יתרו

יח,א וַיִּשְׁמַע יִתְרוֹ כֹהֵן מִדְיָן, חֹתֵן מֹשֶׁה, אֵת כָּל-אֲשֶׁר עָשָׂה אֱלֹהִים לְמֹשֶׁה, וּלְיִשְׂרָאֵל עַמּוֹ:  כִּי-הוֹצִיא יְהוָה אֶת-יִשְׂרָאֵל, מִמִּצְרָיִם.	וּשְׁמַע יִתְרוֹ רַבָּא דְּמִדְיָן, חֲמוּהִי דְּמֹשֶׁה, יָת כָּל דַּעֲבַד יְיָ לְמֹשֶׁה, וּלְיִשְׂרָאֵל עַמֵּיהּ:  אֲרֵי אַפֵּיק יְיָ יָת יִשְׂרָאֵל, מִמִּצְרָיִם.
יח,ב וַיִּקַּח, יִתְרוֹ חֹתֵן מֹשֶׁה, אֶת-צִפֹּרָה, אֵשֶׁת מֹשֶׁה--אַחַר, שִׁלּוּחֶיהָ.	וּדְבַר, יִתְרוֹ חֲמוּהִי דְּמֹשֶׁה, יָת צִפּוֹרָה, אִתַּת מֹשֶׁה--בָּתַר, דְּשַׁלְּחַהּ.
יח,ג וְאֵת, שְׁנֵי בָנֶיהָ:  אֲשֶׁר שֵׁם הָאֶחָד, גֵּרְשֹׁם--כִּי אָמַר, גֵּר הָיִיתִי בְּאֶרֶץ נָכְרִיָּה.	וְיָת, תְּרֵין בְּנַהָא:  דְּשׁוֹם חַד, גֵּרְשׁוֹם--אֲרֵי אֲמַר, דַּיָּר הֲוֵיתִי בַּאֲרַע נֻכְרָאָה.
יח,ד וְשֵׁם הָאֶחָד, אֱלִיעֶזֶר--כִּי-אֱלֹהֵי אָבִי בְּעֶזְרִי, וַיַּצִּלֵנִי מֵחֶרֶב פַּרְעֹה.	וְשׁוֹם חַד, אֱלִיעֶזֶר--אֲרֵי אֱלָהֵיהּ דְּאַבָּא הֲוָה בְּסַעֲדִי, וְשֵׁיזְבַנִי מֵחַרְבָּא דְּפַרְעֹה.
יח,ה וַיָּבֹא יִתְרוֹ חֹתֵן מֹשֶׁה, וּבָנָיו וְאִשְׁתּוֹ--אֶל-מֹשֶׁה:  אֶל-הַמִּדְבָּר, אֲשֶׁר-הוּא חֹנֶה שָׁם--הַר הָאֱלֹהִים.	וַאֲתָא יִתְרוֹ חֲמוּהִי דְּמֹשֶׁה, וּבְנוֹהִי וְאִתְּתֵיהּ--לְוָת מֹשֶׁה:  לְמַדְבְּרָא, דְּהוּא שָׁרֵי תַּמָּן--לְטוּרָא דְּאִתְגְּלִי עֲלוֹהִי יְקָרָא דַּייָ.
יח,ו וַיֹּאמֶר, אֶל-מֹשֶׁה, אֲנִי חֹתֶנְךָ יִתְרוֹ, בָּא אֵלֶיךָ; וְאִשְׁתְּךָ--וּשְׁנֵי בָנֶיהָ, עִמָּהּ.	וַאֲמַר, לְמֹשֶׁה, אֲנָא חֲמוּךְ יִתְרוֹ, אָתֵי לְוָתָךְ; וְאִתְּתָךְ--וּתְרֵין בְּנַהָא, עִמַּהּ.
יח,ז וַיֵּצֵא מֹשֶׁה לִקְרַאת חֹתְנוֹ, וַיִּשְׁתַּחוּ וַיִּשַּׁק-לוֹ, וַיִּשְׁאֲלוּ אִישׁ-לְרֵעֵהוּ, לְשָׁלוֹם; וַיָּבֹאוּ, הָאֹהֱלָה.	וּנְפַק מֹשֶׁה לְקַדָּמוּת חֲמוּהִי, וּסְגֵיד וְנַשֵּׁיק לֵיהּ, וּשְׁאִילוּ גְּבַר לְחַבְרֵיהּ, לִשְׁלָם; וְעָאלוּ, לְמַשְׁכְּנָא.
יח,ח וַיְסַפֵּר מֹשֶׁה, לְחֹתְנוֹ, אֵת כָּל-אֲשֶׁר עָשָׂה יְהוָה לְפַרְעֹה וּלְמִצְרַיִם, עַל אוֹדֹת יִשְׂרָאֵל:  אֵת כָּל-הַתְּלָאָה אֲשֶׁר מְצָאָתַם בַּדֶּרֶךְ, וַיַּצִּלֵם יְהוָה.	וְאִשְׁתַּעִי מֹשֶׁה, לַחֲמוּהִי, יָת כָּל דַּעֲבַד יְיָ לְפַרְעֹה וּלְמִצְרָאֵי, עַל עֵיסַק יִשְׂרָאֵל:  יָת כָּל עָקְתָא דְּאַשְׁכַּחַתְנוּן בְּאוֹרְחָא, וְשֵׁיזֵיבִנּוּן יְיָ.
יח,ט וַיִּחַדְּ יִתְרוֹ--עַל כָּל-הַטּוֹבָה, אֲשֶׁר-עָשָׂה יְהוָה לְיִשְׂרָאֵל:  אֲשֶׁר הִצִּילוֹ, מִיַּד מִצְרָיִם.	וַחְדִּי יִתְרוֹ--עַל כָּל טָבְתָא, דַּעֲבַד יְיָ לְיִשְׂרָאֵל:  דְּשֵׁיזֵיבִנּוּן, מִיְּדָא דְּמִצְרָאֵי.
