מקץ

מא,א וַיְהִי, מִקֵּץ שְׁנָתַיִם יָמִים; וּפַרְעֹה חֹלֵם, וְהִנֵּה עֹמֵד עַל-הַיְאֹר.	וַהֲוָה, מִסּוֹף תַּרְתֵּין שְׁנִין; וּפַרְעֹה חָלֵים, וְהָא קָאֵים עַל נַהְרָא.
מא,ב וְהִנֵּה מִן-הַיְאֹר, עֹלֹת שֶׁבַע פָּרוֹת, יְפוֹת מַרְאֶה, וּבְרִיאֹת בָּשָׂר; וַתִּרְעֶינָה, בָּאָחוּ.	וְהָא מִן נַהְרָא, סָלְקָן שְׁבַע תּוֹרָן, שַׁפִּירָן לְמִחְזֵי, וּפַטִּימָן בְּסַר; וְרָעֲיָן, בְּאַחְוָא.
מא,ג וְהִנֵּה שֶׁבַע פָּרוֹת אֲחֵרוֹת, עֹלוֹת אַחֲרֵיהֶן מִן-הַיְאֹר, רָעוֹת מַרְאֶה, וְדַקּוֹת בָּשָׂר; וַתַּעֲמֹדְנָה אֵצֶל הַפָּרוֹת, עַל-שְׂפַת הַיְאֹר.	וְהָא שְׁבַע תּוֹרָן אָחֳרָנְיָן, סְלִיקָא בָּתְרֵיהוֹן מִן נַהְרָא, בִּישָׁן לְמִחְזֵי, וְחַסִּירָן בְּסַר; וְקַמָא לְקִבְלְהוֹן דְּתוֹרָתָא, עַל כֵּיף נַהְרָא.
מא,ד וַתֹּאכַלְנָה הַפָּרוֹת, רָעוֹת הַמַּרְאֶה וְדַקֹּת הַבָּשָׂר, אֵת שֶׁבַע הַפָּרוֹת, יְפֹת הַמַּרְאֶה וְהַבְּרִיאֹת; וַיִּיקַץ, פַּרְעֹה.	וַאֲכַלָא תּוֹרָתָא, דְּבִישָׁן לְמִחְזֵי וְחַסִּירָן בְּסַר, יָת שְׁבַע תּוֹרָתָא, דְּשַׁפִּירָן לְמִחְזֵי וּפַטִּימָתָא; וְאִתְּעַר, פַּרְעֹה.
מא,ה וַיִּישָׁן, וַיַּחֲלֹם שֵׁנִית; וְהִנֵּה שֶׁבַע שִׁבֳּלִים, עֹלוֹת בְּקָנֶה אֶחָד--בְּרִיאוֹת וְטֹבוֹת.	וּדְמוּךְ, וַחֲלַם תִּנְיָנוּת; וְהָא שְׁבַע שֻׁבְלִין, סָלְקָן בְּקַנְיָא חַד--פַּטִּימָן וְטָבָן.
מא,ו וְהִנֵּה שֶׁבַע שִׁבֳּלִים, דַּקּוֹת וּשְׁדוּפֹת קָדִים--צֹמְחוֹת, אַחֲרֵיהֶן.	וְהָא שְׁבַע שֻׁבְלִין, לָקְיָן וּשְׁקִיפָן קִדּוּם--צָמְחָן, בָּתְרֵיהוֹן.
מא,ז וַתִּבְלַעְנָה, הַשִּׁבֳּלִים הַדַּקּוֹת, אֵת שֶׁבַע הַשִּׁבֳּלִים, הַבְּרִיאוֹת וְהַמְּלֵאוֹת; וַיִּיקַץ פַּרְעֹה, וְהִנֵּה חֲלוֹם.	וּבְלַעָא, שֻׁבְלַיָּא לָקְיָתָא, יָת שְׁבַע שֻׁבְלַיָּא, פַּטִּימָתָא וּמַלְיָתָא; וְאִתְּעַר פַּרְעֹה, וְהָא חֶלְמָא.
מא,ח וַיְהִי בַבֹּקֶר, וַתִּפָּעֶם רוּחוֹ, וַיִּשְׁלַח וַיִּקְרָא אֶת-כָּל-חַרְטֻמֵּי מִצְרַיִם, וְאֶת-כָּל-חֲכָמֶיהָ; וַיְסַפֵּר פַּרְעֹה לָהֶם אֶת-חֲלֹמוֹ, וְאֵין-פּוֹתֵר אוֹתָם לְפַרְעֹה.	וַהֲוָה בְּצַפְרָא, וּמִטָּרְפָא רוּחֵיהּ, וּשְׁלַח וּקְרָא יָת כָּל חָרָשֵׁי מִצְרַיִם, וְיָת כָּל חַכִּימַהָא; וְאִשְׁתַּעִי פַּרְעֹה לְהוֹן יָת חֶלְמֵיהּ, וְלֵית דְּפָשַׁר יָתְהוֹן לְפַרְעֹה.
מא,ט וַיְדַבֵּר שַׂר הַמַּשְׁקִים, אֶת-פַּרְעֹה לֵאמֹר:  אֶת-חֲטָאַי, אֲנִי מַזְכִּיר הַיּוֹם.	וּמַלֵּיל רַב שָׁקֵי, עִם פַּרְעֹה לְמֵימַר:  יָת סֻרְחָנִי, אֲנָא מַדְכַּר יוֹמָא דֵּין.
מא,י פַּרְעֹה, קָצַף עַל-עֲבָדָיו; וַיִּתֵּן אֹתִי בְּמִשְׁמַר, בֵּית שַׂר הַטַּבָּחִים--אֹתִי, וְאֵת שַׂר הָאֹפִים.	פַּרְעֹה, רְגֵיז עַל עַבְדּוֹהִי; וִיהַב יָתִי בְּמַטְּרַת, בֵּית רַב קָטוֹלַיָּא--יָתִי, וְיָת רַב נַחְתּוֹמֵי.
מא,יא וַנַּחַלְמָה חֲלוֹם בְּלַיְלָה אֶחָד, אֲנִי וָהוּא:  אִישׁ כְּפִתְרוֹן חֲלֹמוֹ, חָלָמְנוּ.	וַחֲלַמְנָא חֶלְמָא בְּלֵילְיָא חַד, אֲנָא וְהוּא:  גְּבַר כְּפֻשְׁרַן חֶלְמֵיהּ, חֲלַמְנָא.
מא,יב וְשָׁם אִתָּנוּ נַעַר עִבְרִי, עֶבֶד לְשַׂר הַטַּבָּחִים, וַנְּסַפֶּר-לוֹ, וַיִּפְתָּר-לָנוּ אֶת-חֲלֹמֹתֵינוּ:  אִישׁ כַּחֲלֹמוֹ, פָּתָר.	וְתַמָּן עִמַּנָא עוֹלֵים עִבְרַאי, עַבְדָּא לְרַב קָטוֹלַיָּא, וְאִשְׁתַּעִינָא לֵיהּ, וּפַשַּׁר לַנָא יָת חֶלְמַנָא:  גְּבַר כְּחֶלְמֵיהּ, פַּשַּׁר.
