לך-לך

יב,א וַיֹּאמֶר יְהוָה אֶל-אַבְרָם, לֶךְ-לְךָ מֵאַרְצְךָ וּמִמּוֹלַדְתְּךָ וּמִבֵּית אָבִיךָ, אֶל-הָאָרֶץ, אֲשֶׁר אַרְאֶךָּ.	וַאֲמַר יְיָ לְאַבְרָם, אִיזֵיל לָךְ מֵאַרְעָךְ וּמִיַּלָּדוּתָךְ וּמִבֵּית אֲבוּךְ, לְאַרְעָא, דְּאַחְזֵינָךְ.
יב,ב וְאֶעֶשְׂךָ, לְגוֹי גָּדוֹל, וַאֲבָרֶכְךָ, וַאֲגַדְּלָה שְׁמֶךָ; וֶהְיֵה, בְּרָכָה.	וְאַעְבְּדִנָּךְ, לְעַם סַגִּי, וַאֲבָרְכִנָּךְ, וַאֲרַבֵּי שְׁמָךְ; וּתְהֵי, מְבָרַךְ.
יב,ג וַאֲבָרְכָה, מְבָרְכֶיךָ, וּמְקַלֶּלְךָ, אָאֹר; וְנִבְרְכוּ בְךָ, כֹּל מִשְׁפְּחֹת הָאֲדָמָה.	וַאֲבָרֵיךְ, מְבָרְכָךְ, וּמְלָטְטָךְ, אֲלוּט; וְיִתְבָּרְכוּן בְּדִילָךְ, כֹּל זַרְעֲיָת אַרְעָא.
יב,ד וַיֵּלֶךְ אַבְרָם, כַּאֲשֶׁר דִּבֶּר אֵלָיו יְהוָה, וַיֵּלֶךְ אִתּוֹ, לוֹט; וְאַבְרָם, בֶּן-חָמֵשׁ שָׁנִים וְשִׁבְעִים שָׁנָה, בְּצֵאתוֹ, מֵחָרָן.	וַאֲזַל אַבְרָם, כְּמָא דְּמַלֵּיל עִמֵּיהּ יְיָ, וַאֲזַל עִמֵּיהּ, לוֹט; וְאַבְרָם, בַּר שִׁבְעִין וַחֲמֵישׁ שְׁנִין, בְּמִפְּקֵיהּ, מֵחָרָן.
יב,ה וַיִּקַּח אַבְרָם אֶת-שָׂרַי אִשְׁתּוֹ וְאֶת-לוֹט בֶּן-אָחִיו, וְאֶת-כָּל-רְכוּשָׁם אֲשֶׁר רָכָשׁוּ, וְאֶת-הַנֶּפֶשׁ, אֲשֶׁר-עָשׂוּ בְחָרָן; וַיֵּצְאוּ, לָלֶכֶת אַרְצָה כְּנַעַן, וַיָּבֹאוּ, אַרְצָה כְּנָעַן.	וּדְבַר אַבְרָם יָת שָׂרַי אִתְּתֵיהּ וְיָת לוֹט בַּר אֲחוּהִי, וְיָת כָּל קִנְיָנְהוֹן דִּקְנוֹ, וְיָת נַפְשָׁתָא, דְּשַׁעֲבִידוּ לְאוֹרָיְתָא בְּחָרָן; וּנְפַקוּ, לְמֵיזַל לְאַרְעָא דִּכְנַעַן, וַאֲתוֹ, לְאַרְעָא דִּכְנָעַן.
יב,ו וַיַּעֲבֹר אַבְרָם, בָּאָרֶץ, עַד מְקוֹם שְׁכֶם, עַד אֵלוֹן מוֹרֶה; וְהַכְּנַעֲנִי, אָז בָּאָרֶץ.	וַעֲבַר אַבְרָם, בְּאַרְעָא, עַד אֲתַר שְׁכֶם, עַד מֵישַׁר מוֹרֶה; וּכְנַעֲנָאָה, בְּכֵין בְּאַרְעָא.
יב,ז וַיֵּרָא יְהוָה, אֶל-אַבְרָם, וַיֹּאמֶר, לְזַרְעֲךָ אֶתֵּן אֶת-הָאָרֶץ הַזֹּאת; וַיִּבֶן שָׁם מִזְבֵּחַ, לַיהוָה הַנִּרְאֶה אֵלָיו.	וְאִתְגְּלִי יְיָ, לְאַבְרָם, וַאֲמַר, לִבְנָךְ אֶתֵּין יָת אַרְעָא הָדָא; וּבְנָא תַּמָּן מַדְבְּחָא, קֳדָם יְיָ דְּאִתְגְּלִי לֵיהּ.
יב,ח וַיַּעְתֵּק מִשָּׁם הָהָרָה, מִקֶּדֶם לְבֵית-אֵל--וַיֵּט אָהֳלֹה; בֵּית-אֵל מִיָּם, וְהָעַי מִקֶּדֶם, וַיִּבֶן-שָׁם מִזְבֵּחַ לַיהוָה, וַיִּקְרָא בְּשֵׁם יְהוָה.	וְאִסְתַּלַּק מִתַּמָּן לְטוּרָא, מִמַּדְנַח לְבֵית אֵל--וּפַרְסֵיהּ לְמַשְׁכְּנֵיהּ; בֵּית אֵל מִמַּעְרְבָא, וְעַי מִמַּדְנְחָא, וּבְנָא תַּמָּן מַדְבְּחָא קֳדָם יְיָ, וְצַלִּי בִּשְׁמָא דַּייָ.
יב,ט וַיִּסַּע אַבְרָם, הָלוֹךְ וְנָסוֹעַ הַנֶּגְבָּה.  {פ}	וּנְטַל אַבְרָם, אָזֵיל וְנָטֵיל לְדָרוֹמָא.  {פ}
יב,י וַיְהִי רָעָב, בָּאָרֶץ; וַיֵּרֶד אַבְרָם מִצְרַיְמָה לָגוּר שָׁם, כִּי-כָבֵד הָרָעָב בָּאָרֶץ.	וַהֲוָה כַּפְנָא, בְּאַרְעָא; וּנְחַת אַבְרָם לְמִצְרַיִם לְאִתּוֹתָבָא תַּמָּן, אֲרֵי תְּקֵיף כַּפְנָא בְּאַרְעָא.
יב,יא וַיְהִי, כַּאֲשֶׁר הִקְרִיב לָבוֹא מִצְרָיְמָה; וַיֹּאמֶר, אֶל-שָׂרַי אִשְׁתּוֹ, הִנֵּה-נָא יָדַעְתִּי, כִּי אִשָּׁה יְפַת-מַרְאֶה אָתְּ.	וַהֲוָה, כַּד קְרֵיב לְמֵיעַל לְמִצְרָיִם; וַאֲמַר, לְשָׂרַי אִתְּתֵיהּ, הָא כְּעַן יָדַעְנָא, אֲרֵי אִתְּתָא שַׁפִּירַת חֵיזוּ אַתְּ.
יב,יב וְהָיָה, כִּי-יִרְאוּ אֹתָךְ הַמִּצְרִים, וְאָמְרוּ, אִשְׁתּוֹ זֹאת; וְהָרְגוּ אֹתִי, וְאֹתָךְ יְחַיּוּ.	וִיהֵי, אֲרֵי יִחְזוֹן יָתִיךְ מִצְרָאֵי, וְיֵימְרוּן, אִתְּתֵיהּ דָּא; וְיִקְטְלוּן יָתִי, וְיָתִיךְ יְקַיְּמוּן.
יב,יג אִמְרִי-נָא, אֲחֹתִי אָתְּ--לְמַעַן יִיטַב-לִי בַעֲבוּרֵךְ, וְחָיְתָה נַפְשִׁי בִּגְלָלֵךְ.	אֵימַרִי כְּעַן, דַּאֲחָת אַתְּ--בְּדִיל דְּיִיטַב לִי בְּדִילִיךְ, וְתִתְקַיַּם נַפְשִׁי בְּפִתְגָמַכִי.
יב,יד וַיְהִי, כְּבוֹא אַבְרָם מִצְרָיְמָה; וַיִּרְאוּ הַמִּצְרִים אֶת-הָאִשָּׁה, כִּי-יָפָה הִוא מְאֹד.	וַהֲוָה, כַּד עָאל אַבְרָם לְמִצְרָיִם; וַחֲזוֹ מִצְרָאֵי יָת אִתְּתָא, אֲרֵי שַׁפִּירָא הִיא לַחְדָּא.
יב,טו וַיִּרְאוּ אֹתָהּ שָׂרֵי פַרְעֹה, וַיְהַלְלוּ אֹתָהּ אֶל-פַּרְעֹה; וַתֻּקַּח הָאִשָּׁה, בֵּית פַּרְעֹה.	וַחֲזוֹ יָתַהּ רַבְרְבֵי פַּרְעֹה, וְשַׁבַּחוּ יָתַהּ לְפַרְעֹה; וְאִדְּבַרַת אִתְּתָא, לְבֵית פַּרְעֹה.