יח,י וַיֹּאמֶר, יִתְרוֹ, בָּרוּךְ יְהוָה, אֲשֶׁר הִצִּיל אֶתְכֶם מִיַּד מִצְרַיִם וּמִיַּד פַּרְעֹה:  אֲשֶׁר הִצִּיל אֶת-הָעָם, מִתַּחַת יַד-מִצְרָיִם.	וַאֲמַר, יִתְרוֹ, בְּרִיךְ יְיָ, דְּשֵׁיזֵיב יָתְכוֹן מִיְּדָא דְּמִצְרָאֵי וּמִיְּדָא דְּפַרְעֹה:  דְּשֵׁיזֵיב יָת עַמָּא, מִתְּחוֹת מַרְוַת מִצְרָאֵי.
יח,יא עַתָּה יָדַעְתִּי, כִּי-גָדוֹל יְהוָה מִכָּל-הָאֱלֹהִים:  כִּי בַדָּבָר, אֲשֶׁר זָדוּ עֲלֵיהֶם.	כְּעַן יָדַעְנָא, אֲרֵי רָב יְיָ וְלֵית אֱלָהּ בָּר מִנֵּיהּ:  אֲרֵי בְּפִתְגָמָא, דְּחַשִּׁיבוּ מִצְרָאֵי לִמְדָּן יָת יִשְׂרָאֵל בֵּיהּ דָּנִנּוּן.
יח,יב וַיִּקַּח יִתְרוֹ חֹתֵן מֹשֶׁה, עֹלָה וּזְבָחִים--לֵאלֹהִים; וַיָּבֹא אַהֲרֹן וְכֹל זִקְנֵי יִשְׂרָאֵל, לֶאֱכָל-לֶחֶם עִם-חֹתֵן מֹשֶׁה--לִפְנֵי הָאֱלֹהִים.	וְקָרֵיב יִתְרוֹ חֲמוּהִי דְּמֹשֶׁה, עֲלָוָן וְנִכְסַת קֻדְשִׁין--קֳדָם יְיָ; וַאֲתָא אַהֲרוֹן וְכֹל סָבֵי יִשְׂרָאֵל, לְמֵיכַל לַחְמָא עִם חֲמוּהִי דְּמֹשֶׁה--קֳדָם יְיָ.
יח,יג וַיְהִי, מִמָּחֳרָת, וַיֵּשֶׁב מֹשֶׁה, לִשְׁפֹּט אֶת-הָעָם; וַיַּעֲמֹד הָעָם עַל-מֹשֶׁה, מִן-הַבֹּקֶר עַד-הָעָרֶב.	וַהֲוָה, בְּיוֹמָא דְּבָתְרוֹהִי, וִיתֵיב מֹשֶׁה, לִמְדָּן יָת עַמָּא; וְקָם עַמָּא עִלָּווֹהִי דְּמֹשֶׁה, מִן צַפְרָא עַד רַמְשָׁא.
יח,יד וַיַּרְא חֹתֵן מֹשֶׁה, אֵת כָּל-אֲשֶׁר-הוּא עֹשֶׂה לָעָם; וַיֹּאמֶר, מָה-הַדָּבָר הַזֶּה אֲשֶׁר אַתָּה עֹשֶׂה לָעָם--מַדּוּעַ אַתָּה יוֹשֵׁב לְבַדֶּךָ, וְכָל-הָעָם נִצָּב עָלֶיךָ מִן-בֹּקֶר עַד-עָרֶב.	וַחֲזָא חֲמוּהִי דְּמֹשֶׁה, יָת כָּל דְּהוּא עָבֵיד לְעַמָּא; וַאֲמַר, מָא פִּתְגָמָא הָדֵין דְּאַתְּ עָבֵיד לְעַמָּא--מָדֵין אַתְּ יָתֵיב בִּלְחוֹדָךְ, וְכָל עַמָּא קָיְמִין עִלָּוָךְ מִן צַפְרָא עַד רַמְשָׁא.
יח,טו וַיֹּאמֶר מֹשֶׁה, לְחֹתְנוֹ:  כִּי-יָבֹא אֵלַי הָעָם, לִדְרֹשׁ אֱלֹהִים.	וַאֲמַר מֹשֶׁה, לַחֲמוּהִי:  אֲרֵי אָתַן לְוָתִי עַמָּא, לְמִתְבַּע אֻלְפָן מִן קֳדָם יְיָ.
יח,טז כִּי-יִהְיֶה לָהֶם דָּבָר, בָּא אֵלַי, וְשָׁפַטְתִּי, בֵּין אִישׁ וּבֵין רֵעֵהוּ; וְהוֹדַעְתִּי אֶת-חֻקֵּי הָאֱלֹהִים, וְאֶת-תּוֹרֹתָיו.	כַּד הָוֵי לְהוֹן דִּינָא, אָתַן לְוָתִי, וְדָאֵינְנָא, בֵּין גֻּבְרָא וּבֵין חַבְרֵיהּ; וּמְהוֹדַעְנָא לְהוֹן יָת קְיָמַיָּא דַּייָ, וְיָת אוֹרָיָתֵיהּ.
יח,יז וַיֹּאמֶר חֹתֵן מֹשֶׁה, אֵלָיו:  לֹא-טוֹב, הַדָּבָר, אֲשֶׁר אַתָּה, עֹשֶׂה.	וַאֲמַר חֲמוּהִי דְּמֹשֶׁה, לֵיהּ:  לָא תָּקֵין, פִּתְגָמָא, דְּאַתְּ, עָבֵיד.
יח,יח נָבֹל תִּבֹּל--גַּם-אַתָּה, גַּם-הָעָם הַזֶּה אֲשֶׁר עִמָּךְ:  כִּי-כָבֵד מִמְּךָ הַדָּבָר, לֹא-תוּכַל עֲשֹׂהוּ לְבַדֶּךָ.	מִלְאָה תִּלְאֵי--אַף אַתְּ, אַף עַמָּא הָדֵין דְּעִמָּךְ:  אֲרֵי יַקִּיר מִנָּךְ פִּתְגָמָא, לָא תִּכּוֹל לְמִעְבְּדֵיהּ בִּלְחוֹדָךְ.