מא,יג וַיְהִי כַּאֲשֶׁר פָּתַר-לָנוּ, כֵּן הָיָה:  אֹתִי הֵשִׁיב עַל-כַּנִּי, וְאֹתוֹ תָלָה.	וַהֲוָה כְּמָא דְּפַשַּׁר לַנָא, כֵּין הֲוָה:  יָתִי אֲתֵיב עַל שִׁמּוּשִׁי, וְיָתֵיהּ צְלַב.
מא,יד וַיִּשְׁלַח פַּרְעֹה וַיִּקְרָא אֶת-יוֹסֵף, וַיְרִיצֻהוּ מִן-הַבּוֹר; וַיְגַלַּח וַיְחַלֵּף שִׂמְלֹתָיו, וַיָּבֹא אֶל-פַּרְעֹה.	וּשְׁלַח פַּרְעֹה וּקְרָא יָת יוֹסֵף, וְאַרְהֲטוּהִי מִן בֵּית אֲסִירֵי; וְסַפַּר וְשַׁנִּי כְּסוּתֵיהּ, וְעָאל לְוָת פַּרְעֹה.
מא,טו וַיֹּאמֶר פַּרְעֹה, אֶל-יוֹסֵף, חֲלוֹם חָלַמְתִּי, וּפֹתֵר אֵין אֹתוֹ; וַאֲנִי, שָׁמַעְתִּי עָלֶיךָ לֵאמֹר, תִּשְׁמַע חֲלוֹם, לִפְתֹּר אֹתוֹ.	וַאֲמַר פַּרְעֹה, לְיוֹסֵף, חֶלְמָא חֲלַמִית, וּפָשַׁר לֵית לֵיהּ; וַאֲנָא, שְׁמַעִית עֲלָךְ לְמֵימַר, דְּאַתְּ שָׁמַע חֶלְמָא, וּמְפַשַּׁר לֵיהּ.
מא,טז וַיַּעַן יוֹסֵף אֶת-פַּרְעֹה לֵאמֹר, בִּלְעָדָי:  אֱלֹהִים, יַעֲנֶה אֶת-שְׁלוֹם פַּרְעֹה.	וַאֲתֵיב יוֹסֵף יָת פַּרְעֹה לְמֵימַר, לָא מִן חָכְמְתִי:  אֱלָהֵין מִן קֳדָם יְיָ, יִתָּתַב שְׁלָמָא דְּפַרְעֹה.
מא,יז וַיְדַבֵּר פַּרְעֹה, אֶל-יוֹסֵף:  בַּחֲלֹמִי, הִנְנִי עֹמֵד עַל-שְׂפַת הַיְאֹר.	וּמַלֵּיל פַּרְעֹה, עִם יוֹסֵף:  בְּחֶלְמִי, הָאֲנָא קָאֵים עַל כֵּיף נַהְרָא.
מא,יח וְהִנֵּה מִן-הַיְאֹר, עֹלֹת שֶׁבַע פָּרוֹת, בְּרִיאוֹת בָּשָׂר, וִיפֹת תֹּאַר; וַתִּרְעֶינָה, בָּאָחוּ.	וְהָא מִן נַהְרָא, סָלְקָן שְׁבַע תּוֹרָן, פַּטִּימָן בְּסַר, וְשַׁפִּירָן לְמִחְזֵי; וְרָעֲיָן, בְּאַחְוָא.
מא,יט וְהִנֵּה שֶׁבַע-פָּרוֹת אֲחֵרוֹת, עֹלוֹת אַחֲרֵיהֶן, דַּלּוֹת וְרָעוֹת תֹּאַר מְאֹד, וְרַקּוֹת בָּשָׂר:  לֹא-רָאִיתִי כָהֵנָּה בְּכָל-אֶרֶץ מִצְרַיִם, לָרֹעַ.	וְהָא שְׁבַע תּוֹרָן אָחֳרָנְיָן, סְלִיקָא בָּתְרֵיהוֹן, חַסִּיכָן וּבִישָׁן לְמִחְזֵי לַחְדָּא, וְחַסִּירָן בְּסַר:  לָא חֲזֵיתִי דִּכְוָתְהוֹן בְּכָל אַרְעָא דְּמִצְרַיִם, לְבִישׁוּ.
מא,כ וַתֹּאכַלְנָה, הַפָּרוֹת, הָרַקּוֹת, וְהָרָעוֹת--אֵת שֶׁבַע הַפָּרוֹת הָרִאשֹׁנוֹת, הַבְּרִיאֹת.	וַאֲכַלָא, תּוֹרָתָא, חַסִּיכָתָא, וּבִישָׁתָא--יָת שְׁבַע תּוֹרָתָא קַדְמַיָתָא, פַּטִּימָתָא.
מא,כא וַתָּבֹאנָה אֶל-קִרְבֶּנָה, וְלֹא נוֹדַע כִּי-בָאוּ אֶל-קִרְבֶּנָה, וּמַרְאֵיהֶן רַע, כַּאֲשֶׁר בַּתְּחִלָּה; וָאִיקָץ.	וְעַאלָא לִמְעֵיהוֹן, וְלָא אִתְיְדַע אֲרֵי עַאלָא לִמְעֵיהוֹן, וּמִחְזֵיהוֹן בִּישׁ, כִּד בְּקַדְמֵיתָא; וְאִתְּעַרִית.
מא,כב וָאֵרֶא, בַּחֲלֹמִי; וְהִנֵּה שֶׁבַע שִׁבֳּלִים, עֹלֹת בְּקָנֶה אֶחָד--מְלֵאֹת וְטֹבוֹת.	וַחֲזֵית, בְּחֶלְמִי; וְהָא שְׁבַע שֻׁבְלִין, סָלְקָן בְּקַנְיָא חַד--מַלְיָן וְטָבָן.
מא,כג וְהִנֵּה שֶׁבַע שִׁבֳּלִים, צְנֻמוֹת דַּקּוֹת שְׁדֻפוֹת קָדִים--צֹמְחוֹת, אַחֲרֵיהֶם.	וְהָא שְׁבַע שֻׁבְלִין, נָצַן לָקְיָן שְׁקִיפָן קִדּוּם--צָמְחָן, בָּתְרֵיהוֹן.