יב,טז וּלְאַבְרָם הֵיטִיב, בַּעֲבוּרָהּ; וַיְהִי-לוֹ צֹאן-וּבָקָר, וַחֲמֹרִים, וַעֲבָדִים וּשְׁפָחֹת, וַאֲתֹנֹת וּגְמַלִּים.	וּלְאַבְרָם אוֹטֵיב, בְּדִילַהּ; וַהֲווֹ לֵיהּ עָן וְתוֹרִין, וּחְמָרִין, וְעַבְדִּין וְאַמְהָן, וַאֲתָנָן וְגַמְלִין.
יב,יז וַיְנַגַּע יְהוָה אֶת-פַּרְעֹה נְגָעִים גְּדֹלִים, וְאֶת-בֵּיתוֹ, עַל-דְּבַר שָׂרַי, אֵשֶׁת אַבְרָם.	וְאַיְתִי יְיָ עַל פַּרְעֹה מַכְתָּשִׁין רַבְרְבִין, וְעַל אֲנָשׁ בֵּיתֵיהּ, עַל עֵיסַק שָׂרַי, אִתַּת אַבְרָם.
יב,יח וַיִּקְרָא פַרְעֹה, לְאַבְרָם, וַיֹּאמֶר, מַה-זֹּאת עָשִׂיתָ לִּי; לָמָּה לֹא-הִגַּדְתָּ לִּי, כִּי אִשְׁתְּךָ הִוא.	וּקְרָא פַּרְעֹה, לְאַבְרָם, וַאֲמַר, מָא דָּא עֲבַדְתְּ לִי; לְמָא לָא חַוֵּית לִי, אֲרֵי אִתְּתָךְ הִיא.
יב,יט לָמָה אָמַרְתָּ אֲחֹתִי הִוא, וָאֶקַּח אֹתָהּ לִי לְאִשָּׁה; וְעַתָּה, הִנֵּה אִשְׁתְּךָ קַח וָלֵךְ.	לְמָא אֲמַרְתְּ אֲחָת הִיא, וּדְבַרִית יָתַהּ לִי לְאִתּוּ; וּכְעַן, הָא אִתְּתָךְ דְּבַר וְאִיזֵיל.
יב,כ וַיְצַו עָלָיו פַּרְעֹה, אֲנָשִׁים; וַיְשַׁלְּחוּ אֹתוֹ וְאֶת-אִשְׁתּוֹ, וְאֶת-כָּל-אֲשֶׁר-לוֹ.	וּפַקֵּיד עֲלוֹהִי פַּרְעֹה, גֻּבְרִין; וְאַלְוִיאוּ יָתֵיהּ וְיָת אִתְּתֵיהּ, וְיָת כָּל דְּלֵיהּ.
יג,א וַיַּעַל אַבְרָם מִמִּצְרַיִם הוּא וְאִשְׁתּוֹ וְכָל-אֲשֶׁר-לוֹ, וְלוֹט עִמּוֹ--הַנֶּגְבָּה.	וּסְלֵיק אַבְרָם מִמִּצְרַיִם הוּא וְאִתְּתֵיהּ וְכָל דְּלֵיהּ, וְלוֹט עִמֵּיהּ--לְדָרוֹמָא.
יג,ב וְאַבְרָם, כָּבֵד מְאֹד, בַּמִּקְנֶה, בַּכֶּסֶף וּבַזָּהָב.	וְאַבְרָם, תְּקֵיף לַחְדָּא, בִּבְעִירָא, בְּכַסְפָּא וּבְדַהְבָּא.
יג,ג וַיֵּלֶךְ, לְמַסָּעָיו, מִנֶּגֶב, וְעַד-בֵּית-אֵל--עַד-הַמָּקוֹם, אֲשֶׁר-הָיָה שָׁם אָהֳלֹה בַּתְּחִלָּה, בֵּין בֵּית-אֵל, וּבֵין הָעָי.	וַאֲזַל, לְמַטְּלָנוֹהִי, מִדָּרוֹמָא, וְעַד בֵּית אֵל--עַד אַתְרָא, דְּפַרְסֵיהּ תַּמָּן לְמַשְׁכְּנֵיהּ בְּקַדְמֵיתָא, בֵּין בֵּית אֵל, וּבֵין עָי.
יג,ד אֶל-מְקוֹם, הַמִּזְבֵּחַ, אֲשֶׁר-עָשָׂה שָׁם, בָּרִאשֹׁנָה; וַיִּקְרָא שָׁם אַבְרָם, בְּשֵׁם יְהוָה.	לַאֲתַר, מַדְבְּחָא, דַּעֲבַד תַּמָּן, בְּקַדְמֵיתָא; וְצַלִּי תַּמָּן אַבְרָם, בִּשְׁמָא דַּייָ.
יג,ה וְגַם-לְלוֹט--הַהֹלֵךְ, אֶת-אַבְרָם:  הָיָה צֹאן-וּבָקָר, וְאֹהָלִים.	וְאַף לְלוֹט--דְּאָזֵיל, עִם אַבְרָם:  הֲווֹ עָן וְתוֹרִין, וּמַשְׁכְּנִין.
יג,ו וְלֹא-נָשָׂא אֹתָם הָאָרֶץ, לָשֶׁבֶת יַחְדָּו:  כִּי-הָיָה רְכוּשָׁם רָב, וְלֹא יָכְלוּ לָשֶׁבֶת יַחְדָּו.	וְלָא סוֹבַרַת יָתְהוֹן אַרְעָא, לְמִתַּב כַּחְדָּא:  אֲרֵי הֲוָה קִנְיָנְהוֹן סַגִּי, וְלָא יְכִילוּ לְמִתַּב כַּחְדָּא.
יג,ז וַיְהִי-רִיב, בֵּין רֹעֵי מִקְנֵה-אַבְרָם, וּבֵין, רֹעֵי מִקְנֵה-לוֹט; וְהַכְּנַעֲנִי, וְהַפְּרִזִּי, אָז, יֹשֵׁב בָּאָרֶץ.	וַהֲוָת מַצּוּתָא, בֵּין רָעַן בְּעִירֵיהּ דְּאַבְרָם, וּבֵין, רָעַן בְּעִירֵיהּ דְּלוֹט; וּכְנַעֲנָאָה, וּפְרִזָּאָה, בְּכֵין, יָתֵיב בְּאַרְעָא.
יג,ח וַיֹּאמֶר אַבְרָם אֶל-לוֹט, אַל-נָא תְהִי מְרִיבָה בֵּינִי וּבֵינֶךָ, וּבֵין רֹעַי, וּבֵין רֹעֶיךָ:  כִּי-אֲנָשִׁים אַחִים, אֲנָחְנוּ.	וַאֲמַר אַבְרָם לְלוֹט, לָא כְּעַן תְּהֵי מַצּוּתָא בֵּינָא וּבֵינָךְ, וּבֵין רָעֲוָתִי, וּבֵין רָעֲוָתָךְ:  אֲרֵי גֻּבְרִין אַחִין, אֲנַחְנָא.
יג,ט הֲלֹא כָל-הָאָרֶץ לְפָנֶיךָ, הִפָּרֶד נָא מֵעָלָי:  אִם-הַשְּׂמֹאל וְאֵימִנָה, וְאִם-הַיָּמִין וְאַשְׂמְאִילָה.	הֲלָא כָּל אַרְעָא קֳדָמָךְ, אִתְפָּרַשׁ כְּעַן מִלְּוָתִי:  אִם אַתְּ לְצִפּוּנָא אֲנָא לְדָרוֹמָא, וְאִם אַתְּ לְדָרוֹמָא וְאַצְפְּנָךְ.
יג,י וַיִּשָּׂא-לוֹט אֶת-עֵינָיו, וַיַּרְא אֶת-כָּל-כִּכַּר הַיַּרְדֵּן, כִּי כֻלָּהּ, מַשְׁקֶה--לִפְנֵי שַׁחֵת יְהוָה, אֶת-סְדֹם וְאֶת-עֲמֹרָה, כְּגַן-יְהוָה כְּאֶרֶץ מִצְרַיִם, בֹּאֲכָה צֹעַר.	וּזְקַף לוֹט יָת עֵינוֹהִי, וַחֲזָא יָת כָּל מֵישַׁר יַרְדְּנָא, אֲרֵי כֻּלֵּיהּ, בֵּית שִׁקְיָא--קֳדָם חַבָּלוּת יְיָ, יָת סְדוֹם וְיָת עֲמוֹרָה, כְּגִנְּתָא דַּייָ כְּאַרְעָא דְּמִצְרַיִם, מָטֵי צֹעַר.
יג,יא וַיִּבְחַר-לוֹ לוֹט, אֵת כָּל-כִּכַּר הַיַּרְדֵּן, וַיִּסַּע לוֹט, מִקֶּדֶם; וַיִּפָּרְדוּ, אִישׁ מֵעַל אָחִיו.	וּבְחַר לֵיהּ לוֹט, יָת כָּל מֵישַׁר יַרְדְּנָא, וּנְטַל לוֹט, בְּקַדְמֵיתָא; וְאִתְפָּרַשׁוּ, גְּבַר מִלְּוָת אֲחוּהִי.