יח,יט עַתָּה שְׁמַע בְּקֹלִי, אִיעָצְךָ, וִיהִי אֱלֹהִים, עִמָּךְ; הֱיֵה אַתָּה לָעָם, מוּל הָאֱלֹהִים, וְהֵבֵאתָ אַתָּה אֶת-הַדְּבָרִים, אֶל-הָאֱלֹהִים.	כְּעַן קַבֵּיל מִנִּי, אַמְלְכִנָּךְ, וִיהֵי מֵימְרָא דַּייָ, בְּסַעֲדָךְ; הֱוִי אַתְּ לְעַמָּא, תָּבַע אֻלְפָן מִן קֳדָם יְיָ, וּתְהֵי מֵיתֵי אַתְּ יָת פִּתְגָמַיָּא, לִקְדָם יְיָ.
יח,כ וְהִזְהַרְתָּה אֶתְהֶם, אֶת-הַחֻקִּים וְאֶת-הַתּוֹרֹת; וְהוֹדַעְתָּ לָהֶם, אֶת-הַדֶּרֶךְ יֵלְכוּ בָהּ, וְאֶת-הַמַּעֲשֶׂה, אֲשֶׁר יַעֲשׂוּן.	וְתַזְהַר יָתְהוֹן, יָת קְיָמַיָּא וְיָת אוֹרָיָתָא; וּתְהוֹדַע לְהוֹן, יָת אוֹרְחָא דִּיהָכוּן בַּהּ, וְיָת עוּבָדָא, דְּיַעְבְּדוּן.
יח,כא וְאַתָּה תֶחֱזֶה מִכָּל-הָעָם אַנְשֵׁי-חַיִל יִרְאֵי אֱלֹהִים, אַנְשֵׁי אֱמֶת--שֹׂנְאֵי בָצַע; וְשַׂמְתָּ עֲלֵהֶם, שָׂרֵי אֲלָפִים שָׂרֵי מֵאוֹת, שָׂרֵי חֲמִשִּׁים, וְשָׂרֵי עֲשָׂרֹת.	וְאַתְּ תִּחְזֵי מִכָּל עַמָּא גֻּבְרִין דְּחֵילָא דָּחֲלַיָּא דַּייָ, גֻּבְרִין דִּקְשׁוֹט--דְּסָנַן לְקַבָּלָא מָמוֹן; וּתְמַנֵּי עֲלֵיהוֹן, רַבָּנֵי אַלְפֵי רַבָּנֵי מָאוָתָא, רַבָּנֵי חַמְשִׁין, וְרַבָּנֵי עֲסוֹרְיָתָא.
יח,כב וְשָׁפְטוּ אֶת-הָעָם, בְּכָל-עֵת, וְהָיָה כָּל-הַדָּבָר הַגָּדֹל יָבִיאוּ אֵלֶיךָ, וְכָל-הַדָּבָר הַקָּטֹן יִשְׁפְּטוּ-הֵם; וְהָקֵל, מֵעָלֶיךָ, וְנָשְׂאוּ, אִתָּךְ.	וִידִינוּן יָת עַמָּא, בְּכָל עִדָּן, וִיהֵי כָּל פִּתְגָם רַב יַיְתוֹן לְוָתָךְ, וְכָל פִּתְגָם זְעֵיר יְדִינוּן אִנּוּן; וְיֵיקְלוּן, מִנָּךְ, וִיסוֹבְרוּן, עִמָּךְ.
יח,כג אִם אֶת-הַדָּבָר הַזֶּה, תַּעֲשֶׂה, וְצִוְּךָ אֱלֹהִים, וְיָכָלְתָּ עֲמֹד; וְגַם כָּל-הָעָם הַזֶּה, עַל-מְקֹמוֹ יָבֹא בְשָׁלוֹם.	אִם יָת פִּתְגָמָא הָדֵין, תַּעֲבֵיד, וִיפַקְּדִנָּךְ יְיָ, וְתִכּוֹל לִמְקָם; וְאַף כָּל עַמָּא הָדֵין, עַל אַתְרֵיהּ יְהָךְ בִּשְׁלָם.
יח,כד וַיִּשְׁמַע מֹשֶׁה, לְקוֹל חֹתְנוֹ; וַיַּעַשׂ, כֹּל אֲשֶׁר אָמָר.	וְקַבֵּיל מֹשֶׁה, לְמֵימַר חֲמוּהִי; וַעֲבַד, כֹּל דַּאֲמַר.
יח,כה וַיִּבְחַר מֹשֶׁה אַנְשֵׁי-חַיִל מִכָּל-יִשְׂרָאֵל, וַיִּתֵּן אֹתָם רָאשִׁים עַל-הָעָם--שָׂרֵי אֲלָפִים שָׂרֵי מֵאוֹת, שָׂרֵי חֲמִשִּׁים וְשָׂרֵי עֲשָׂרֹת.	וּבְחַר מֹשֶׁה גֻּבְרִין דְּחֵילָא מִכָּל יִשְׂרָאֵל, וּמַנִּי יָתְהוֹן רֵישִׁין עַל עַמָּא--רַבָּנֵי אַלְפֵי רַבָּנֵי מָאוָתָא, רַבָּנֵי חַמְשִׁין וְרַבָּנֵי עֲסוֹרְיָתָא.
יח,כו וְשָׁפְטוּ אֶת-הָעָם, בְּכָל-עֵת:  אֶת-הַדָּבָר הַקָּשֶׁה יְבִיאוּן אֶל-מֹשֶׁה, וְכָל-הַדָּבָר הַקָּטֹן יִשְׁפּוּטוּ הֵם.	וְדָיְנִין יָת עַמָּא, בְּכָל עִדָּן:  יָת פִּתְגָם קְשֵׁי מֵיתַן לְוָת מֹשֶׁה, וְכָל פִּתְגָם זְעֵיר דָּיְנִין אִנּוּן.
