁה לַיהוָה וְחַטָּאתָם לִפְנֵי יְהוָה, עַל-שִׁגְגָתָם.	וִיכַפַּר כָּהֲנָא, עַל כָּל כְּנִשְׁתָּא דִּבְנֵי יִשְׂרָאֵל--וְיִשְׁתְּבֵיק לְהוֹן:  אֲרֵי שָׁלוּתָא הִיא--וְאִנּוּן אֵיתִיאוּ יָת קֻרְבָּנְהוֹן קֻרְבָּנָא קֳדָם יְיָ וְחוֹבַתְהוֹן קֳדָם יְיָ, עַל שָׁלוּתְהוֹן.
טו,כו וְנִסְלַח, לְכָל-עֲדַת בְּנֵי יִשְׂרָאֵל, וְלַגֵּר, הַגָּר בְּתוֹכָם:  כִּי לְכָל-הָעָם, בִּשְׁגָגָה.  {ס}	וְיִשְׁתְּבֵיק, לְכָל כְּנִשְׁתָּא דִּבְנֵי יִשְׂרָאֵל, וּלְגִיּוֹרַיָּא, דְּיִתְגַּיְּרוּן בֵּינֵיהוֹן:  אֲרֵי לְכָל עַמָּא, בְּשָׁלוּתָא.  {ס}
טו,כז וְאִם-נֶפֶשׁ אַחַת, תֶּחֱטָא בִשְׁגָגָה--וְהִקְרִיבָה עֵז בַּת-שְׁנָתָהּ, לְחַטָּאת.	וְאִם אֲנָשׁ חַד, יְחוּב בְּשָׁלוּ--וִיקָרֵיב עִזָּא בַּת שַׁתַּהּ, לְחַטָּתָא.
טו,כח וְכִפֶּר הַכֹּהֵן, עַל-הַנֶּפֶשׁ הַשֹּׁגֶגֶת בְּחֶטְאָה בִשְׁגָגָה--לִפְנֵי יְהוָה:  לְכַפֵּר עָלָיו, וְנִסְלַח לוֹ.	וִיכַפַּר כָּהֲנָא, עַל אֲנָשׁ דְּאִשְׁתְּלִי בְּמֵיחֲבֵיהּ בְּשָׁלוּ--קֳדָם יְיָ:  לְכַפָּרָא עֲלוֹהִי, וְיִשְׁתְּבֵיק לֵיהּ.
טו,כט הָאֶזְרָח בִּבְנֵי יִשְׂרָאֵל, וְלַגֵּר הַגָּר בְּתוֹכָם--תּוֹרָה אַחַת יִהְיֶה לָכֶם, לָעֹשֶׂה בִּשְׁגָגָה.	יַצִּיבָא בִּבְנֵי יִשְׂרָאֵל, וּלְגִיּוֹרַיָּא דְּיִתְגַּיְּרוּן בֵּינֵיהוֹן--אוֹרָיְתָא חֲדָא יְהֵי לְכוֹן, לִדְיַעֲבֵיד בְּשָׁלוּ.
טו,ל וְהַנֶּפֶשׁ אֲשֶׁר-תַּעֲשֶׂה בְּיָד רָמָה, מִן-הָאֶזְרָח וּמִן-הַגֵּר--אֶת-יְהוָה, הוּא מְגַדֵּף; וְנִכְרְתָה הַנֶּפֶשׁ הַהִוא, מִקֶּרֶב עַמָּהּ.	וַאֲנָשׁ דְּיַעֲבֵיד בְּרֵישׁ גְּלֵי, מִן יַצִּיבַיָּא וּמִן גִּיּוֹרַיָּא--קֳדָם יְיָ, הוּא מַרְגֵּיז; וְיִשְׁתֵּיצֵי אֲנָשָׁא הַהוּא, מִגּוֹ עַמֵּיהּ.
טו,לא כִּי דְבַר-יְהוָה בָּזָה, וְאֶת-מִצְוָתוֹ הֵפַר; הִכָּרֵת תִּכָּרֵת הַנֶּפֶשׁ הַהִוא, עֲוֺנָה בָהּ.  {פ}	אֲרֵי עַל פִּתְגָמָא דַּייָ בַּסַּר, וְיָת פִּקּוֹדוֹהִי אַשְׁנִי; אִשְׁתֵּיצָאָה יִשְׁתֵּיצֵי אֲנָשָׁא הַהוּא, חוֹבֵיהּ בֵּיהּ.  {פ}
טו,לב וַיִּהְיוּ בְנֵי-יִשְׂרָאֵל, בַּמִּדְבָּר; וַיִּמְצְאוּ, אִישׁ מְקֹשֵׁשׁ עֵצִים--בְּיוֹם הַשַּׁבָּת.	וַהֲווֹ בְּנֵי יִשְׂרָאֵל, בְּמַדְבְּרָא; וְאַשְׁכַּחוּ, גְּבַר כַּד מְגָבֵיב אָעִין--בְּיוֹמָא דְּשַׁבְּתָא.
טו,לג וַיַּקְרִיבוּ אֹתוֹ, הַמֹּצְאִים אֹתוֹ מְקֹשֵׁשׁ עֵצִים--אֶל-מֹשֶׁה, וְאֶל-אַהֲרֹן, וְאֶל, כָּל-הָעֵדָה.	וְקָרִיבוּ יָתֵיהּ, דְּאַשְׁכַּחוּ יָתֵיהּ כַּד מְגָבֵיב אָעִין--לְוָת מֹשֶׁה, וּלְוָת אַהֲרוֹן, וּלְוָת, כָּל כְּנִשְׁתָּא.