יג,יב אַבְרָם, יָשַׁב בְּאֶרֶץ-כְּנָעַן; וְלוֹט, יָשַׁב בְּעָרֵי הַכִּכָּר, וַיֶּאֱהַל, עַד-סְדֹם.	אַבְרָם, יְתֵיב בְּאַרְעָא דִּכְנָעַן; וְלוֹט, יְתֵיב בְּקִרְוֵי מֵישְׁרָא, וּפְרַס, עַד סְדוֹם.
יג,יג וְאַנְשֵׁי סְדֹם, רָעִים וְחַטָּאִים, לַיהוָה, מְאֹד.	וְאַנְשֵׁי סְדוֹם, בִּישִׁין בְּמָמוֹנְהוֹן וְחַיָּבִין בְּגִוְיָתְהוֹן, קֳדָם יְיָ, לַחְדָּא.
יג,יד וַיהוָה אָמַר אֶל-אַבְרָם, אַחֲרֵי הִפָּרֶד-לוֹט מֵעִמּוֹ, שָׂא נָא עֵינֶיךָ וּרְאֵה, מִן-הַמָּקוֹם אֲשֶׁר-אַתָּה שָׁם--צָפֹנָה וָנֶגְבָּה, וָקֵדְמָה וָיָמָּה.	וַייָ אֲמַר לְאַבְרָם, בָּתַר דְּאִתְפָּרַשׁ לוֹט מֵעִמֵּיהּ, זְקוֹף כְּעַן עֵינָךְ וַחְזִי, מִן אַתְרָא דְּאַתְּ תַּמָּן--לְצִפּוּנָא וּלְדָרוֹמָא, וּלְמַדְנְחָא וּלְמַעְרְבָא.
יג,טו כִּי אֶת-כָּל-הָאָרֶץ אֲשֶׁר-אַתָּה רֹאֶה, לְךָ אֶתְּנֶנָּה, וּלְזַרְעֲךָ, עַד-עוֹלָם.	אֲרֵי יָת כָּל אַרְעָא דְּאַתְּ חָזֵי, לָךְ אֶתְּנִנַּהּ, וְלִבְנָךְ, עַד עָלְמָא.
יג,טז וְשַׂמְתִּי אֶת-זַרְעֲךָ, כַּעֲפַר הָאָרֶץ:  אֲשֶׁר אִם-יוּכַל אִישׁ, לִמְנוֹת אֶת-עֲפַר הָאָרֶץ--גַּם-זַרְעֲךָ, יִמָּנֶה.	וַאֲשַׁוֵּי יָת בְּנָךְ, סַגִּיאִין כְּעַפְרָא דְּאַרְעָא:  כְּמָא דְּלֵית אִפְשָׁר לִגְבַר, לְמִמְנֵי יָת עַפְרָא דְּאַרְעָא--אַף בְּנָךְ, לָא יִתְמְנוֹן.
יג,יז קוּם הִתְהַלֵּךְ בָּאָרֶץ, לְאָרְכָּהּ וּלְרָחְבָּהּ:  כִּי לְךָ, אֶתְּנֶנָּה.	קוּם הַלֵּיךְ בְּאַרְעָא, לְאֻרְכַּהּ וּלְפֻתְיַהּ:  אֲרֵי לָךְ, אֶתְּנִנַּהּ.
יג,יח וַיֶּאֱהַל אַבְרָם, וַיָּבֹא וַיֵּשֶׁב בְּאֵלֹנֵי מַמְרֵא--אֲשֶׁר בְּחֶבְרוֹן; וַיִּבֶן-שָׁם מִזְבֵּחַ, לַיהוָה.  {פ}	וּפְרַס אַבְרָם, וַאֲתָא וִיתֵיב בְּמֵישְׁרֵי מַמְרֵא--דִּבְחֶבְרוֹן; וּבְנָא תַּמָּן מַדְבְּחָא, קֳדָם יְיָ.  {פ}
יד,א וַיְהִי, בִּימֵי אַמְרָפֶל מֶלֶךְ-שִׁנְעָר, אַרְיוֹךְ, מֶלֶךְ אֶלָּסָר; כְּדָרְלָעֹמֶר מֶלֶךְ עֵילָם, וְתִדְעָל מֶלֶךְ גּוֹיִם.	וַהֲוָה, בְּיוֹמֵי אַמְרָפֶל מַלְכָּא דְּבָבֶל, אַרְיוֹךְ, מַלְכָּא דְּאֶלָּסָר; כְּדָרְלָעֹמֶר מַלְכָּא דְּעֵילָם, וְתִדְעָל מַלְכָּא דְּעַמְמֵי.
יד,ב עָשׂוּ מִלְחָמָה, אֶת-בֶּרַע מֶלֶךְ סְדֹם, וְאֶת-בִּרְשַׁע, מֶלֶךְ עֲמֹרָה; שִׁנְאָב מֶלֶךְ אַדְמָה, וְשֶׁמְאֵבֶר מֶלֶךְ צְבֹיִים, וּמֶלֶךְ בֶּלַע, הִיא-צֹעַר.	עֲבַדוּ קְרָבָא, עִם בֶּרַע מַלְכָּא דִּסְדוֹם, וְעִם בִּרְשַׁע, מַלְכָּא דַּעֲמוֹרָה; שִׁנְאָב מַלְכָּא דְּאַדְמָה, וְשֶׁמְאֵבֶר מַלְכָּא דִּצְבוֹיִים, וּמַלְכָּא דְּבֶלַע, הִיא צֹעַר.
יד,ג כָּל-אֵלֶּה, חָבְרוּ, אֶל-עֵמֶק, הַשִּׂדִּים:  הוּא, יָם הַמֶּלַח.	כָּל אִלֵּין, אִתְכַּנַּשׁוּ, לְמֵישַׁר, חַקְלַיָּא:  הוּא, אֲתַר יַמָּא דְּמִלְחָא.
יד,ד שְׁתֵּים עֶשְׂרֵה שָׁנָה, עָבְדוּ אֶת-כְּדָרְלָעֹמֶר; וּשְׁלֹשׁ-עֶשְׂרֵה שָׁנָה, מָרָדוּ.	תַּרְתַּא עַסְרֵי שְׁנִין, פְּלַחוּ יָת כְּדָרְלָעֹמֶר; וּתְלָת עַסְרֵי שְׁנִין, מְרַדוּ.
יד,ה וּבְאַרְבַּע עֶשְׂרֵה שָׁנָה בָּא כְדָרְלָעֹמֶר, וְהַמְּלָכִים אֲשֶׁר אִתּוֹ, וַיַּכּוּ אֶת-רְפָאִים בְּעַשְׁתְּרֹת קַרְנַיִם, וְאֶת-הַזּוּזִים בְּהָם; וְאֵת, הָאֵימִים, בְּשָׁוֵה, קִרְיָתָיִם.	וּבְאַרְבַּע עַסְרֵי שְׁנִין אֲתָא כְּדָרְלָעֹמֶר, וּמַלְכַיָּא דְּעִמֵּיהּ, וּמְחוֹ יָת גִּבָּרַיָּא דִּבְעַשְׁתְּרוֹת קַרְנַיִם, וְיָת תַּקִּיפַיָּא דִּבְהָמְתָא; וְיָת, אֵימְתָנֵי, דִּבְשָׁוֵה, קִרְיָתָיִם.
יד,ו וְאֶת-הַחֹרִי, בְּהַרְרָם שֵׂעִיר, עַד אֵיל פָּארָן, אֲשֶׁר עַל-הַמִּדְבָּר.	וְיָת חוֹרָאֵי, דִּבְטוּרָא דְּשֵׂעִיר, עַד מֵישַׁר פָּארָן, דִּסְמִיךְ עַל מַדְבְּרָא.
יד,ז וַיָּשֻׁבוּ וַיָּבֹאוּ אֶל-עֵין מִשְׁפָּט, הִוא קָדֵשׁ, וַיַּכּוּ, אֶת-כָּל-שְׂדֵה הָעֲמָלֵקִי--וְגַם, אֶת-הָאֱמֹרִי, הַיֹּשֵׁב, בְּחַצְצֹן תָּמָר.	וְתָבוּ וַאֲתוֹ לְמֵישַׁר פִּלּוּג דִּינָא, הִיא רְקַם, וּמְחוֹ, יָת כָּל חֲקַל עֲמָלְקָאָה--וְאַף, יָת אֱמוֹרָאָה, דְּיָתֵיב, בְּעֵין גֶּדִי.
יד,ח וַיֵּצֵא מֶלֶךְ-סְדֹם וּמֶלֶךְ עֲמֹרָה, וּמֶלֶךְ אַדְמָה וּמֶלֶךְ צְבֹיִים, וּמֶלֶךְ בֶּלַע, הִוא-צֹעַר; וַיַּעַרְכוּ אִתָּם מִלְחָמָה, בְּעֵמֶק הַשִּׂדִּים.	וּנְפַק מַלְכָּא דִּסְדוֹם וּמַלְכָּא דַּעֲמוֹרָה, וּמַלְכָּא דְּאַדְמָה וּמַלְכָּא דִּצְבוֹיִים, וּמַלְכָּא דְּבֶלַע, הִיא צֹעַר; וְסַדַּרוּ עִמְּהוֹן קְרָבָא, בְּמֵישַׁר חַקְלַיָּא.