מא,כד וַתִּבְלַעְןָ הַשִּׁבֳּלִים הַדַּקֹּת, אֵת שֶׁבַע הַשִּׁבֳּלִים הַטֹּבוֹת; וָאֹמַר, אֶל-הַחַרְטֻמִּים, וְאֵין מַגִּיד, לִי.	וּבְלַעָא שֻׁבְלַיָּא לָקְיָתָא, יָת שְׁבַע שֻׁבְלַיָּא טָבָתָא; וַאֲמַרִית, לְחָרָשַׁיָּא, וְלֵית דִּמְחַוֵּי, לִי.
מא,כה וַיֹּאמֶר יוֹסֵף אֶל-פַּרְעֹה, חֲלוֹם פַּרְעֹה אֶחָד הוּא:  אֵת אֲשֶׁר הָאֱלֹהִים עֹשֶׂה, הִגִּיד לְפַרְעֹה.	וַאֲמַר יוֹסֵף לְפַרְעֹה, חֶלְמָא דְּפַרְעֹה חַד הוּא:  יָת דַּייָ עֲתִיד לְמֶעֱבַד, חַוִּי לְפַרְעֹה.
מא,כו שֶׁבַע פָּרֹת הַטֹּבֹת, שֶׁבַע שָׁנִים הֵנָּה, וְשֶׁבַע הַשִּׁבֳּלִים הַטֹּבֹת, שֶׁבַע שָׁנִים הֵנָּה:  חֲלוֹם, אֶחָד הוּא.	שְׁבַע תּוֹרָתָא טָבָתָא, שְׁבַע שְׁנַיָּא אִנִּין, וּשְׁבַע שֻׁבְלַיָּא טָבָתָא, שְׁבַע שְׁנַיָּא אִנִּין:  חֶלְמָא, חַד הוּא.
מא,כז וְשֶׁבַע הַפָּרוֹת הָרַקּוֹת וְהָרָעֹת הָעֹלֹת אַחֲרֵיהֶן, שֶׁבַע שָׁנִים הֵנָּה, וְשֶׁבַע הַשִּׁבֳּלִים הָרֵקוֹת, שְׁדֻפוֹת הַקָּדִים--יִהְיוּ, שֶׁבַע שְׁנֵי רָעָב.	וּשְׁבַע תּוֹרָתָא חַסִּיכָתָא וּבִישָׁתָא דִּסְלִיקָא בָּתְרֵיהוֹן, שְׁבַע שְׁנַיָּא אִנִּין, וּשְׁבַע שֻׁבְלַיָּא לָקְיָתָא, דִּשְׁקִיפָן קִדּוּם--יִהְוְיָן, שְׁבַע שְׁנֵי כַּפְנָא.
מא,כח הוּא הַדָּבָר, אֲשֶׁר דִּבַּרְתִּי אֶל-פַּרְעֹה:  אֲשֶׁר הָאֱלֹהִים עֹשֶׂה, הֶרְאָה אֶת-פַּרְעֹה.	הוּא פִּתְגָמָא, דְּמַלֵּילִית עִם פַּרְעֹה:  דַּייָ עֲתִיד לְמֶעֱבַד, אַחְזִי יָת פַּרְעֹה.
מא,כט הִנֵּה שֶׁבַע שָׁנִים, בָּאוֹת--שָׂבָע גָּדוֹל, בְּכָל-אֶרֶץ מִצְרָיִם.	הָא שְׁבַע שְׁנַיָּא, אָתְיָן--סִבְעָא רַבָּא, בְּכָל אַרְעָא דְּמִצְרָיִם.
מא,ל וְקָמוּ שֶׁבַע שְׁנֵי רָעָב, אַחֲרֵיהֶן, וְנִשְׁכַּח כָּל-הַשָּׂבָע, בְּאֶרֶץ מִצְרָיִם; וְכִלָּה הָרָעָב, אֶת-הָאָרֶץ.	וִיקוּמָן שְׁבַע שְׁנֵי כַּפְנָא, בָּתְרֵיהוֹן, וְיִתְנְשֵׁי כָּל סִבְעָא, בְּאַרְעָא דְּמִצְרָיִם; וִישֵׁיצֵי כַּפְנָא, יָת עַמָּא דְּאַרְעָא.
מא,לא וְלֹא-יִוָּדַע הַשָּׂבָע בָּאָרֶץ, מִפְּנֵי הָרָעָב הַהוּא אַחֲרֵי-כֵן:  כִּי-כָבֵד הוּא, מְאֹד.	וְלָא יִתְיְדַע סִבְעָא בְּאַרְעָא, מִן קֳדָם כַּפְנָא הַהוּא דִּיהֵי בָּתַר כֵּין:  אֲרֵי תַּקִּיף הוּא, לַחְדָּא.
מא,לב וְעַל הִשָּׁנוֹת הַחֲלוֹם אֶל-פַּרְעֹה, פַּעֲמָיִם--כִּי-נָכוֹן הַדָּבָר מֵעִם הָאֱלֹהִים, וּמְמַהֵר הָאֱלֹהִים לַעֲשֹׂתוֹ.	וְעַל דְּאִתַּנִּי חֶלְמָא לְפַרְעֹה, תַּרְתֵּין זִמְנִין--אֲרֵי תָּקֵין פִּתְגָמָא מִן קֳדָם יְיָ, וּמוֹחֵי יְיָ לְמִעְבְּדֵיהּ.
מא,לג וְעַתָּה יֵרֶא פַרְעֹה, אִישׁ נָבוֹן וְחָכָם; וִישִׁיתֵהוּ, עַל-אֶרֶץ מִצְרָיִם.	וּכְעַן יִחְזֵי פַּרְעֹה, גְּבַר סֻכְלְתָן וְחַכִּים; וִימַנֵּינֵיהּ, עַל אַרְעָא דְּמִצְרָיִם.
מא,לד יַעֲשֶׂה פַרְעֹה, וְיַפְקֵד פְּקִדִים עַל-הָאָרֶץ; וְחִמֵּשׁ אֶת-אֶרֶץ מִצְרַיִם, בְּשֶׁבַע שְׁנֵי הַשָּׂבָע.	יַעֲבֵיד פַּרְעֹה, וִימַנֵּי מְהֵימְנִין עַל אַרְעָא; וִיזָרְזוּן יָת אַרְעָא דְּמִצְרַיִם, בִּשְׁבַע שְׁנֵי סִבְעָא.
מא,לה וְיִקְבְּצוּ, אֶת-כָּל-אֹכֶל הַשָּׁנִים הַטֹּבוֹת, הַבָּאֹת, הָאֵלֶּה; וְיִצְבְּרוּ-בָר תַּחַת יַד-פַּרְעֹה, אֹכֶל בֶּעָרִים--וְשָׁמָרוּ.	וְיִכְנְשׁוּן, יָת כָּל עֲבוּר שְׁנַיָּא טָבָתָא, דְּאָתְיָן, אִלֵּין; וְיֵיצְרוּן עֲבוּרָא תְּחוֹת יַד מְהֵימְנֵי פַּרְעֹה, עֲבוּרָא בְּקִרְוַיָּא--וְיִטְּרוּן.