יח,כז וַיְשַׁלַּח מֹשֶׁה, אֶת-חֹתְנוֹ; וַיֵּלֶךְ לוֹ, אֶל-אַרְצוֹ.  {פ}	וְשַׁלַּח מֹשֶׁה, יָת חֲמוּהִי; וַאֲזַל לֵיהּ, לְאַרְעֵיהּ.  {פ}
יט,א בַּחֹדֶשׁ, הַשְּׁלִישִׁי, לְצֵאת בְּנֵי-יִשְׂרָאֵל, מֵאֶרֶץ מִצְרָיִם--בַּיּוֹם הַזֶּה, בָּאוּ מִדְבַּר סִינָי.	בְּיַרְחָא, תְּלִיתָאָה, לְמִפַּק בְּנֵי יִשְׂרָאֵל, מֵאַרְעָא דְּמִצְרָיִם--בְּיוֹמָא הָדֵין, אֲתוֹ לְמַדְבְּרָא דְּסִינָי.
יט,ב וַיִּסְעוּ מֵרְפִידִים, וַיָּבֹאוּ מִדְבַּר סִינַי, וַיַּחֲנוּ, בַּמִּדְבָּר; וַיִּחַן-שָׁם יִשְׂרָאֵל, נֶגֶד הָהָר.	וּנְטַלוּ מֵרְפִידִים, וַאֲתוֹ לְמַדְבְּרָא דְּסִינַי, וּשְׁרוֹ, בְּמַדְבְּרָא; וּשְׁרָא תַּמָּן יִשְׂרָאֵל, לָקֳבֵיל טוּרָא.
יט,ג וּמֹשֶׁה עָלָה, אֶל-הָאֱלֹהִים; וַיִּקְרָא אֵלָיו יְהוָה, מִן-הָהָר לֵאמֹר, כֹּה תֹאמַר לְבֵית יַעֲקֹב, וְתַגֵּיד לִבְנֵי יִשְׂרָאֵל.	וּמֹשֶׁה סְלֵיק, לִקְדָם יְיָ; וּקְרָא לֵיהּ יְיָ, מִן טוּרָא לְמֵימַר, כְּדֵין תֵּימַר לְבֵית יַעֲקוֹב, וּתְחַוֵּי לִבְנֵי יִשְׂרָאֵל.
יט,ד אַתֶּם רְאִיתֶם, אֲשֶׁר עָשִׂיתִי לְמִצְרָיִם; וָאֶשָּׂא אֶתְכֶם עַל-כַּנְפֵי נְשָׁרִים, וָאָבִא אֶתְכֶם אֵלָי.	אַתּוּן חֲזֵיתוֹן, דַּעֲבַדִית לְמִצְרָאֵי; וְנַטֵּילִית יָתְכוֹן כִּד עַל גַּדְפֵּי נִשְׁרִין, וְקָרֵיבִית יָתְכוֹן לְפֻלְחָנִי.
יט,ה וְעַתָּה, אִם-שָׁמוֹעַ תִּשְׁמְעוּ בְּקֹלִי, וּשְׁמַרְתֶּם, אֶת-בְּרִיתִי--וִהְיִיתֶם לִי סְגֻלָּה מִכָּל-הָעַמִּים, כִּי-לִי כָּל-הָאָרֶץ.	וּכְעַן, אִם קַבָּלָא תְּקַבְּלוּן לְמֵימְרִי, וְתִטְּרוּן, יָת קְיָמִי--וּתְהוֹן קֳדָמַי חַבִּיבִין מִכָּל עַמְמַיָּא, אֲרֵי דִּילִי כָּל אַרְעָא.
יט,ו וְאַתֶּם תִּהְיוּ-לִי מַמְלֶכֶת כֹּהֲנִים, וְגוֹי קָדוֹשׁ:  אֵלֶּה, הַדְּבָרִים, אֲשֶׁר תְּדַבֵּר, אֶל-בְּנֵי יִשְׂרָאֵל.	וְאַתּוּן תְּהוֹן קֳדָמַי מַלְכִין כָּהֲנִין, וְעַם קַדִּישׁ:  אִלֵּין, פִּתְגָמַיָּא, דִּתְמַלֵּיל, עִם בְּנֵי יִשְׂרָאֵל.
יט,ז וַיָּבֹא מֹשֶׁה, וַיִּקְרָא לְזִקְנֵי הָעָם; וַיָּשֶׂם לִפְנֵיהֶם, אֵת כָּל-הַדְּבָרִים הָאֵלֶּה, אֲשֶׁר צִוָּהוּ, יְהוָה.	וַאֲתָא מֹשֶׁה, וּקְרָא לְסָבֵי עַמָּא; וְסַדַּר קֳדָמֵיהוֹן, יָת כָּל פִּתְגָמַיָּא הָאִלֵּין, דְּפַקְּדֵיהּ, יְיָ.
יט,ח וַיַּעֲנוּ כָל-הָעָם יַחְדָּו וַיֹּאמְרוּ, כֹּל אֲשֶׁר-דִּבֶּר יְהוָה נַעֲשֶׂה; וַיָּשֶׁב מֹשֶׁה אֶת-דִּבְרֵי הָעָם, אֶל-יְהוָה.	וַאֲתִיבוּ כָּל עַמָּא כַּחְדָּא וַאֲמַרוּ, כֹּל דְּמַלֵּיל יְיָ נַעֲבֵיד; וַאֲתֵיב מֹשֶׁה יָת פִּתְגָמֵי עַמָּא, לִקְדָם יְיָ.
יט,ט וַיֹּאמֶר יְהוָה אֶל-מֹשֶׁה, הִנֵּה אָנֹכִי בָּא אֵלֶיךָ בְּעַב הֶעָנָן, בַּעֲבוּר יִשְׁמַע הָעָם בְּדַבְּרִי עִמָּךְ, וְגַם-בְּךָ יַאֲמִינוּ לְעוֹלָם; וַיַּגֵּד מֹשֶׁה אֶת-דִּבְרֵי הָעָם, אֶל-יְהוָה.	וַאֲמַר יְיָ לְמֹשֶׁה, הָא אֲנָא מִתְגְּלֵי לָךְ בְּעֵיבָא דַּעֲנָנָא, בְּדִיל דְּיִשְׁמַע עַמָּא בְּמַלָּלוּתִי עִמָּךְ, וְאַף בָּךְ יְהֵימְנוּן לְעָלַם; וְחַוִּי מֹשֶׁה יָת פִּתְגָמֵי עַמָּא, לִקְדָם יְיָ.