יד,ט אֵת כְּדָרְלָעֹמֶר מֶלֶךְ עֵילָם, וְתִדְעָל מֶלֶךְ גּוֹיִם, וְאַמְרָפֶל מֶלֶךְ שִׁנְעָר, וְאַרְיוֹךְ מֶלֶךְ אֶלָּסָר--אַרְבָּעָה מְלָכִים, אֶת-הַחֲמִשָּׁה.	עִם כְּדָרְלָעֹמֶר מַלְכָּא דְּעֵילָם, וְתִדְעָל מַלְכָּא דְּעַמְמֵי, וְאַמְרָפֶל מַלְכָּא דְּבָבֶל, וְאַרְיוֹךְ מַלְכָּא דְּאֶלָּסָר--אַרְבְּעָא מַלְכִין, לָקֳבֵיל חַמְשָׁא.
יד,י וְעֵמֶק הַשִּׂדִּים, בֶּאֱרֹת בֶּאֱרֹת חֵמָר, וַיָּנֻסוּ מֶלֶךְ-סְדֹם וַעֲמֹרָה, וַיִּפְּלוּ-שָׁמָּה; וְהַנִּשְׁאָרִים, הֶרָה נָּסוּ.	וּמֵישַׁר חַקְלַיָּא, בֵּירָן בֵּירָן מַסְּקָן חֵימָרָא, וַעֲרַקוּ מַלְכָּא דִּסְדוֹם וַעֲמוֹרָה, וּנְפַלוּ תַּמָּן; וּדְאִשְׁתְּאַרוּ, לְטוּרָא עֲרַקוּ.
יד,יא וַיִּקְחוּ אֶת-כָּל-רְכֻשׁ סְדֹם וַעֲמֹרָה, וְאֶת-כָּל-אָכְלָם--וַיֵּלֵכוּ.	וּשְׁבוֹ יָת כָּל קִנְיָנָא דִּסְדוֹם וַעֲמוֹרָה, וְיָת כָּל מֵיכַלְהוֹן--וַאֲזַלוּ.
יד,יב וַיִּקְחוּ אֶת-לוֹט וְאֶת-רְכֻשׁוֹ בֶּן-אֲחִי אַבְרָם, וַיֵּלֵכוּ; וְהוּא יֹשֵׁב, בִּסְדֹם.	וּשְׁבוֹ יָת לוֹט וְיָת קִנְיָנֵיהּ בַּר אֲחוּהִי דְּאַבְרָם, וַאֲזַלוּ; וְהוּא יָתֵיב, בִּסְדוֹם.
יד,יג וַיָּבֹא, הַפָּלִיט, וַיַּגֵּד, לְאַבְרָם הָעִבְרִי; וְהוּא שֹׁכֵן בְּאֵלֹנֵי מַמְרֵא הָאֱמֹרִי, אֲחִי אֶשְׁכֹּל וַאֲחִי עָנֵר, וְהֵם, בַּעֲלֵי בְרִית-אַבְרָם.	וַאֲתָא, מְשֵׁיזְבָא, וְחַוִּי, לְאַבְרָם עִבְרָאָה; וְהוּא שָׁרֵי בְּמֵישְׁרֵי מַמְרֵא אֱמוֹרָאָה, אֲחוּהִי דְּאֶשְׁכּוֹל וַאֲחוּהִי דְּעָנֵר, וְאִנּוּן, אֲנָשׁ קְיָמֵיהּ דְּאַבְרָם.
יד,יד וַיִּשְׁמַע אַבְרָם, כִּי נִשְׁבָּה אָחִיו; וַיָּרֶק אֶת-חֲנִיכָיו יְלִידֵי בֵיתוֹ, שְׁמֹנָה עָשָׂר וּשְׁלֹשׁ מֵאוֹת, וַיִּרְדֹּף, עַד-דָּן.	וּשְׁמַע אַבְרָם, אֲרֵי אִשְׁתְּבִי אֲחוּהִי; וְזָרֵיז יָת עוּלֵימוֹהִי יְלִידֵי בֵּיתֵיהּ, תְּלָת מְאָה וּתְמָנַת עֲסַר, וּרְדַף, עַד דָּן.
יד,טו וַיֵּחָלֵק עֲלֵיהֶם לַיְלָה הוּא וַעֲבָדָיו, וַיַּכֵּם; וַיִּרְדְּפֵם, עַד-חוֹבָה, אֲשֶׁר מִשְּׂמֹאל, לְדַמָּשֶׂק.	וְאִתְפְּלֵיג עֲלֵיהוֹן לֵילְיָא הוּא וְעַבְדּוֹהִי, וּמְחָנוּן; וּרְדַפִנּוּן, עַד חוֹבָה, דְּמִצִּפּוּנָא, לְדַמָּשֶׂק.
יד,טז וַיָּשֶׁב, אֵת כָּל-הָרְכֻשׁ; וְגַם אֶת-לוֹט אָחִיו וּרְכֻשׁוֹ הֵשִׁיב, וְגַם אֶת-הַנָּשִׁים וְאֶת-הָעָם.	וַאֲתֵיב, יָת כָּל קִנְיָנָא; וְאַף יָת לוֹט אֲחוּהִי וְקִנְיָנֵיהּ אֲתֵיב, וְאַף יָת נְשַׁיָּא וְיָת עַמָּא.
יד,יז וַיֵּצֵא מֶלֶךְ-סְדֹם, לִקְרָאתוֹ, אַחֲרֵי שׁוּבוֹ מֵהַכּוֹת אֶת-כְּדָרְלָעֹמֶר, וְאֶת-הַמְּלָכִים אֲשֶׁר אִתּוֹ--אֶל-עֵמֶק שָׁוֵה, הוּא עֵמֶק הַמֶּלֶךְ.	וּנְפַק מַלְכָּא דִּסְדוֹם, לְקַדָּמוּתֵיהּ, בָּתַר דְּתָב מִלְּמִמְחֵי יָת כְּדָרְלָעֹמֶר, וְיָת מַלְכַיָּא דְּעִמֵּיהּ--לְמֵישַׁר מְפֻנַּא, הוּא בֵּית רֵיסָא דְּמַלְכָּא.
יד,יח וּמַלְכִּי-צֶדֶק מֶלֶךְ שָׁלֵם, הוֹצִיא לֶחֶם וָיָיִן; וְהוּא כֹהֵן, לְאֵל עֶלְיוֹן.	וּמַלְכִּי צֶדֶק מַלְכָּא דִּירוּשְׁלֶם, אַפֵּיק לְחֵים וַחֲמַר; וְהוּא מְשַׁמֵּישׁ, קֳדָם אֵל עִלָּאָה.
יד,יט וַיְבָרְכֵהוּ, וַיֹּאמַר:  בָּרוּךְ אַבְרָם לְאֵל עֶלְיוֹן, קֹנֵה שָׁמַיִם וָאָרֶץ.	וּבָרְכֵיהּ, וַאֲמַר:  בְּרִיךְ אַבְרָם לְאֵל עִלָּאָה, דְּקִנְיָנֵיהּ שְׁמַיָּא וְאַרְעָא.
יד,כ וּבָרוּךְ אֵל עֶלְיוֹן, אֲשֶׁר-מִגֵּן צָרֶיךָ בְּיָדֶךָ; וַיִּתֶּן-לוֹ מַעֲשֵׂר, מִכֹּל.	וּבְרִיךְ אֵל עִלָּאָה, דִּמְסַר סָנְאָךְ בִּידָךְ; וִיהַב לֵיהּ חַד מִן עַסְרָא, מִכּוֹלָא.
יד,כא וַיֹּאמֶר מֶלֶךְ-סְדֹם, אֶל-אַבְרָם:  תֶּן-לִי הַנֶּפֶשׁ, וְהָרְכֻשׁ קַח-לָךְ.	וַאֲמַר מַלְכָּא דִּסְדוֹם, לְאַבְרָם:  הַב לִי נַפְשָׁתָא, וְקִנְיָנָא סַב לָךְ.
יד,כב וַיֹּאמֶר אַבְרָם, אֶל-מֶלֶךְ סְדֹם:  הֲרִמֹתִי יָדִי אֶל-יְהוָה אֵל עֶלְיוֹן, קֹנֵה שָׁמַיִם וָאָרֶץ.	וַאֲמַר אַבְרָם, לְמַלְכָּא דִּסְדוֹם:  אֲרֵימִית יְדִי בִּצְלוֹ קֳדָם יְיָ אֵל עִלָּאָה, דְּקִנְיָנֵיהּ שְׁמַיָּא וְאַרְעָא.
יד,כג אִם-מִחוּט וְעַד שְׂרוֹךְ-נַעַל, וְאִם-אֶקַּח מִכָּל-אֲשֶׁר-לָךְ; וְלֹא תֹאמַר, אֲנִי הֶעֱשַׁרְתִּי אֶת-אַבְרָם.	אִם מִחוּטָא וְעַד עַרְקַת מְסָנָא, וְאִם אֶסַּב מִכָּל דְּלָךְ; וְלָא תֵּימַר, אֲנָא עַתַּרִית יָת אַבְרָם.