מא,לו וְהָיָה הָאֹכֶל לְפִקָּדוֹן, לָאָרֶץ, לְשֶׁבַע שְׁנֵי הָרָעָב, אֲשֶׁר תִּהְיֶיןָ בְּאֶרֶץ מִצְרָיִם; וְלֹא-תִכָּרֵת הָאָרֶץ, בָּרָעָב.	וִיהֵי עֲבוּרָא גְּנִיז, לְעַמָּא דְּאַרְעָא, לִשְׁבַע שְׁנֵי כַּפְנָא, דְּיִהְוְיָן בְּאַרְעָא דְּמִצְרָיִם; וְלָא יִשְׁתֵּיצֵי עַמָּא דְּאַרְעָא, בְּכַפְנָא.
מא,לז וַיִּיטַב הַדָּבָר, בְּעֵינֵי פַרְעֹה, וּבְעֵינֵי, כָּל-עֲבָדָיו.	וּשְׁפַר פִּתְגָמָא, בְּעֵינֵי פַּרְעֹה, וּבְעֵינֵי, כָּל עַבְדּוֹהִי.
מא,לח וַיֹּאמֶר פַּרְעֹה, אֶל-עֲבָדָיו:  הֲנִמְצָא כָזֶה--אִישׁ, אֲשֶׁר רוּחַ אֱלֹהִים בּוֹ.	וַאֲמַר פַּרְעֹה, לְעַבְדּוֹהִי:  הֲנַשְׁכַּח כְּדֵין--גְּבַר, דְּרוּחַ נְבוּאָה מִן קֳדָם יְיָ בֵּיהּ.
מא,לט וַיֹּאמֶר פַּרְעֹה אֶל-יוֹסֵף, אַחֲרֵי הוֹדִיעַ אֱלֹהִים אוֹתְךָ אֶת-כָּל-זֹאת, אֵין-נָבוֹן וְחָכָם, כָּמוֹךָ.	וַאֲמַר פַּרְעֹה לְיוֹסֵף, בָּתַר דְּהוֹדַע יְיָ יָתָךְ יָת כָּל דָּא, לֵית סֻכְלְתָן וְחַכִּים, כְּוָתָךְ.
מא,מ אַתָּה תִּהְיֶה עַל-בֵּיתִי, וְעַל-פִּיךָ יִשַּׁק כָּל-עַמִּי; רַק הַכִּסֵּא, אֶגְדַּל מִמֶּךָּ.	אַתְּ תְּהֵי מְמֻנַּא עַל בֵּיתִי, וְעַל מֵימְרָךְ יִתְּזָן כָּל עַמִּי; לְחוֹד כֻּרְסֵי מַלְכוּתָא הָדֵין, אֵיהֵי יַקִּיר מִנָּךְ.
מא,מא וַיֹּאמֶר פַּרְעֹה, אֶל-יוֹסֵף:  רְאֵה נָתַתִּי אֹתְךָ, עַל כָּל-אֶרֶץ מִצְרָיִם.	וַאֲמַר פַּרְעֹה, לְיוֹסֵף:  חֲזִי דְּמַנִּיתִי יָתָךְ, עַל כָּל אַרְעָא דְּמִצְרָיִם.
מא,מב וַיָּסַר פַּרְעֹה אֶת-טַבַּעְתּוֹ מֵעַל יָדוֹ, וַיִּתֵּן אֹתָהּ עַל-יַד יוֹסֵף; וַיַּלְבֵּשׁ אֹתוֹ בִּגְדֵי-שֵׁשׁ, וַיָּשֶׂם רְבִד הַזָּהָב עַל-צַוָּארוֹ.	וְאַעְדִּי פַּרְעֹה יָת עִזְקְתֵיהּ מֵעַל יְדֵיהּ, וִיהַב יָתַהּ עַל יְדָא דְּיוֹסֵף; וְאַלְבֵּישׁ יָתֵיהּ לְבוּשִׁין דְּבוּץ, וְשַׁוִּי מְנִיכָא דְּדַהְבָּא עַל צַוְרֵיהּ.
מא,מג וַיַּרְכֵּב אֹתוֹ, בְּמִרְכֶּבֶת הַמִּשְׁנֶה אֲשֶׁר-לוֹ, וַיִּקְרְאוּ לְפָנָיו, אַבְרֵךְ; וְנָתוֹן אֹתוֹ, עַל כָּל-אֶרֶץ מִצְרָיִם.	וְאַרְכֵּיב יָתֵיהּ, בִּרְתִכָּא תִּנְיֵיתָא דִּילֵיהּ, וְאַכְרִיזוּ קֳדָמוֹהִי, דֵּין אַבָּא לְמַלְכָּא; וּמַנִּי יָתֵיהּ, עַל כָּל אַרְעָא דְּמִצְרָיִם.
מא,מד וַיֹּאמֶר פַּרְעֹה אֶל-יוֹסֵף, אֲנִי פַרְעֹה; וּבִלְעָדֶיךָ, לֹא-יָרִים אִישׁ אֶת-יָדוֹ וְאֶת-רַגְלוֹ--בְּכָל-אֶרֶץ מִצְרָיִם.	וַאֲמַר פַּרְעֹה לְיוֹסֵף, אֲנָא פַּרְעֹה; וּבָר מִמֵּימְרָךְ, לָא יְרִים גְּבַר יָת יְדֵיהּ לְמֵיחַד זֵין וְיָת רַגְלֵיהּ לְמִרְכַּב עַל סוּסְיָא--בְּכָל אַרְעָא דְּמִצְרָיִם.
מא,מה וַיִּקְרָא פַרְעֹה שֵׁם-יוֹסֵף, צָפְנַת פַּעְנֵחַ, וַיִּתֶּן-לוֹ אֶת-אָסְנַת בַּת-פּוֹטִי פֶרַע כֹּהֵן אֹן, לְאִשָּׁה; וַיֵּצֵא יוֹסֵף, עַל-אֶרֶץ מִצְרָיִם.	וּקְרָא פַּרְעֹה שׁוֹם יוֹסֵף, גֻּבְרָא דְּמִטַּמְרָן גָּלְיָן לֵיהּ, וִיהַב לֵיהּ יָת אָסְנַת בַּת פּוֹטִי פֶרַע רַבָּא דְּאוֹן, לְאִתּוּ; וּנְפַק יוֹסֵף, שַׁלִּיט עַל אַרְעָא דְּמִצְרָיִם.