יט,י וַיֹּאמֶר יְהוָה אֶל-מֹשֶׁה לֵךְ אֶל-הָעָם, וְקִדַּשְׁתָּם הַיּוֹם וּמָחָר; וְכִבְּסוּ, שִׂמְלֹתָם.	וַאֲמַר יְיָ לְמֹשֶׁה אִיזֵיל לְוָת עַמָּא, וּתְזָמֵינִנּוּן יוֹמָא דֵּין וּמְחַר; וִיחַוְּרוּן, לְבוּשֵׁיהוֹן.
יט,יא וְהָיוּ נְכֹנִים, לַיּוֹם הַשְּׁלִישִׁי:  כִּי בַּיּוֹם הַשְּׁלִשִׁי, יֵרֵד יְהוָה לְעֵינֵי כָל-הָעָם--עַל-הַר סִינָי.	וִיהוֹן זְמִינִין, לְיוֹמָא תְּלִיתָאָה:  אֲרֵי בְּיוֹמָא תְּלִיתָאָה, יִתְגְּלֵי יְיָ לְעֵינֵי כָּל עַמָּא--עַל טוּרָא דְּסִינָי.
יט,יב וְהִגְבַּלְתָּ אֶת-הָעָם סָבִיב לֵאמֹר, הִשָּׁמְרוּ לָכֶם עֲלוֹת בָּהָר וּנְגֹעַ בְּקָצֵהוּ:  כָּל-הַנֹּגֵעַ בָּהָר, מוֹת יוּמָת.	וּתְתַּחֵים יָת עַמָּא סְחוֹר סְחוֹר לְמֵימַר, אִסְתְּמַרוּ לְכוֹן מִלְּמִסַּק בְּטוּרָא וּלְמִקְרַב בְּסוֹפֵיהּ:  כָּל דְּיִקְרַב בְּטוּרָא, אִתְקְטָלָא יִתְקְטִיל.
יט,יג לֹא-תִגַּע בּוֹ יָד, כִּי-סָקוֹל יִסָּקֵל אוֹ-יָרֹה יִיָּרֶה--אִם-בְּהֵמָה אִם-אִישׁ, לֹא יִחְיֶה; בִּמְשֹׁךְ, הַיֹּבֵל, הֵמָּה, יַעֲלוּ בָהָר.	לָא תִּקְרַב בֵּיהּ יַד, אֲרֵי אִתְרְגָמָא יִתְרְגֵים אוֹ אִשְׁתְּדָאָה יִשְׁתְּדֵי--אִם בְּעִירָא אִם אֲנָשָׁא, לָא יִתְקַיַּם; בְּמֵיגַד, שׁוֹפָרָא, אִנּוּן, מֻרְשַׁן לְמִסַּק בְּטוּרָא.
יט,יד וַיֵּרֶד מֹשֶׁה מִן-הָהָר, אֶל-הָעָם; וַיְקַדֵּשׁ, אֶת-הָעָם, וַיְכַבְּסוּ, שִׂמְלֹתָם.	וּנְחַת מֹשֶׁה מִן טוּרָא, לְוָת עַמָּא; וְזָמֵין, יָת עַמָּא, וְחַוַּרוּ, לְבוּשֵׁיהוֹן.
יט,טו וַיֹּאמֶר, אֶל-הָעָם, הֱיוּ נְכֹנִים, לִשְׁלֹשֶׁת יָמִים:  אַל-תִּגְּשׁוּ, אֶל-אִשָּׁה.	וַאֲמַר, לְעַמָּא, הֲווֹ זְמִינִין, לִתְלָתָא יוֹמִין:  לָא תִּקְרְבוּן, לְצַד אִתְּתָא.
יט,טז וַיְהִי בַיּוֹם הַשְּׁלִישִׁי בִּהְיֹת הַבֹּקֶר, וַיְהִי קֹלֹת וּבְרָקִים וְעָנָן כָּבֵד עַל-הָהָר, וְקֹל שֹׁפָר, חָזָק מְאֹד; וַיֶּחֱרַד כָּל-הָעָם, אֲשֶׁר בַּמַּחֲנֶה.	וַהֲוָה בְּיוֹמָא תְּלִיתָאָה בְּמִהְוֵי צַפְרָא, וַהֲווֹ קָלִין וּבַרְקִין וַעֲנָנָא תַּקִּיף עַל טוּרָא, וְקָל שׁוֹפָרָא, תַּקִּיף לַחְדָּא; וְזָע כָּל עַמָּא, דִּבְמַשְׁרִיתָא.
יט,יז וַיּוֹצֵא מֹשֶׁה אֶת-הָעָם לִקְרַאת הָאֱלֹהִים, מִן-הַמַּחֲנֶה; וַיִּתְיַצְּבוּ, בְּתַחְתִּית הָהָר.	וְאַפֵּיק מֹשֶׁה יָת עַמָּא לְקַדָּמוּת מֵימְרָא דַּייָ, מִן מַשְׁרִיתָא; וְאִתְעַתַּדוּ, בְּשִׁפּוֹלֵי טוּרָא.
יט,יח וְהַר סִינַי, עָשַׁן כֻּלּוֹ, מִפְּנֵי אֲשֶׁר יָרַד עָלָיו יְהוָה, בָּאֵשׁ; וַיַּעַל עֲשָׁנוֹ כְּעֶשֶׁן הַכִּבְשָׁן, וַיֶּחֱרַד כָּל-הָהָר מְאֹד.	וְטוּרָא דְּסִינַי, תָּנַן כֻּלֵּיהּ, מִן קֳדָם דְּאִתְגְּלִי עֲלוֹהִי יְיָ, בְּאִישָׁתָא; וּסְלֵיק תַּנְנֵיהּ כְּתַנְנָא דְּאַתּוּנָא, וְזָע כָּל טוּרָא לַחְדָּא.