יד,כד בִּלְעָדַי, רַק אֲשֶׁר אָכְלוּ הַנְּעָרִים, וְחֵלֶק הָאֲנָשִׁים, אֲשֶׁר הָלְכוּ אִתִּי:  עָנֵר אֶשְׁכֹּל וּמַמְרֵא, הֵם יִקְחוּ חֶלְקָם.  {ס}	בָּר, מִדַּאֲכַלוּ עוּלֵימַיָּא, וְחוּלָק גֻּבְרַיָּא, דַּאֲזַלוּ עִמִּי:  עָנֵר אֶשְׁכּוֹל וּמַמְרֵא, אִנּוּן יְקַבְּלוּן חוּלָקְהוֹן.  {ס}
טו,א אַחַר הַדְּבָרִים הָאֵלֶּה, הָיָה דְבַר-יְהוָה אֶל-אַבְרָם, בַּמַּחֲזֶה, לֵאמֹר:  אַל-תִּירָא אַבְרָם, אָנֹכִי מָגֵן לָךְ--שְׂכָרְךָ, הַרְבֵּה מְאֹד.	בָּתַר פִּתְגָמַיָּא הָאִלֵּין, הֲוָה פִּתְגָמָא דַּייָ עִם אַבְרָם, בִּנְבוּאָה, לְמֵימַר:  לָא תִּדְחַל אַבְרָם, מֵימְרִי תְּקוֹף לָךְ--אַגְרָךְ, סַגִּי לַחְדָּא.
טו,ב וַיֹּאמֶר אַבְרָם, אֲדֹנָי יְהוִה מַה-תִּתֶּן-לִי, וְאָנֹכִי, הוֹלֵךְ עֲרִירִי; וּבֶן-מֶשֶׁק בֵּיתִי, הוּא דַּמֶּשֶׂק אֱלִיעֶזֶר.	וַאֲמַר אַבְרָם, יְיָ אֱלֹהִים מָא תִּתֵּין לִי, וַאֲנָא, אָזֵיל דְּלָא וְלַד; וּבַר פַּרְנָסָא הָדֵין דִּבְבֵּיתִי, הוּא דְּמַשְׂקָאָה אֱלִיעֶזֶר.
טו,ג וַיֹּאמֶר אַבְרָם--הֵן לִי, לֹא נָתַתָּה זָרַע; וְהִנֵּה בֶן-בֵּיתִי, יוֹרֵשׁ אֹתִי.	וַאֲמַר אַבְרָם--הָא לִי, לָא יְהַבְתְּ וְלַד; וְהָא בַּר בֵּיתִי, יָרֵית יָתִי.
טו,ד וְהִנֵּה דְבַר-יְהוָה אֵלָיו לֵאמֹר, לֹא יִירָשְׁךָ זֶה:  כִּי-אִם אֲשֶׁר יֵצֵא מִמֵּעֶיךָ, הוּא יִירָשֶׁךָ.	וְהָא פִּתְגָמָא דַּייָ עִמֵּיהּ לְמֵימַר, לָא יֵירְתִנָּךְ דֵּין:  אֱלָהֵין בַּר דְּתוֹלֵיד, הוּא יֵירְתִנָּךְ.
טו,ה וַיּוֹצֵא אֹתוֹ הַחוּצָה, וַיֹּאמֶר הַבֶּט-נָא הַשָּׁמַיְמָה וּסְפֹר הַכּוֹכָבִים--אִם-תּוּכַל, לִסְפֹּר אֹתָם; וַיֹּאמֶר לוֹ, כֹּה יִהְיֶה זַרְעֶךָ.	וְאַפֵּיק יָתֵיהּ לְבָרָא, וַאֲמַר אִסְתַּכִי כְּעַן לִשְׁמַיָּא וּמְנִי כּוֹכְבַיָּא--אִם תִּכּוֹל, לְמִמְנֵי יָתְהוֹן; וַאֲמַר לֵיהּ, כְּדֵין יְהוֹן בְּנָךְ.
טו,ו וְהֶאֱמִן, בַּיהוָה; וַיַּחְשְׁבֶהָ לּוֹ, צְדָקָה.	וְהֵימִין, בְּמֵימְרָא דַּייָ; וְחַשְׁבַּהּ לֵיהּ, לְזָכוּ.
טו,ז וַיֹּאמֶר, אֵלָיו:  אֲנִי יְהוָה, אֲשֶׁר הוֹצֵאתִיךָ מֵאוּר כַּשְׂדִּים--לָתֶת לְךָ אֶת-הָאָרֶץ הַזֹּאת, לְרִשְׁתָּהּ.	וַאֲמַר, לֵיהּ:  אֲנָא יְיָ, דְּאַפֵּיקְתָּךְ מֵאוּר דְּכַשְׂדָּאֵי--לְמִתַּן לָךְ יָת אַרְעָא הָדָא, לְמֵירְתַהּ.
טו,ח וַיֹּאמַר:  אֲדֹנָי יְהוִה, בַּמָּה אֵדַע כִּי אִירָשֶׁנָּה.	וַאֲמַר:  יְיָ אֱלֹהִים, בְּמָא אֶדַּע אֲרֵי אֵירְתִנַּהּ.
טו,ט וַיֹּאמֶר אֵלָיו, קְחָה לִי עֶגְלָה מְשֻׁלֶּשֶׁת, וְעֵז מְשֻׁלֶּשֶׁת, וְאַיִל מְשֻׁלָּשׁ; וְתֹר, וְגוֹזָל.	וַאֲמַר לֵיהּ, קָרֵיב קֳדָמַי עִגְלִין תְּלָתָא, וְעִזִּין תְּלָתָא, וְדִכְרִין תְּלָתָא; וְשַׁפְנִינָא, וּבַר יוֹנָה.
טו,י וַיִּקַּח-לוֹ אֶת-כָּל-אֵלֶּה, וַיְבַתֵּר אֹתָם בַּתָּוֶךְ, וַיִּתֵּן אִישׁ-בִּתְרוֹ, לִקְרַאת רֵעֵהוּ; וְאֶת-הַצִּפֹּר, לֹא בָתָר.	וְקָרֵיב קֳדָמוֹהִי יָת כָּל אִלֵּין, וּפַלֵּיג יָתְהוֹן בִּשְׁוֵי, וִיהַב פַּלְגַיָּא פֵּילַג, לָקֳבֵיל חַבְרֵיהּ; וְיָת עוֹפָא, לָא פַּלֵּיג.
טו,יא וַיֵּרֶד הָעַיִט, עַל-הַפְּגָרִים; וַיַּשֵּׁב אֹתָם, אַבְרָם.	וּנְחַת עוֹפָא, עַל פַּלְגַיָּא; וְאַפְרַח יָתְהוֹן, אַבְרָם.
טו,יב וַיְהִי הַשֶּׁמֶשׁ לָבוֹא, וְתַרְדֵּמָה נָפְלָה עַל-אַבְרָם; וְהִנֵּה אֵימָה חֲשֵׁכָה גְדֹלָה, נֹפֶלֶת עָלָיו.	וַהֲוָה שִׁמְשָׁא לְמֵיעַל, וְשִׁינְתָא נְפַלַת עַל אַבְרָם; וְהָא אֵימָה קְבַל סַגִּי, נְפַלַת עֲלוֹהִי.
טו,יג וַיֹּאמֶר לְאַבְרָם, יָדֹעַ תֵּדַע כִּי-גֵר יִהְיֶה זַרְעֲךָ בְּאֶרֶץ לֹא לָהֶם, וַעֲבָדוּם, וְעִנּוּ אֹתָם--אַרְבַּע מֵאוֹת, שָׁנָה.	וַאֲמַר לְאַבְרָם, מִדָּע תִּדַּע אֲרֵי דַּיָּרִין יְהוֹן בְּנָךְ בַּאֲרַע לָא דִּילְהוֹן, וְיִפְלְחוּן בְּהוֹן, וִיעַנּוֹן יָתְהוֹן--אַרְבַּע מְאָה, שְׁנִין.
טו,יד וְגַם אֶת-הַגּוֹי אֲשֶׁר יַעֲבֹדוּ, דָּן אָנֹכִי; וְאַחֲרֵי-כֵן יֵצְאוּ, בִּרְכֻשׁ גָּדוֹל.	וְאַף יָת עַמָּא דְּיִפְלְחוּן בְּהוֹן, דָּאֵין אֲנָא; וּבָתַר כֵּין יִפְּקוּן, בְּקִנְיָנָא סַגִּי.
טו,טו וְאַתָּה תָּבוֹא אֶל-אֲבֹתֶיךָ, בְּשָׁלוֹם:  תִּקָּבֵר, בְּשֵׂיבָה טוֹבָה.	וְאַתְּ תִּתְכְּנֵישׁ לְוָת אֲבָהָתָךְ, בִּשְׁלָם:  תִּתְקְבַר, בְּסֵיבוּ טָבָא.
טו,טז וְדוֹר רְבִיעִי, יָשׁוּבוּ הֵנָּה:  כִּי לֹא-שָׁלֵם עֲוֺן הָאֱמֹרִי, עַד-הֵנָּה.	וְדָרָא רְבִיעָאָה, יְתוּבוּן הָלְכָא:  אֲרֵי לָא שְׁלִים חוֹבָא דֶּאֱמוֹרָאָה, עַד כְּעַן.