מא,מו וְיוֹסֵף, בֶּן-שְׁלֹשִׁים שָׁנָה, בְּעָמְדוֹ, לִפְנֵי פַּרְעֹה מֶלֶךְ-מִצְרָיִם; וַיֵּצֵא יוֹסֵף מִלִּפְנֵי פַרְעֹה, וַיַּעֲבֹר בְּכָל-אֶרֶץ מִצְרָיִם.	וְיוֹסֵף, בַּר תְּלָתִין שְׁנִין, כַּד קָם, קֳדָם פַּרְעֹה מַלְכָּא דְּמִצְרָיִם; וּנְפַק יוֹסֵף מִן קֳדָם פַּרְעֹה, וַעֲבַר בְּכָל אַרְעָא דְּמִצְרָיִם.
מא,מז וַתַּעַשׂ הָאָרֶץ, בְּשֶׁבַע שְׁנֵי הַשָּׂבָע--לִקְמָצִים.	וּכְנַשׁוּ דָּיְרֵי אַרְעָא, בִּשְׁבַע שְׁנֵי סִבְעָא--עֲבוּרָא לְאוֹצְרִין.
מא,מח וַיִּקְבֹּץ אֶת-כָּל-אֹכֶל שֶׁבַע שָׁנִים, אֲשֶׁר הָיוּ בְּאֶרֶץ מִצְרַיִם, וַיִּתֶּן-אֹכֶל, בֶּעָרִים:  אֹכֶל שְׂדֵה-הָעִיר אֲשֶׁר סְבִיבֹתֶיהָ, נָתַן בְּתוֹכָהּ.	וּכְנַשׁ יָת כָּל עֲבוּר שְׁבַע שְׁנַיָּא, דַּהֲוַאָה בְּאַרְעָא דְּמִצְרַיִם, וִיהַב עֲבוּרָא, בְּקִרְוַיָּא:  עֲבוּר חֲקַל קַרְתָּא דִּבְסַחְרָנַהָא, יְהַב בְּגַוַּהּ.
מא,מט וַיִּצְבֹּר יוֹסֵף בָּר כְּחוֹל הַיָּם, הַרְבֵּה מְאֹד--עַד כִּי-חָדַל לִסְפֹּר, כִּי-אֵין מִסְפָּר.	וּכְנַשׁ יוֹסֵף עֲבוּרָא כְּחָלָא דְּיַמָּא, סַגִּי לַחְדָּא--עַד דִּפְסַק מִלְּמִמְנֵי, אֲרֵי לֵית מִנְיָן.
מא,נ וּלְיוֹסֵף יֻלַּד שְׁנֵי בָנִים, בְּטֶרֶם תָּבוֹא שְׁנַת הָרָעָב, אֲשֶׁר יָלְדָה-לּוֹ אָסְנַת, בַּת-פּוֹטִי פֶרַע כֹּהֵן אוֹן.	וּלְיוֹסֵף אִתְיְלִידוּ תְּרֵין בְּנִין, עַד לָא עַאלַת שַׁתָּא דְּכַפְנָא, דִּילֵידַת לֵיהּ אָסְנַת, בַּת פּוֹטִי פֶרַע רַבָּא דְּאוֹן.
מא,נא וַיִּקְרָא יוֹסֵף אֶת-שֵׁם הַבְּכוֹר, מְנַשֶּׁה:  כִּי-נַשַּׁנִי אֱלֹהִים אֶת-כָּל-עֲמָלִי, וְאֵת כָּל-בֵּית אָבִי.	וּקְרָא יוֹסֵף יָת שׁוֹם בֻּכְרָא, מְנַשֶּׁה:  אֲרֵי אַנְשְׁיַנִי יְיָ יָת כָּל עַמְלִי, וְיָת כָּל בֵּית אַבָּא.
מא,נב וְאֵת שֵׁם הַשֵּׁנִי, קָרָא אֶפְרָיִם:  כִּי-הִפְרַנִי אֱלֹהִים, בְּאֶרֶץ עָנְיִי.	וְיָת שׁוֹם תִּנְיָנָא, קְרָא אֶפְרָיִם:  אֲרֵי אַפְּשַׁנִי יְיָ, בַּאֲרַע שִׁעְבּוּדִי.
מא,נג וַתִּכְלֶינָה, שֶׁבַע שְׁנֵי הַשָּׂבָע, אֲשֶׁר הָיָה, בְּאֶרֶץ מִצְרָיִם.	וּשְׁלִימָא, שְׁבַע שְׁנֵי סִבְעָא, דַּהֲוַאָה, בְּאַרְעָא דְּמִצְרָיִם.
מא,נד וַתְּחִלֶּינָה שֶׁבַע שְׁנֵי הָרָעָב, לָבוֹא, כַּאֲשֶׁר, אָמַר יוֹסֵף; וַיְהִי רָעָב בְּכָל-הָאֲרָצוֹת, וּבְכָל-אֶרֶץ מִצְרַיִם הָיָה לָחֶם.	וְשָׁרִיאָה שְׁבַע שְׁנֵי כַּפְנָא, לְמֵיתֵי--כְּמָא דַּאֲמַר יוֹסֵף; וַהֲוָה כַּפְנָא בְּכָל אַרְעָתָא, וּבְכָל אַרְעָא דְּמִצְרַיִם הֲוָה לַחְמָא.
מא,נה וַתִּרְעַב כָּל-אֶרֶץ מִצְרַיִם, וַיִּצְעַק הָעָם אֶל-פַּרְעֹה לַלָּחֶם; וַיֹּאמֶר פַּרְעֹה לְכָל-מִצְרַיִם לְכוּ אֶל-יוֹסֵף, אֲשֶׁר-יֹאמַר לָכֶם תַּעֲשׂוּ.	וּכְפֵינַת כָּל אַרְעָא דְּמִצְרַיִם, וּצְוַח עַמָּא קֳדָם פַּרְעֹה עַל לַחְמָא; וַאֲמַר פַּרְעֹה לְכָל מִצְרָאֵי אִיזִילוּ לְוָת יוֹסֵף, דְּיֵימַר לְכוֹן תַּעְבְּדוּן.
מא,נו וְהָרָעָב הָיָה, עַל כָּל-פְּנֵי הָאָרֶץ; וַיִּפְתַּח יוֹסֵף אֶת-כָּל-אֲשֶׁר בָּהֶם, וַיִּשְׁבֹּר לְמִצְרַיִם, וַיֶּחֱזַק הָרָעָב, בְּאֶרֶץ מִצְרָיִם.	וְכַפְנָא הֲוָה, עַל כָּל אַפֵּי אַרְעָא; וּפְתַח יוֹסֵף יָת כָּל אוֹצְרַיָּא דִּבְהוֹן עֲבוּרָא, וְזַבֵּין לְמִצְרָאֵי, וּתְקֵיף כַּפְנָא, בְּאַרְעָא דְּמִצְרָיִם.
מא,נז וְכָל-הָאָרֶץ בָּאוּ מִצְרַיְמָה, לִשְׁבֹּר אֶל-יוֹסֵף:  כִּי-חָזַק הָרָעָב, בְּכָל-הָאָרֶץ.	וְכָל דָּיְרֵי אַרְעָא אֲתוֹ לְמִצְרַיִם, לְמִזְבַּן עֲבוּרָא מִן יוֹסֵף:  אֲרֵי תְּקֵיף כַּפְנָא, בְּכָל אַרְעָא.