יט,יט וַיְהִי קוֹל הַשֹּׁפָר, הוֹלֵךְ וְחָזֵק מְאֹד; מֹשֶׁה יְדַבֵּר, וְהָאֱלֹהִים יַעֲנֶנּוּ בְקוֹל.	וַהֲוָה קָל שׁוֹפָרָא, אָזֵיל וְתָקֵיף לַחְדָּא; מֹשֶׁה מְמַלֵּיל, וּמִן קֳדָם יְיָ מִתְעֲנֵי לֵיהּ בְּקָל.
יט,כ וַיֵּרֶד יְהוָה עַל-הַר סִינַי, אֶל-רֹאשׁ הָהָר; וַיִּקְרָא יְהוָה לְמֹשֶׁה אֶל-רֹאשׁ הָהָר, וַיַּעַל מֹשֶׁה.	וְאִתְגְּלִי יְיָ עַל טוּרָא דְּסִינַי, לְרֵישׁ טוּרָא; וּקְרָא יְיָ לְמֹשֶׁה לְרֵישׁ טוּרָא, וּסְלֵיק מֹשֶׁה.
יט,כא וַיֹּאמֶר יְהוָה אֶל-מֹשֶׁה, רֵד הָעֵד בָּעָם:  פֶּן-יֶהֶרְסוּ אֶל-יְהוָה לִרְאוֹת, וְנָפַל מִמֶּנּוּ רָב.	וַאֲמַר יְיָ לְמֹשֶׁה, חוֹת אַסְהֵיד בְּעַמָּא:  דִּלְמָא יְפַגְּרוּן קֳדָם יְיָ לְמִחְזֵי, וְיִפּוֹל מִנְּהוֹן סַגִּי.
יט,כב וְגַם הַכֹּהֲנִים הַנִּגָּשִׁים אֶל-יְהוָה, יִתְקַדָּשׁוּ:  פֶּן-יִפְרֹץ בָּהֶם, יְהוָה.	וְאַף כָּהֲנַיָּא דְּקָרִיבִין לְשַׁמָּשָׁא קֳדָם יְיָ, יִתְקַדְּשׁוּן:  דִּלְמָא יִקְטוֹל בְּהוֹן, יְיָ.
יט,כג וַיֹּאמֶר מֹשֶׁה, אֶל-יְהוָה, לֹא-יוּכַל הָעָם, לַעֲלֹת אֶל-הַר סִינָי:  כִּי-אַתָּה הַעֵדֹתָה בָּנוּ, לֵאמֹר, הַגְבֵּל אֶת-הָהָר, וְקִדַּשְׁתּוֹ.	וַאֲמַר מֹשֶׁה, קֳדָם יְיָ, לָא יִכּוֹל עַמָּא, לְמִסַּק לְטוּרָא דְּסִינָי:  אֲרֵי אַתְּ אַסְהֵידְתְּ בַּנָא, לְמֵימַר, תַּחֵים יָת טוּרָא, וְקַדֵּישְׁהִי.
יט,כד וַיֹּאמֶר אֵלָיו יְהוָה לֶךְ-רֵד, וְעָלִיתָ אַתָּה וְאַהֲרֹן עִמָּךְ; וְהַכֹּהֲנִים וְהָעָם, אַל-יֶהֶרְסוּ לַעֲלֹת אֶל-יְהוָה--פֶּן-יִפְרָץ-בָּם.	וַאֲמַר לֵיהּ יְיָ אִיזֵיל חוֹת, וְתִסַּק אַתְּ וְאַהֲרוֹן עִמָּךְ; וְכָהֲנַיָּא וְעַמָּא, לָא יְפַגְּרוּן לְמִסַּק לִקְדָם יְיָ--דִּלְמָא יִקְטוֹל בְּהוֹן.
יט,כה וַיֵּרֶד מֹשֶׁה, אֶל-הָעָם; וַיֹּאמֶר, אֲלֵהֶם.  {ס}	וּנְחַת מֹשֶׁה, לְוָת עַמָּא; וַאֲמַר, לְהוֹן.  {ס}
כ,א וַיְדַבֵּר אֱלֹהִים, אֵת כָּל-הַדְּבָרִים הָאֵלֶּה לֵאמֹר.  {ס}	וּמַלֵּיל יְיָ, יָת כָּל פִּתְגָמַיָּא הָאִלֵּין לְמֵימַר.  {ס}
כ,ב אָנֹכִי יְהוָה אֱלֹהֶיךָ, אֲשֶׁר הוֹצֵאתִיךָ מֵאֶרֶץ מִצְרַיִם מִבֵּית עֲבָדִים:  לֹא-יִהְיֶה לְךָ אֱלֹהִים אֲחֵרִים, עַל-פָּנָי.	אֲנָא יְיָ אֱלָהָךְ, דְּאַפֵּיקְתָּךְ מֵאַרְעָא דְּמִצְרַיִם מִבֵּית עַבְדּוּתָא:  לָא יִהְוֵי לָךְ אֱלָהּ אָחֳרָן, בָּר מִנִּי.
כ,ג לֹא-תַעֲשֶׂה לְךָ פֶסֶל, וְכָל-תְּמוּנָה, אֲשֶׁר בַּשָּׁמַיִם מִמַּעַל, וַאֲשֶׁר בָּאָרֶץ מִתָּחַת--וַאֲשֶׁר בַּמַּיִם, מִתַּחַת לָאָרֶץ.	לָא תַּעֲבֵיד לָךְ צֵילַם, וְכָל דְּמוּ, דְּבִשְׁמַיָּא מִלְּעֵילָא, וְדִבְאַרְעָא מִלְּרַע--וְדִבְמַיָּא, מִלְּרַע לְאַרְעָא.