טו,יז וַיְהִי הַשֶּׁמֶשׁ בָּאָה, וַעֲלָטָה הָיָה; וְהִנֵּה תַנּוּר עָשָׁן, וְלַפִּיד אֵשׁ, אֲשֶׁר עָבַר, בֵּין הַגְּזָרִים הָאֵלֶּה.	וַהֲוָת שִׁמְשָׁא עַאלַת, וְקַבְלָא הֲוָה; וְהָא תַּנּוּר דְּתָנַן, וּבָעוֹר דְּאִישָׁא, עֲדָא, בֵּין פַּלְגַיָּא הָאִלֵּין.
טו,יח בַּיּוֹם הַהוּא, כָּרַת יְהוָה אֶת-אַבְרָם--בְּרִית לֵאמֹר:  לְזַרְעֲךָ, נָתַתִּי אֶת-הָאָרֶץ הַזֹּאת, מִנְּהַר מִצְרַיִם, עַד-הַנָּהָר הַגָּדֹל נְהַר-פְּרָת.	בְּיוֹמָא הַהוּא, גְּזַר יְיָ עִם אַבְרָם--קְיָם לְמֵימַר:  לִבְנָךְ, יְהַבִית יָת אַרְעָא הָדָא, מִנַּהְרָא דְּמִצְרַיִם, עַד נַהְרָא רַבָּא נַהְרָא פְּרָת.
טו,יט אֶת-הַקֵּינִי, וְאֶת-הַקְּנִזִּי, וְאֵת, הַקַּדְמֹנִי.	יָת שָׁלְמָאֵי, וְיָת קְנִזָּאֵי, וְיָת, קַדְמוֹנָאֵי.
טו,כ וְאֶת-הַחִתִּי וְאֶת-הַפְּרִזִּי, וְאֶת-הָרְפָאִים.	וְיָת חִתָּאֵי וְיָת פְּרִזָּאֵי, וְיָת גִּבָּרַיָּא.
טו,כא וְאֶת-הָאֱמֹרִי, וְאֶת-הַכְּנַעֲנִי, וְאֶת-הַגִּרְגָּשִׁי, וְאֶת-הַיְבוּסִי.  {ס}	וְיָת אֱמוֹרָאֵי, וְיָת כְּנַעֲנָאֵי, וְיָת גַּרְגִּישָׁאֵי, וְיָת יְבוּסָאֵי.  {ס}
טז,א וְשָׂרַי אֵשֶׁת אַבְרָם, לֹא יָלְדָה לוֹ; וְלָהּ שִׁפְחָה מִצְרִית, וּשְׁמָהּ הָגָר.	וְשָׂרַי אִתַּת אַבְרָם, לָא יְלֵידַת לֵיהּ; וְלַהּ אַמְתָּא מִצְרֵיתָא, וּשְׁמַהּ הָגָר.
טז,ב וַתֹּאמֶר שָׂרַי אֶל-אַבְרָם, הִנֵּה-נָא עֲצָרַנִי יְהוָה מִלֶּדֶת--בֹּא-נָא אֶל-שִׁפְחָתִי, אוּלַי אִבָּנֶה מִמֶּנָּה; וַיִּשְׁמַע אַבְרָם, לְקוֹל שָׂרָי.	וַאֲמַרַת שָׂרַי לְאַבְרָם, הָא כְּעַן מַנְעַנִי יְיָ מִלְּמֵילַד--עוֹל כְּעַן לְוָת אַמְתִּי, מָאִם אֶתְבְּנֵי מִנַּהּ; וְקַבֵּיל אַבְרָם, לְמֵימַר שָׂרָי.
טז,ג וַתִּקַּח שָׂרַי אֵשֶׁת-אַבְרָם, אֶת-הָגָר הַמִּצְרִית שִׁפְחָתָהּ, מִקֵּץ עֶשֶׂר שָׁנִים, לְשֶׁבֶת אַבְרָם בְּאֶרֶץ כְּנָעַן; וַתִּתֵּן אֹתָהּ לְאַבְרָם אִישָׁהּ, לוֹ לְאִשָּׁה.	וּדְבַרַת שָׂרַי אִתַּת אַבְרָם, יָת הָגָר מִצְרֵיתָא אַמְתַּהּ, מִסּוֹף עֲסַר שְׁנִין, לְמִתַּב אַבְרָם בְּאַרְעָא דִּכְנָעַן; וִיהַבַת יָתַהּ לְאַבְרָם בַּעְלַהּ, לֵיהּ לְאִתּוּ.
טז,ד וַיָּבֹא אֶל-הָגָר, וַתַּהַר; וַתֵּרֶא כִּי הָרָתָה, וַתֵּקַל גְּבִרְתָּהּ בְּעֵינֶיהָ.	וְעָאל לְוָת הָגָר, וְעַדִּיאַת; וַחֲזָת אֲרֵי עַדִּיאַת, וְקַלַת רִבּוֹנְתַהּ בְּעֵינַהָא.
טז,ה וַתֹּאמֶר שָׂרַי אֶל-אַבְרָם, חֲמָסִי עָלֶיךָ--אָנֹכִי נָתַתִּי שִׁפְחָתִי בְּחֵיקֶךָ, וַתֵּרֶא כִּי הָרָתָה וָאֵקַל בְּעֵינֶיהָ; יִשְׁפֹּט יְהוָה, בֵּינִי וּבֵינֶיךָ.	וַאֲמַרַת שָׂרַי לְאַבְרָם, דִּין לִי עֲלָךְ--אֲנָא יְהַבִית אַמְתִּי לָךְ, וַחֲזָת אֲרֵי עַדִּיאַת וְקַלִית בְּעֵינַהָא; יְדִין יְיָ, בֵּינָא וּבֵינָךְ.
טז,ו וַיֹּאמֶר אַבְרָם אֶל-שָׂרַי, הִנֵּה שִׁפְחָתֵךְ בְּיָדֵךְ--עֲשִׂי-לָהּ, הַטּוֹב בְּעֵינָיִךְ; וַתְּעַנֶּהָ שָׂרַי, וַתִּבְרַח מִפָּנֶיהָ.	וַאֲמַר אַבְרָם לְשָׂרַי, הָא אַמְתִּיךְ בִּידִיךְ--עֲבִידִי לַהּ, דְּתָקֵין בְּעֵינַכִי; וְעַנִּיתַהּ שָׂרַי, וַעֲרַקַת מִן קֳדָמַהָא.
טז,ז וַיִּמְצָאָהּ מַלְאַךְ יְהוָה, עַל-עֵין הַמַּיִם--בַּמִּדְבָּר:  עַל-הָעַיִן, בְּדֶרֶךְ שׁוּר.	וְאַשְׁכְּחַהּ מַלְאֲכָא דַּייָ, עַל עֵינָא דְּמַיָּא--בְּמַדְבְּרָא:  עַל עֵינָא, בְּאוֹרְחָא דְּחַגְרָא.
טז,ח וַיֹּאמַר, הָגָר שִׁפְחַת שָׂרַי אֵי-מִזֶּה בָאת--וְאָנָה תֵלֵכִי; וַתֹּאמֶר--מִפְּנֵי שָׂרַי גְּבִרְתִּי, אָנֹכִי בֹּרַחַת.	וַאֲמַר, הָגָר אַמְתַּהּ דְּשָׂרַי מְנָן אַתְּ אָתְיָא--וּלְאָן אַתְּ אָזְלָא; וַאֲמַרַת--מִן קֳדָם שָׂרַי רִבּוֹנְתִי, אֲנָא עָרְקָא.
טז,ט וַיֹּאמֶר לָהּ מַלְאַךְ יְהוָה, שׁוּבִי אֶל-גְּבִרְתֵּךְ, וְהִתְעַנִּי, תַּחַת יָדֶיהָ.	וַאֲמַר לַהּ מַלְאֲכָא דַּייָ, תּוּבִי לְוָת רִבּוֹנְתִיךְ, וְאִשְׁתַּעֲבִידִי, תְּחוֹת יְדַהָא.
טז,י וַיֹּאמֶר לָהּ מַלְאַךְ יְהוָה, הַרְבָּה אַרְבֶּה אֶת-זַרְעֵךְ, וְלֹא יִסָּפֵר, מֵרֹב.	וַאֲמַר לַהּ מַלְאֲכָא דַּייָ, אַסְגָּאָה אַסְגֵּי יָת בְּנַכִי, וְלָא יִתְמְנוֹן, מִסְּגֵי.
טז,יא וַיֹּאמֶר לָהּ מַלְאַךְ יְהוָה, הִנָּךְ הָרָה וְיֹלַדְתְּ בֵּן, וְקָרָאת שְׁמוֹ יִשְׁמָעֵאל, כִּי-שָׁמַע יְהוָה אֶל-עָנְיֵךְ.	וַאֲמַר לַהּ מַלְאֲכָא דַּייָ, הָא אַתְּ מְעַדְּיָא וּתְלִידִין בַּר, וְתִקְרַן שְׁמֵיהּ יִשְׁמָעֵאל, אֲרֵי קַבֵּיל יְיָ צְלוֹתִיךְ.