מב,א וַיַּרְא יַעֲקֹב, כִּי יֶשׁ-שֶׁבֶר בְּמִצְרָיִם; וַיֹּאמֶר יַעֲקֹב לְבָנָיו, לָמָּה תִּתְרָאוּ.	וַחֲזָא יַעֲקוֹב, אֲרֵי אִית עֲבוּר מִזְדַּבַּן בְּמִצְרָיִם; וַאֲמַר יַעֲקוֹב לִבְנוֹהִי, לְמָא תִּתַּחְזוֹן.
מב,ב וַיֹּאמֶר--הִנֵּה שָׁמַעְתִּי, כִּי יֶשׁ-שֶׁבֶר בְּמִצְרָיִם; רְדוּ-שָׁמָּה וְשִׁבְרוּ-לָנוּ מִשָּׁם, וְנִחְיֶה וְלֹא נָמוּת.	וַאֲמַר--הָא שְׁמַעִית, אֲרֵי אִית עֲבוּר מִזְדַּבַּן בְּמִצְרָיִם; חוּתוּ לְתַמָּן וּזְבוּנוּ לַנָא מִתַּמָּן, וְנֵיחֵי וְלָא נְמוּת.
מב,ג וַיֵּרְדוּ אֲחֵי-יוֹסֵף, עֲשָׂרָה, לִשְׁבֹּר בָּר, מִמִּצְרָיִם.	וּנְחַתוּ אֲחֵי יוֹסֵף, עַסְרָא, לְמִזְבַּן עֲבוּרָא, מִמִּצְרָיִם.
מב,ד וְאֶת-בִּנְיָמִין אֲחִי יוֹסֵף, לֹא-שָׁלַח יַעֲקֹב אֶת-אֶחָיו:  כִּי אָמַר, פֶּן-יִקְרָאֶנּוּ אָסוֹן.	וְיָת בִּנְיָמִין אֲחוּהִי דְּיוֹסֵף, לָא שְׁלַח יַעֲקוֹב עִם אֲחוֹהִי:  אֲרֵי אֲמַר, דִּלְמָא יְעָרְעִנֵּיהּ מוֹתָא.
מב,ה וַיָּבֹאוּ בְּנֵי יִשְׂרָאֵל, לִשְׁבֹּר בְּתוֹךְ הַבָּאִים:  כִּי-הָיָה הָרָעָב, בְּאֶרֶץ כְּנָעַן.	וַאֲתוֹ בְּנֵי יִשְׂרָאֵל, לְמִזְבַּן עֲבוּרָא בְּגוֹ עָאלַיָּא:  אֲרֵי הֲוָה כַּפְנָא, בְּאַרְעָא דִּכְנָעַן.
מב,ו וְיוֹסֵף, הוּא הַשַּׁלִּיט עַל-הָאָרֶץ--הוּא הַמַּשְׁבִּיר, לְכָל-עַם הָאָרֶץ; וַיָּבֹאוּ אֲחֵי יוֹסֵף, וַיִּשְׁתַּחֲווּ-לוֹ אַפַּיִם אָרְצָה.	וְיוֹסֵף, הוּא דְּשַׁלִּיט עַל אַרְעָא--הוּא מְזַבֵּין עֲבוּרָא, לְכָל עַמָּא דְּאַרְעָא; וַאֲתוֹ אֲחֵי יוֹסֵף, וּסְגִידוּ לֵיהּ עַל אַפֵּיהוֹן עַל אַרְעָא.
מב,ז וַיַּרְא יוֹסֵף אֶת-אֶחָיו, וַיַּכִּרֵם; וַיִּתְנַכֵּר אֲלֵיהֶם וַיְדַבֵּר אִתָּם קָשׁוֹת, וַיֹּאמֶר אֲלֵהֶם מֵאַיִן בָּאתֶם, וַיֹּאמְרוּ, מֵאֶרֶץ כְּנַעַן לִשְׁבָּר-אֹכֶל.	וַחֲזָא יוֹסֵף יָת אֲחוֹהִי, וְאִשְׁתְּמוֹדְעִנּוּן; וְחַשֵּׁיב מָא דִּימַלֵּיל עִמְּהוֹן וּמַלֵּיל עִמְּהוֹן קַשְׁיָן, וַאֲמַר לְהוֹן מְנָן אֲתֵיתוֹן, וַאֲמַרוּ, מֵאַרְעָא דִּכְנַעַן לְמִזְבַּן עֲבוּרָא.
מב,ח וַיַּכֵּר יוֹסֵף, אֶת-אֶחָיו; וְהֵם, לֹא הִכִּרֻהוּ.	וְאִשְׁתְּמוֹדַע יוֹסֵף, יָת אֲחוֹהִי; וְאִנּוּן, לָא אִשְׁתְּמוֹדְעוּהִי.
מב,ט וַיִּזְכֹּר יוֹסֵף--אֵת הַחֲלֹמוֹת, אֲשֶׁר חָלַם לָהֶם; וַיֹּאמֶר אֲלֵהֶם מְרַגְּלִים אַתֶּם, לִרְאוֹת אֶת-עֶרְוַת הָאָרֶץ בָּאתֶם.	וְאִדְּכַר יוֹסֵף--יָת חֶלְמַיָּא, דַּהֲוָה חָלֵים לְהוֹן; וַאֲמַר לְהוֹן אַלִּילֵי אַתּוּן, לְמִחְזֵי יָת בִּדְקַהּ דְּאַרְעָא אֲתֵיתוֹן.
מב,י וַיֹּאמְרוּ אֵלָיו, לֹא אֲדֹנִי; וַעֲבָדֶיךָ בָּאוּ, לִשְׁבָּר-אֹכֶל.	וַאֲמַרוּ לֵיהּ, לָא רִבּוֹנִי; וְעַבְדָּךְ אֲתוֹ, לְמִזְבַּן עֲבוּרָא.
מב,יא כֻּלָּנוּ, בְּנֵי אִישׁ-אֶחָד נָחְנוּ; כֵּנִים אֲנַחְנוּ, לֹא-הָיוּ עֲבָדֶיךָ מְרַגְּלִים.	כֻּלַּנָא, בְּנֵי גֻּבְרָא חַד נַחְנָא; כֵּיוָנֵי אֲנַחְנָא, לָא הֲווֹ עַבְדָּךְ אַלִּילֵי.
מב,יב וַיֹּאמֶר, אֲלֵהֶם:  לֹא, כִּי-עֶרְוַת הָאָרֶץ בָּאתֶם לִרְאוֹת.	וַאֲמַר, לְהוֹן:  לָא, אֱלָהֵין בִּדְקַהּ דְּאַרְעָא אֲתֵיתוֹן לְמִחְזֵי.