טו,לד וַיַּנִּיחוּ אֹתוֹ, בַּמִּשְׁמָר:  כִּי לֹא פֹרַשׁ, מַה-יֵּעָשֶׂה לוֹ.  {ס}	וַאֲסַרוּ יָתֵיהּ, בְּבֵית מַטְּרָא:  אֲרֵי לָא אִתְפָּרַשׁ לְהוֹן, מָא דְּיַעְבְּדוּן לֵיהּ.  {ס}
טו,לה וַיֹּאמֶר יְהוָה אֶל-מֹשֶׁה, מוֹת יוּמַת הָאִישׁ; רָגוֹם אֹתוֹ בָאֲבָנִים כָּל-הָעֵדָה, מִחוּץ לַמַּחֲנֶה.	וַאֲמַר יְיָ לְמֹשֶׁה, אִתְקְטָלָא יִתְקְטִיל גֻּבְרָא; רְגוּמוּ יָתֵיהּ בְּאַבְנַיָּא כָּל כְּנִשְׁתָּא, מִבַּרָא לְמַשְׁרִיתָא.
טו,לו וַיֹּצִיאוּ אֹתוֹ כָּל-הָעֵדָה, אֶל-מִחוּץ לַמַּחֲנֶה, וַיִּרְגְּמוּ אֹתוֹ בָּאֲבָנִים, וַיָּמֹת:  כַּאֲשֶׁר צִוָּה יְהוָה, אֶת-מֹשֶׁה.  {פ}	וְאַפִּיקוּ יָתֵיהּ כָּל כְּנִשְׁתָּא, לְמִבַּרָא לְמַשְׁרִיתָא, וּרְגַמוּ יָתֵיהּ בְּאַבְנַיָּא, וּמִית:  כְּמָא דְּפַקֵּיד יְיָ, יָת מֹשֶׁה.  {פ}
טו,לז וַיֹּאמֶר יְהוָה, אֶל-מֹשֶׁה לֵּאמֹר.	וַאֲמַר יְיָ, לְמֹשֶׁה לְמֵימַר.
טו,לח דַּבֵּר אֶל-בְּנֵי יִשְׂרָאֵל, וְאָמַרְתָּ אֲלֵהֶם, וְעָשׂוּ לָהֶם צִיצִת עַל-כַּנְפֵי בִגְדֵיהֶם, לְדֹרֹתָם; וְנָתְנוּ עַל-צִיצִת הַכָּנָף, פְּתִיל תְּכֵלֶת.	מַלֵּיל עִם בְּנֵי יִשְׂרָאֵל, וְתֵימַר לְהוֹן, וְיַעְבְּדוּן לְהוֹן כְּרֻסְפְּדִין עַל כַּנְפֵי כְּסוּתְהוֹן, לְדָרֵיהוֹן; וְיִתְּנוּן עַל כְּרֻסְפַּד כַּנְפָא, חוּטָא דִּתְכִילְתָא.
טו,לט וְהָיָה לָכֶם, לְצִיצִת, וּרְאִיתֶם אֹתוֹ וּזְכַרְתֶּם אֶת-כָּל-מִצְוֺת יְהוָה, וַעֲשִׂיתֶם אֹתָם; וְלֹא-תָתוּרוּ אַחֲרֵי לְבַבְכֶם, וְאַחֲרֵי עֵינֵיכֶם, אֲשֶׁר-אַתֶּם זֹנִים, אַחֲרֵיהֶם.	וִיהוֹן לְכוֹן, לִכְרֻסְפְּדִין, וְתִחְזוֹן יָתֵיהּ וְתִדְכְרוּן יָת כָּל פִּקּוֹדַיָּא דַּייָ, וְתַעְבְּדוּן יָתְהוֹן; וְלָא תִּטְעוֹן בָּתַר הַרְהוּר לִבְּכוֹן, וּבָתַר חֵיזוּ עֵינֵיכוֹן, דְּאַתּוּן טָעַן, בָּתְרֵיהוֹן.
טו,מ לְמַעַן תִּזְכְּרוּ, וַעֲשִׂיתֶם אֶת-כָּל-מִצְוֺתָי; וִהְיִיתֶם קְדֹשִׁים, לֵאלֹהֵיכֶם.	בְּדִיל דְּתִדְכְרוּן, וְתַעְבְּדוּן יָת כָּל פִּקּוֹדָי; וּתְהוֹן קַדִּישִׁין, קֳדָם אֱלָהֲכוֹן.
טו,מא אֲנִי יְהוָה אֱלֹהֵיכֶם, אֲשֶׁר הוֹצֵאתִי אֶתְכֶם מֵאֶרֶץ מִצְרַיִם, לִהְיוֹת לָכֶם, לֵאלֹהִים:  אֲנִי, יְהוָה אֱלֹהֵיכֶם.  {פ}	אֲנָא יְיָ אֱלָהֲכוֹן, דְּאַפֵּיקִית יָתְכוֹן מֵאַרְעָא דְּמִצְרַיִם, לְמִהְוֵי לְכוֹן, לֶאֱלָהּ:  אֲנָא, יְיָ אֱלָהֲכוֹן.  {פ}