טז,יב וְהוּא יִהְיֶה, פֶּרֶא אָדָם--יָדוֹ בַכֹּל, וְיַד כֹּל בּוֹ; וְעַל-פְּנֵי כָל-אֶחָיו, יִשְׁכֹּן.	וְהוּא יְהֵי, מָרוֹד בַּאֲנָשָׁא--הוּא יְהֵי צְרִיךְ לְכוֹלָא, וְאַף אֲנָשָׁא יְהוֹן צְרִיכִין לֵיהּ; וְעַל אַפֵּי כָּל אֲחוֹהִי, יִשְׁרֵי.
טז,יג וַתִּקְרָא שֵׁם-יְהוָה הַדֹּבֵר אֵלֶיהָ, אַתָּה אֵל רֳאִי:  כִּי אָמְרָה, הֲגַם הֲלֹם רָאִיתִי--אַחֲרֵי רֹאִי.	וְצַלִּיאַת בִּשְׁמָא דַּייָ דְּאִתְמַלַּל עִמַּהּ, אֲמַרַת אַתְּ הוּא אֱלָהָא חָזֵי כּוֹלָא:  אֲרֵי אֲמַרַת, אַף אֲנָא שָׁרִיתִי חָזְיָא--בָּתַר דְּאִתְגְּלִי לִי.
טז,יד עַל-כֵּן קָרָא לַבְּאֵר, בְּאֵר לַחַי רֹאִי--הִנֵּה בֵין-קָדֵשׁ, וּבֵין בָּרֶד.	עַל כֵּין קְרָא לְבֵירָא, בֵּירָא דְּמַלְאַךְ קַיָּמָא אִתַּחְזִי עֲלַהּ--הָא הִיא בֵּין רְקַם, וּבֵין חַגְרָא.
טז,טו וַתֵּלֶד הָגָר לְאַבְרָם, בֵּן; וַיִּקְרָא אַבְרָם שֶׁם-בְּנוֹ אֲשֶׁר-יָלְדָה הָגָר, יִשְׁמָעֵאל.	וִילֵידַת הָגָר לְאַבְרָם, בַּר; וּקְרָא אַבְרָם שׁוֹם בְּרֵיהּ דִּילֵידַת הָגָר, יִשְׁמָעֵאל.
טז,טז וְאַבְרָם, בֶּן-שְׁמֹנִים שָׁנָה וְשֵׁשׁ שָׁנִים, בְּלֶדֶת-הָגָר אֶת-יִשְׁמָעֵאל, לְאַבְרָם.  {ס}	וְאַבְרָם, בַּר תְּמָנַן וְשֵׁית שְׁנִין, כַּד יְלֵידַת הָגָר יָת יִשְׁמָעֵאל, לְאַבְרָם.  {ס}
יז,א וַיְהִי אַבְרָם, בֶּן-תִּשְׁעִים שָׁנָה וְתֵשַׁע שָׁנִים; וַיֵּרָא יְהוָה אֶל-אַבְרָם, וַיֹּאמֶר אֵלָיו אֲנִי-אֵל שַׁדַּי--הִתְהַלֵּךְ לְפָנַי, וֶהְיֵה תָמִים.	וַהֲוָה אַבְרָם, בַּר תִּשְׁעִין וּתְשַׁע שְׁנִין; וְאִתְגְּלִי יְיָ לְאַבְרָם, וַאֲמַר לֵיהּ אֲנָא אֵל שַׁדַּי--פְּלַח קֳדָמַי, וִהְוִי שְׁלִים.
יז,ב וְאֶתְּנָה בְרִיתִי, בֵּינִי וּבֵינֶךָ; וְאַרְבֶּה אוֹתְךָ, בִּמְאֹד מְאֹד.	וְאֶתֵּין קְיָמִי, בֵּין מֵימְרִי וּבֵינָךְ; וְאַסְגֵּי יָתָךְ, לַחְדָּא לַחְדָּא.
יז,ג וַיִּפֹּל אַבְרָם, עַל-פָּנָיו; וַיְדַבֵּר אִתּוֹ אֱלֹהִים, לֵאמֹר.	וּנְפַל אַבְרָם, עַל אַפּוֹהִי; וּמַלֵּיל עִמֵּיהּ יְיָ, לְמֵימַר.
יז,ד אֲנִי, הִנֵּה בְרִיתִי אִתָּךְ; וְהָיִיתָ, לְאַב הֲמוֹן גּוֹיִם.	אֲנָא, הָא גָּזַר קְיָמִי עִמָּךְ; וּתְהֵי, לְאַב סְגֵי עַמְמִין.
יז,ה וְלֹא-יִקָּרֵא עוֹד אֶת-שִׁמְךָ, אַבְרָם; וְהָיָה שִׁמְךָ אַבְרָהָם, כִּי אַב-הֲמוֹן גּוֹיִם נְתַתִּיךָ.	וְלָא יִתְקְרֵי עוֹד יָת שְׁמָךְ, אַבְרָם; וִיהֵי שְׁמָךְ אַבְרָהָם, אֲרֵי לְאַב סְגֵי עַמְמִין יְהַבְתָּךְ.
יז,ו וְהִפְרֵתִי אֹתְךָ בִּמְאֹד מְאֹד, וּנְתַתִּיךָ לְגוֹיִם; וּמְלָכִים, מִמְּךָ יֵצֵאוּ.	וְאַפֵּישׁ יָתָךְ לַחְדָּא לַחְדָּא, וְאֶתְּנִנָּךְ לְכִנְשָׁן; וּמַלְכִין דְּשָׁלְטִין בְּעַמְמַיָּא, מִנָּךְ יִפְּקוּן.
יז,ז וַהֲקִמֹתִי אֶת-בְּרִיתִי בֵּינִי וּבֵינֶךָ, וּבֵין זַרְעֲךָ אַחֲרֶיךָ לְדֹרֹתָם--לִבְרִית עוֹלָם:  לִהְיוֹת לְךָ לֵאלֹהִים, וּלְזַרְעֲךָ אַחֲרֶיךָ.	וַאֲקֵים יָת קְיָמִי בֵּין מֵימְרִי וּבֵינָךְ, וּבֵין בְּנָךְ בָּתְרָךְ לְדָרֵיהוֹן--לִקְיָם עָלַם:  לְמִהְוֵי לָךְ לֶאֱלָהּ, וְלִבְנָךְ בָּתְרָךְ.
יז,ח וְנָתַתִּי לְךָ וּלְזַרְעֲךָ אַחֲרֶיךָ אֵת אֶרֶץ מְגֻרֶיךָ, אֵת כָּל-אֶרֶץ כְּנַעַן, לַאֲחֻזַּת, עוֹלָם; וְהָיִיתִי לָהֶם, לֵאלֹהִים.	וְאֶתֵּין לָךְ וְלִבְנָךְ בָּתְרָךְ יָת אֲרַע תּוֹתָבוּתָךְ, יָת כָּל אַרְעָא דִּכְנַעַן, לְאַחְסָנַת, עָלַם; וְאֶהְוֵי לְהוֹן, לֶאֱלָהּ.
יז,ט וַיֹּאמֶר אֱלֹהִים אֶל-אַבְרָהָם, וְאַתָּה אֶת-בְּרִיתִי תִשְׁמֹר--אַתָּה וְזַרְעֲךָ אַחֲרֶיךָ, לְדֹרֹתָם.	וַאֲמַר יְיָ לְאַבְרָהָם, וְאַתְּ יָת קְיָמִי תִּטַּר--אַתְּ וּבְנָךְ בָּתְרָךְ, לְדָרֵיהוֹן.
יז,י זֹאת בְּרִיתִי אֲשֶׁר תִּשְׁמְרוּ, בֵּינִי וּבֵינֵיכֶם, וּבֵין זַרְעֲךָ, אַחֲרֶיךָ:  הִמּוֹל לָכֶם, כָּל-זָכָר.	דֵּין קְיָמִי דְּתִטְּרוּן, בֵּין מֵימְרִי וּבֵינֵיכוֹן, וּבֵין בְּנָךְ, בָּתְרָךְ:  מִגְזַר לְכוֹן, כָּל דְּכוּרָא.
יז,יא וּנְמַלְתֶּם, אֵת בְּשַׂר עָרְלַתְכֶם; וְהָיָה לְאוֹת בְּרִית, בֵּינִי וּבֵינֵיכֶם.	וְתִגְזְרוּן, יָת בִּסְרָא דְּעֻרְלַתְכוֹן; וִיהֵי לְאָת קְיָם, בֵּין מֵימְרִי וּבֵינֵיכוֹן.
יז,יב וּבֶן-שְׁמֹנַת יָמִים, יִמּוֹל לָכֶם כָּל-זָכָר--לְדֹרֹתֵיכֶם:  יְלִיד בָּיִת--וּמִקְנַת-כֶּסֶף מִכֹּל בֶּן-נֵכָר, אֲשֶׁר לֹא מִזַּרְעֲךָ הוּא.	וּבַר תְּמָנְיָא יוֹמִין, יִגְזַר לְכוֹן כָּל דְּכוּרָא--לְדָרֵיכוֹן:  יְלִיד בֵּיתָא--וּזְבִין כַּסְפָּא מִכֹּל בַּר עַמְמִין, דְּלָא מִבְּנָךְ הוּא.