מב,יג וַיֹּאמְרוּ, שְׁנֵים עָשָׂר עֲבָדֶיךָ אַחִים אֲנַחְנוּ בְּנֵי אִישׁ-אֶחָד--בְּאֶרֶץ כְּנָעַן; וְהִנֵּה הַקָּטֹן אֶת-אָבִינוּ הַיּוֹם, וְהָאֶחָד אֵינֶנּוּ.	וַאֲמַרוּ, תְּרֵי עֲסַר עַבְדָּךְ אַחִין אֲנַחְנָא בְּנֵי גֻּבְרָא חַד--בְּאַרְעָא דִּכְנָעַן; וְהָא זְעֵירָא עִם אֲבוּנָא יוֹמָא דֵּין, וְחַד לָיְתוֹהִי.
מב,יד וַיֹּאמֶר אֲלֵהֶם, יוֹסֵף:  הוּא, אֲשֶׁר דִּבַּרְתִּי אֲלֵכֶם לֵאמֹר--מְרַגְּלִים אַתֶּם.	וַאֲמַר לְהוֹן, יוֹסֵף:  הוּא, דְּמַלֵּילִית עִמְּכוֹן לְמֵימַר--אַלִּילֵי אַתּוּן.
מב,טו בְּזֹאת, תִּבָּחֵנוּ:  חֵי פַרְעֹה אִם-תֵּצְאוּ מִזֶּה, כִּי אִם-בְּבוֹא אֲחִיכֶם הַקָּטֹן הֵנָּה.	בְּדָא, תִּתְבַּחְרוּן:  חַיֵּי פַּרְעֹה אִם תִּפְּקוּן מִכָּא, אֱלָהֵין בְּמֵיתֵי אֲחוּכוֹן זְעֵירָא הָלְכָא.
מב,טז שִׁלְחוּ מִכֶּם אֶחָד, וְיִקַּח אֶת-אֲחִיכֶם, וְאַתֶּם הֵאָסְרוּ, וְיִבָּחֲנוּ דִּבְרֵיכֶם הַאֱמֶת אִתְּכֶם; וְאִם-לֹא--חֵי פַרְעֹה, כִּי מְרַגְּלִים אַתֶּם.	שְׁלַחוּ מִנְּכוֹן חַד, וְיִדְבַּר יָת אֲחוּכוֹן, וְאַתּוּן תִּתְאַסְרוּן, וְיִתְבַּחְרוּן פִּתְגָמֵיכוֹן הַקְשׁוֹט אַתּוּן אָמְרִין; וְאִם לָא--חַיֵּי פַּרְעֹה, אֲרֵי אַלִּילֵי אַתּוּן.
מב,יז וַיֶּאֱסֹף אֹתָם אֶל-מִשְׁמָר, שְׁלֹשֶׁת יָמִים.	וּכְנַשׁ יָתְהוֹן לְבֵית מַטְּרָא, תְּלָתָא יוֹמִין.
מב,יח וַיֹּאמֶר אֲלֵהֶם יוֹסֵף בַּיּוֹם הַשְּׁלִישִׁי, זֹאת עֲשׂוּ וִחְיוּ; אֶת-הָאֱלֹהִים, אֲנִי יָרֵא.	וַאֲמַר לְהוֹן יוֹסֵף בְּיוֹמָא תְּלִיתָאָה, דָּא עֲבִידוּ וְאִתְקַיַּמוּ; מִן קֳדָם יְיָ, אֲנָא דָּחֵיל.
מב,יט אִם-כֵּנִים אַתֶּם--אֲחִיכֶם אֶחָד, יֵאָסֵר בְּבֵית מִשְׁמַרְכֶם; וְאַתֶּם לְכוּ הָבִיאוּ, שֶׁבֶר רַעֲבוֹן בָּתֵּיכֶם.	אִם כֵּיוָנֵי אַתּוּן--אֲחוּכוֹן חַד, יִתְאֲסַר בְּבֵית מַטַּרְתְּכוֹן; וְאַתּוּן אִיזִילוּ אוֹבִילוּ, עֲבוּרָא דְּחַסִּיר בְּבָתֵּיכוֹן.
מב,כ וְאֶת-אֲחִיכֶם הַקָּטֹן תָּבִיאוּ אֵלַי, וְיֵאָמְנוּ דִבְרֵיכֶם וְלֹא תָמוּתוּ; וַיַּעֲשׂוּ-כֵן.	וְיָת אֲחוּכוֹן זְעֵירָא תַּיְתוֹן לְוָתִי, וְיִתְהָמְנוּן פִּתְגָמֵיכוֹן וְלָא תְּמוּתוּן; וַעֲבַדוּ כֵּין.
מב,כא וַיֹּאמְרוּ אִישׁ אֶל-אָחִיו, אֲבָל אֲשֵׁמִים אֲנַחְנוּ עַל-אָחִינוּ, אֲשֶׁר רָאִינוּ צָרַת נַפְשׁוֹ בְּהִתְחַנְנוֹ אֵלֵינוּ, וְלֹא שָׁמָעְנוּ; עַל-כֵּן בָּאָה אֵלֵינוּ, הַצָּרָה הַזֹּאת.	וַאֲמַרוּ גְּבַר לַאֲחוּהִי, בְּקֻשְׁטָא חַיָּבִין אֲנַחְנָא עַל אֲחוּנָא, דַּחֲזֵינָא בְּעָקַת נַפְשֵׁיהּ כַּד הֲוָה מִתְחַנַּן לַנָא, וְלָא קַבֵּילְנָא מִנֵּיהּ; עַל כֵּין אֲתָת לַנָא, עָקְתָא הָדָא.
מב,כב וַיַּעַן רְאוּבֵן אֹתָם לֵאמֹר, הֲלוֹא אָמַרְתִּי אֲלֵיכֶם לֵאמֹר אַל-תֶּחֶטְאוּ בַיֶּלֶד--וְלֹא שְׁמַעְתֶּם; וְגַם-דָּמוֹ, הִנֵּה נִדְרָשׁ.	וַאֲתֵיב רְאוּבֵן יָתְהוֹן לְמֵימַר, הֲלָא אֲמַרִית לְכוֹן לְמֵימַר לָא תִּחְטוֹן בְּעוּלֵימָא--וְלָא קַבֵּילְתּוּן; וְאַף דְּמֵיהּ, הָא מִתְבְּעֵי.
מב,כג וְהֵם לֹא יָדְעוּ, כִּי שֹׁמֵעַ יוֹסֵף:  כִּי הַמֵּלִיץ, בֵּינֹתָם.	וְאִנּוּן לָא יָדְעִין, אֲרֵי שָׁמִיעַ יוֹסֵף:  אֲרֵי מְתֻרְגְּמָן, הֲוָה בֵּינֵיהוֹן.