כ,ד לֹא-תִשְׁתַּחֲוֶה לָהֶם, וְלֹא תָעָבְדֵם:  כִּי אָנֹכִי יְהוָה אֱלֹהֶיךָ, אֵל קַנָּא--פֹּקֵד עֲוֺן אָבֹת עַל-בָּנִים עַל-שִׁלֵּשִׁים וְעַל-רִבֵּעִים, לְשֹׂנְאָי.	לָא תִּסְגּוֹד לְהוֹן, וְלָא תִּפְלְחִנִּין:  אֲרֵי אֲנָא יְיָ אֱלָהָךְ, אֵל קַנָּא--מַסְעַר חוֹבֵי אֲבָהָן עַל בְּנִין מָרָדִין עַל דָּר תְּלִיתַאי וְעַל דָּר רְבִיעַאי, לְסָנְאָי כַּד מַשְׁלְמִין בְּנַיָּא לְמִחְטֵי בָּתַר אֲבָהָתְהוֹן.
כ,ה וְעֹשֶׂה חֶסֶד, לַאֲלָפִים--לְאֹהֲבַי, וּלְשֹׁמְרֵי מִצְוֺתָי.  {ס}	וְעָבֵיד טֵיבוּ, לְאַלְפֵי דָּרִין--לְרָחֲמַי, וּלְנָטְרֵי פִּקּוֹדָי.  {ס}
כ,ו לֹא תִשָּׂא אֶת-שֵׁם-יְהוָה אֱלֹהֶיךָ, לַשָּׁוְא:  כִּי לֹא יְנַקֶּה יְהוָה, אֵת אֲשֶׁר-יִשָּׂא אֶת-שְׁמוֹ לַשָּׁוְא.  {פ}	לָא תֵּימֵי בִּשְׁמָא דַּייָ אֱלָהָךְ, לְמַגָּנָא:  אֲרֵי לָא יְזַכֵּי יְיָ, יָת דְּיֵימֵי בִּשְׁמֵיהּ לְשִׁקְרָא.  {פ}
כ,ז זָכוֹר אֶת-יוֹם הַשַּׁבָּת, לְקַדְּשׁוֹ.	הֱוִי דְּכִיר יָת יוֹמָא דְּשַׁבְּתָא, לְקַדָּשׁוּתֵיהּ.
כ,ח שֵׁשֶׁת יָמִים תַּעֲבֹד, וְעָשִׂיתָ כָּל-מְלַאכְתֶּךָ.	שִׁתָּא יוֹמִין תִּפְלַח, וְתַעֲבֵיד כָּל עֲבִידְתָךְ.
כ,ט וְיוֹם, הַשְּׁבִיעִי--שַׁבָּת, לַיהוָה אֱלֹהֶיךָ:  לֹא-תַעֲשֶׂה כָל-מְלָאכָה אַתָּה וּבִנְךָ וּבִתֶּךָ, עַבְדְּךָ וַאֲמָתְךָ וּבְהֶמְתֶּךָ, וְגֵרְךָ, אֲשֶׁר בִּשְׁעָרֶיךָ.	וְיוֹמָא, שְׁבִיעָאָה--שַׁבְּתָא, קֳדָם יְיָ אֱלָהָךְ:  לָא תַּעֲבֵיד כָּל עֲבִידָא אַתְּ וּבְרָךְ וּבְרַתָּךְ, עַבְדָּךְ וְאַמְתָּךְ וּבְעִירָךְ, וְגִיּוֹרָךְ, דִּבְקִרְוָךְ.
כ,י כִּי שֵׁשֶׁת-יָמִים עָשָׂה יְהוָה אֶת-הַשָּׁמַיִם וְאֶת-הָאָרֶץ, אֶת-הַיָּם וְאֶת-כָּל-אֲשֶׁר-בָּם, וַיָּנַח, בַּיּוֹם הַשְּׁבִיעִי; עַל-כֵּן, בֵּרַךְ יְהוָה אֶת-יוֹם הַשַּׁבָּת--וַיְקַדְּשֵׁהוּ.  {ס}	אֲרֵי שִׁתָּא יוֹמִין עֲבַד יְיָ יָת שְׁמַיָּא וְיָת אַרְעָא, יָת יַמָּא וְיָת כָּל דִּבְהוֹן, וְנָח, בְּיוֹמָא שְׁבִיעָאָה; עַל כֵּין, בָּרֵיךְ יְיָ יָת יוֹמָא דְּשַׁבְּתָא--וְקַדְּשֵׁיהּ.  {ס}
כ,יא כַּבֵּד אֶת-אָבִיךָ, וְאֶת-אִמֶּךָ--לְמַעַן, יַאֲרִכוּן יָמֶיךָ, עַל הָאֲדָמָה, אֲשֶׁר-יְהוָה אֱלֹהֶיךָ נֹתֵן לָךְ.  {ס}	יַקַּר יָת אֲבוּךְ, וְיָת אִמָּךְ--בְּדִיל, דְּיֵירְכוּן יוֹמָךְ, עַל אַרְעָא, דַּייָ אֱלָהָךְ יָהֵיב לָךְ.  {ס}
כ,יב לֹא תִרְצָח,  {ס}  לֹא תִנְאָף;  {ס}  לֹא תִגְנֹב,  {ס}  לֹא-תַעֲנֶה בְרֵעֲךָ עֵד שָׁקֶר.  {ס}	לָא תִּקְטוּל נְפַשׁ,  {ס}  לָא תְּגוּף;  {ס}  לָא תִּגְנוּב,  {ס}  לָא תַּסְהֵיד בְּחַבְרָךְ סָהֲדוּתָא דְּשִׁקְרָא.  {ס}
כ,יג לֹא תַחְמֹד, בֵּית רֵעֶךָ;  {ס}  לֹא-תַחְמֹד אֵשֶׁת רֵעֶךָ, וְעַבְדּוֹ וַאֲמָתוֹ וְשׁוֹרוֹ וַחֲמֹרוֹ, וְכֹל, אֲשֶׁר לְרֵעֶךָ.  {פ}	לָא תַּחְמֵיד, בֵּית חַבְרָךְ;  {ס}  לָא תַּחְמֵיד אִתַּת חַבְרָךְ, וְעַבְדֵּיהּ וְאַמְתֵּיהּ וְתוֹרֵיהּ וּחְמָרֵיהּ, וְכֹל, דִּלְחַבְרָךְ.  {פ}
כ,יד וְכָל-הָעָם רֹאִים אֶת-הַקּוֹלֹת וְאֶת-הַלַּפִּידִם, וְאֵת קוֹל הַשֹּׁפָר, וְאֶת-הָהָר, עָשֵׁן; וַיַּרְא הָעָם וַיָּנֻעוּ, וַיַּעַמְדוּ מֵרָחֹק.	וְכָל עַמָּא חָזַן יָת קָלַיָּא וְיָת בָּעוֹרַיָּא, וְיָת קָל שׁוֹפָרָא, וְיָת טוּרָא, דְּתָנַן; וַחֲזָא עַמָּא וְזָעוּ, וְקָמוּ מֵרַחִיק.