יז,יג הִמּוֹל יִמּוֹל יְלִיד בֵּיתְךָ, וּמִקְנַת כַּסְפֶּךָ; וְהָיְתָה בְרִיתִי בִּבְשַׂרְכֶם, לִבְרִית עוֹלָם.	מִגְזָר יִגְזַר יְלִיד בֵּיתָךְ, וּזְבִין כַּסְפָּךְ; וִיהֵי קְיָמִי בִּבְסַרְכוֹן, לִקְיָם עָלַם.
יז,יד וְעָרֵל זָכָר, אֲשֶׁר לֹא-יִמּוֹל אֶת-בְּשַׂר עָרְלָתוֹ--וְנִכְרְתָה הַנֶּפֶשׁ הַהִוא, מֵעַמֶּיהָ:  אֶת-בְּרִיתִי, הֵפַר.  {ס}	וַעֲרַל דְּכוּרָא, דְּלָא יִגְזַר יָת בִּסְרָא דְּעֻרְלְתֵיהּ--וְיִשְׁתֵּיצֵי אֲנָשָׁא הַהוּא, מֵעַמֵּיהּ:  יָת קְיָמִי, אַשְׁנִי.  {ס}
יז,טו וַיֹּאמֶר אֱלֹהִים, אֶל-אַבְרָהָם, שָׂרַי אִשְׁתְּךָ, לֹא-תִקְרָא אֶת-שְׁמָהּ שָׂרָי:  כִּי שָׂרָה, שְׁמָהּ.	וַאֲמַר יְיָ, לְאַבְרָהָם, שָׂרַי אִתְּתָךְ, לָא תִּקְרֵי יָת שְׁמַהּ שָׂרָי:  אֲרֵי שָׂרָה, שְׁמַהּ.
יז,טז וּבֵרַכְתִּי אֹתָהּ, וְגַם נָתַתִּי מִמֶּנָּה לְךָ בֵּן; וּבֵרַכְתִּיהָ וְהָיְתָה לְגוֹיִם, מַלְכֵי עַמִּים מִמֶּנָּה יִהְיוּ.	וַאֲבָרֵיךְ יָתַהּ, וְאַף אֶתֵּין מִנַּהּ לָךְ בַּר; וַאֲבָרְכִנַּהּ וּתְהֵי לְכִנְשָׁן, מַלְכִין דְּשָׁלְטִין בְּעַמְמַיָּא מִנַּהּ יְהוֹן.
יז,יז וַיִּפֹּל אַבְרָהָם עַל-פָּנָיו, וַיִּצְחָק; וַיֹּאמֶר בְּלִבּוֹ, הַלְּבֶן מֵאָה-שָׁנָה יִוָּלֵד, וְאִם-שָׂרָה, הֲבַת-תִּשְׁעִים שָׁנָה תֵּלֵד.	וּנְפַל אַבְרָהָם עַל אַפּוֹהִי, וַחְדִּי; וַאֲמַר בְּלִבֵּיהּ, הַלְבַר מְאָה שְׁנִין יְהֵי וְלַד, וְאִם שָׂרָה הֲבַת תִּשְׁעִין שְׁנִין, תְּלִיד.
יז,יח וַיֹּאמֶר אַבְרָהָם, אֶל-הָאֱלֹהִים:  לוּ יִשְׁמָעֵאל, יִחְיֶה לְפָנֶיךָ.	וַאֲמַר אַבְרָהָם, קֳדָם יְיָ:  לְוֵי יִשְׁמָעֵאל, יִתְקַיַּם קֳדָמָךְ.
יז,יט וַיֹּאמֶר אֱלֹהִים, אֲבָל שָׂרָה אִשְׁתְּךָ יֹלֶדֶת לְךָ בֵּן, וְקָרָאתָ אֶת-שְׁמוֹ, יִצְחָק; וַהֲקִמֹתִי אֶת-בְּרִיתִי אִתּוֹ לִבְרִית עוֹלָם, לְזַרְעוֹ אַחֲרָיו.	וַאֲמַר יְיָ, בְּקֻשְׁטָא שָׂרָה אִתְּתָךְ תְּלִיד לָךְ בַּר, וְתִקְרֵי יָת שְׁמֵיהּ, יִצְחָק; וַאֲקֵים יָת קְיָמִי עִמֵּיהּ לִקְיָם עָלַם, לִבְנוֹהִי בָּתְרוֹהִי.
יז,כ וּלְיִשְׁמָעֵאל, שְׁמַעְתִּיךָ--הִנֵּה בֵּרַכְתִּי אֹתוֹ וְהִפְרֵיתִי אֹתוֹ וְהִרְבֵּיתִי אֹתוֹ, בִּמְאֹד מְאֹד:  שְׁנֵים-עָשָׂר נְשִׂיאִם יוֹלִיד, וּנְתַתִּיו לְגוֹי גָּדוֹל.	וְעַל יִשְׁמָעֵאל, קַבֵּילִית צְלוֹתָךְ--הָא בָּרֵיכִית יָתֵיהּ וְאַפֵּישִׁית יָתֵיהּ וְאַסְגִּיתִי יָתֵיהּ, לַחְדָּא לַחְדָּא:  תְּרֵי עֲסַר רַבְרְבִין יוֹלִיד, וְאֶתְּנִנֵּיהּ לְעַם סַגִּי.
יז,כא וְאֶת-בְּרִיתִי, אָקִים אֶת-יִצְחָק, אֲשֶׁר תֵּלֵד לְךָ שָׂרָה לַמּוֹעֵד הַזֶּה, בַּשָּׁנָה הָאַחֶרֶת.	וְיָת קְיָמִי, אֲקֵים עִם יִצְחָק, דִּתְלִיד לָךְ שָׂרָה לְזִמְנָא הָדֵין, בְּשַׁתָּא אֻחְרָנְתָא.
יז,כב וַיְכַל, לְדַבֵּר אִתּוֹ; וַיַּעַל אֱלֹהִים, מֵעַל אַבְרָהָם.	וְשֵׁיצִי, לְמַלָּלָא עִמֵּיהּ; וְאִסְתַּלַּק יְקָרָא דַּייָ, מֵעִלָּווֹהִי דְּאַבְרָהָם.
יז,כג וַיִּקַּח אַבְרָהָם אֶת-יִשְׁמָעֵאל בְּנוֹ, וְאֵת כָּל-יְלִידֵי בֵיתוֹ וְאֵת כָּל-מִקְנַת כַּסְפּוֹ--כָּל-זָכָר, בְּאַנְשֵׁי בֵּית אַבְרָהָם; וַיָּמָל אֶת-בְּשַׂר עָרְלָתָם, בְּעֶצֶם הַיּוֹם הַזֶּה, כַּאֲשֶׁר דִּבֶּר אִתּוֹ, אֱלֹהִים.	וּדְבַר אַבְרָהָם יָת יִשְׁמָעֵאל בְּרֵיהּ, וְיָת כָּל יְלִידֵי בֵּיתֵיהּ וְיָת כָּל זְבִינֵי כַּסְפֵּיהּ--כָּל דְּכוּרָא, בַּאֲנָשֵׁי בֵּית אַבְרָהָם; וּגְזַר יָת בִּסְרָא דְּעֻרְלַתְהוֹן, בִּכְרַן יוֹמָא הָדֵין, כְּמָא דְּמַלֵּיל עִמֵּיהּ, יְיָ.
יז,כד וְאַבְרָהָם--בֶּן-תִּשְׁעִים וָתֵשַׁע, שָׁנָה:  בְּהִמֹּלוֹ, בְּשַׂר עָרְלָתוֹ.	וְאַבְרָהָם--בַּר תִּשְׁעִין וּתְשַׁע, שְׁנִין:  כַּד גְּזַר, בִּסְרָא דְּעֻרְלְתֵיהּ.
יז,כה וְיִשְׁמָעֵאל בְּנוֹ, בֶּן-שְׁלֹשׁ עֶשְׂרֵה שָׁנָה:  בְּהִמֹּלוֹ--אֵת, בְּשַׂר עָרְלָתוֹ.	וְיִשְׁמָעֵאל בְּרֵיהּ, בַּר תְּלָת עַסְרֵי שְׁנִין:  כַּד גְּזַר--יָת, בִּסְרָא דְּעֻרְלְתֵיהּ.
יז,כו בְּעֶצֶם הַיּוֹם הַזֶּה, נִמּוֹל אַבְרָהָם, וְיִשְׁמָעֵאל, בְּנוֹ.	בִּכְרַן יוֹמָא הָדֵין, אִתְגְּזַר אַבְרָהָם, וְיִשְׁמָעֵאל, בְּרֵיהּ.
יז,כז וְכָל-אַנְשֵׁי בֵיתוֹ יְלִיד בָּיִת, וּמִקְנַת-כֶּסֶף מֵאֵת בֶּן-נֵכָר--נִמֹּלוּ, אִתּוֹ.  {פ}	וְכָל אֲנָשֵׁי בֵּיתֵיהּ יְלִידֵי בֵּיתָא, וּזְבִינֵי כַּסְפָּא מִן בְּנֵי עַמְמַיָּא--אִתְגְּזַרוּ, עִמֵּיהּ.  {פ}