כ,טו וַיֹּאמְרוּ, אֶל-מֹשֶׁה, דַּבֵּר-אַתָּה עִמָּנוּ, וְנִשְׁמָעָה; וְאַל-יְדַבֵּר עִמָּנוּ אֱלֹהִים, פֶּן-נָמוּת.	וַאֲמַרוּ, לְמֹשֶׁה, מַלֵּיל אַתְּ עִמַּנָא, וּנְקַבֵּיל; וְלָא יִתְמַלַּל עִמַּנָא מִן קֳדָם יְיָ, דִּלְמָא נְמוּת.
כ,טז וַיֹּאמֶר מֹשֶׁה אֶל-הָעָם, אַל-תִּירָאוּ, כִּי לְבַעֲבוּר נַסּוֹת אֶתְכֶם, בָּא הָאֱלֹהִים; וּבַעֲבוּר, תִּהְיֶה יִרְאָתוֹ עַל-פְּנֵיכֶם--לְבִלְתִּי תֶחֱטָאוּ.	וַאֲמַר מֹשֶׁה לְעַמָּא, לָא תִּדְחֲלוּן, אֲרֵי בְּדִיל לְנַסָּאָה יָתְכוֹן, אִתְגְּלִי לְכוֹן יְקָרָא דַּייָ; וּבְדִיל, דִּתְהֵי דַּחְלְתֵיהּ עַל אַפֵּיכוֹן--בְּדִיל דְּלָא תְּחוּבוּן.
כ,יז וַיַּעֲמֹד הָעָם, מֵרָחֹק; וּמֹשֶׁה נִגַּשׁ אֶל-הָעֲרָפֶל, אֲשֶׁר-שָׁם הָאֱלֹהִים.  {ס}	וְקָם עַמָּא, מֵרַחִיק; וּמֹשֶׁה קְרֵיב לְצַד אֲמִטְּתָא, דְּתַמָּן יְקָרָא דַּייָ.  {ס}
כ,יח וַיֹּאמֶר יְהוָה אֶל-מֹשֶׁה, כֹּה תֹאמַר אֶל-בְּנֵי יִשְׂרָאֵל:  אַתֶּם רְאִיתֶם--כִּי מִן-הַשָּׁמַיִם, דִּבַּרְתִּי עִמָּכֶם.	וַאֲמַר יְיָ לְמֹשֶׁה, כִּדְנָן תֵּימַר לִבְנֵי יִשְׂרָאֵל:  אַתּוּן חֲזֵיתוֹן--אֲרֵי מִן שְׁמַיָּא, מַלֵּילִית עִמְּכוֹן.
כ,יט לֹא תַעֲשׂוּן, אִתִּי:  אֱלֹהֵי כֶסֶף וֵאלֹהֵי זָהָב, לֹא תַעֲשׂוּ לָכֶם.	לָא תַּעְבְּדוּן, קֳדָמָי:  דַּחְלָן דִּכְסַף וְדַחְלָן דִּדְהַב, לָא תַּעְבְּדוּן לְכוֹן.
כ,כ מִזְבַּח אֲדָמָה, תַּעֲשֶׂה-לִּי, וְזָבַחְתָּ עָלָיו אֶת-עֹלֹתֶיךָ וְאֶת-שְׁלָמֶיךָ, אֶת-צֹאנְךָ וְאֶת-בְּקָרֶךָ; בְּכָל-הַמָּקוֹם אֲשֶׁר אַזְכִּיר אֶת-שְׁמִי, אָבוֹא אֵלֶיךָ וּבֵרַכְתִּיךָ.	מַדְבַּח אֲדַמְתָּא, תַּעֲבֵיד קֳדָמַי, וּתְהֵי דָּבַח עֲלוֹהִי יָת עֲלָוָתָךְ וְיָת נִכְסַת קֻדְשָׁךְ, מִן עָנָךְ וּמִן תּוֹרָךְ; בְּכָל אֲתַר דְּאַשְׁרֵי שְׁכִינְתִי, לְתַמָּן אֶשְׁלַח בִּרְכְתִי לָךְ וַאֲבָרְכִנָּךְ.
כ,כא וְאִם-מִזְבַּח אֲבָנִים תַּעֲשֶׂה-לִּי, לֹא-תִבְנֶה אֶתְהֶן גָּזִית:  כִּי חַרְבְּךָ הֵנַפְתָּ עָלֶיהָ, וַתְּחַלְלֶהָ.	וְאִם מַדְבַּח אַבְנִין תַּעֲבֵיד קֳדָמַי, לָא תִּבְנֵי יָתְהוֹן פְּסִילָן:  דִּלְמָא תְּרִים חַרְבָּךְ עֲלַהּ, וְתַחֲלִנַּהּ.
כ,כב וְלֹא-תַעֲלֶה בְמַעֲלֹת, עַל-מִזְבְּחִי:  אֲשֶׁר לֹא-תִגָּלֶה עֶרְוָתְךָ, עָלָיו.  {פ}	וְלָא תִּסַּק בְּדַרְגִּין, עַל מַדְבְּחִי:  דְּלָא תִּתְגַּלֵּי עַרְיְתָךְ, עֲלוֹהִי.  {פ}