מב,כד וַיִּסֹּב מֵעֲלֵיהֶם, וַיֵּבְךְּ; וַיָּשָׁב אֲלֵהֶם, וַיְדַבֵּר אֲלֵהֶם, וַיִּקַּח מֵאִתָּם אֶת-שִׁמְעוֹן, וַיֶּאֱסֹר אֹתוֹ לְעֵינֵיהֶם.	וְאִסְתְּחַר מִלְּוָתְהוֹן, וּבְכָא; וְתָב לְוָתְהוֹן, וּמַלֵּיל עִמְּהוֹן, וּדְבַר מִלְּוָתְהוֹן יָת שִׁמְעוֹן, וַאֲסַר יָתֵיהּ לְעֵינֵיהוֹן.
מב,כה וַיְצַו יוֹסֵף, וַיְמַלְאוּ אֶת-כְּלֵיהֶם בָּר, וּלְהָשִׁיב כַּסְפֵּיהֶם אִישׁ אֶל-שַׂקּוֹ, וְלָתֵת לָהֶם צֵדָה לַדָּרֶךְ; וַיַּעַשׂ לָהֶם, כֵּן.	וּפַקֵּיד יוֹסֵף, וּמְלוֹ יָת מָנֵיהוֹן עֲבוּרָא, וּלְאָתָבָא כַּסְפֵּיהוֹן גְּבַר לְסַקֵּיהּ, וּלְמִתַּן לְהוֹן זְוָדִין לְאוֹרְחָא; וַעֲבַד לְהוֹן, כֵּין.
מב,כו וַיִּשְׂאוּ אֶת-שִׁבְרָם, עַל-חֲמֹרֵיהֶם; וַיֵּלְכוּ, מִשָּׁם.	וּנְטַלוּ יָת עֲבוּרְהוֹן, עַל חֲמָרֵיהוֹן; וַאֲזַלוּ, מִתַּמָּן.
מב,כז וַיִּפְתַּח הָאֶחָד אֶת-שַׂקּוֹ, לָתֵת מִסְפּוֹא לַחֲמֹרוֹ--בַּמָּלוֹן; וַיַּרְא, אֶת-כַּסְפּוֹ, וְהִנֵּה-הוּא, בְּפִי אַמְתַּחְתּוֹ.	וּפְתַח חַד יָת סַקֵּיהּ, לְמִתַּן כִּסְּתָא לִחְמָרֵיהּ--בְּבֵית מְבָתָא; וַחֲזָא, יָת כַּסְפֵּיהּ, וְהָא הוּא, בְּפֹם טֻעְנֵיהּ.
מב,כח וַיֹּאמֶר אֶל-אֶחָיו הוּשַׁב כַּסְפִּי, וְגַם הִנֵּה בְאַמְתַּחְתִּי; וַיֵּצֵא לִבָּם, וַיֶּחֶרְדוּ אִישׁ אֶל-אָחִיו לֵאמֹר, מַה-זֹּאת עָשָׂה אֱלֹהִים, לָנוּ.	וַאֲמַר לַאֲחוֹהִי אִתָּתַב כַּסְפִּי, וְאַף הָא בְּטֻעְנִי; וּנְפַק מַדַּע לִבְּהוֹן, וּתְוַהוּ גְּבַר בַּאֲחוּהִי לְמֵימַר, מָא דָּא עֲבַד יְיָ, לַנָא.
מב,כט וַיָּבֹאוּ אֶל-יַעֲקֹב אֲבִיהֶם, אַרְצָה כְּנָעַן; וַיַּגִּידוּ לוֹ, אֵת כָּל-הַקֹּרֹת אֹתָם לֵאמֹר.	וַאֲתוֹ לְוָת יַעֲקוֹב אֲבוּהוֹן, לְאַרְעָא דִּכְנָעַן; וְחַוִּיאוּ לֵיהּ, יָת כָּל דְּעָרַעָא יָתְהוֹן לְמֵימַר.
מב,ל דִּבֶּר הָאִישׁ אֲדֹנֵי הָאָרֶץ, אִתָּנוּ--קָשׁוֹת; וַיִּתֵּן אֹתָנוּ, כִּמְרַגְּלִים אֶת-הָאָרֶץ.	מַלֵּיל גֻּבְרָא רִבּוֹנַהּ דְּאַרְעָא, עִמַּנָא--קַשְׁיָן; וִיהַב יָתַנָא, כִּמְאַלְּלֵי אַרְעָא.
מב,לא וַנֹּאמֶר אֵלָיו, כֵּנִים אֲנָחְנוּ:  לֹא הָיִינוּ, מְרַגְּלִים.	וַאֲמַרְנָא לֵיהּ, כֵּיוָנֵי אֲנַחְנָא:  לָא הֲוֵינָא, אַלִּילֵי.
מב,לב שְׁנֵים-עָשָׂר אֲנַחְנוּ אַחִים, בְּנֵי אָבִינוּ; הָאֶחָד אֵינֶנּוּ, וְהַקָּטֹן הַיּוֹם אֶת-אָבִינוּ בְּאֶרֶץ כְּנָעַן.	תְּרֵי עֲסַר אֲנַחְנָא אַחִין, בְּנֵי אֲבוּנָא; חַד לָיְתוֹהִי, וּזְעֵירָא יוֹמָא דֵּין עִם אֲבוּנָא בְּאַרְעָא דִּכְנָעַן.
מב,לג וַיֹּאמֶר אֵלֵינוּ, הָאִישׁ אֲדֹנֵי הָאָרֶץ, בְּזֹאת אֵדַע, כִּי כֵנִים אַתֶּם:  אֲחִיכֶם הָאֶחָד הַנִּיחוּ אִתִּי, וְאֶת-רַעֲבוֹן בָּתֵּיכֶם קְחוּ וָלֵכוּ.	וַאֲמַר לַנָא, גֻּבְרָא רִבּוֹנַהּ דְּאַרְעָא, בְּדָא אֶדַּע, אֲרֵי כֵּיוָנֵי אַתּוּן:  אֲחוּכוֹן חַד שְׁבוּקוּ לְוָתִי, וְיָת עֲבוּרָא דְּחַסִּיר בְּבָתֵּיכוֹן סַבוּ וְאִיזִילוּ.
מב,לד וְהָבִיאוּ אֶת-אֲחִיכֶם הַקָּטֹן, אֵלַי, וְאֵדְעָה כִּי לֹא מְרַגְּלִים אַתֶּם, כִּי כֵנִים אַתֶּם; אֶת-אֲחִיכֶם אֶתֵּן לָכֶם, וְאֶת-הָאָרֶץ תִּסְחָרוּ.	וְאֵיתוֹ יָת אֲחוּכוֹן זְעֵירָא, לְוָתִי, וְאֶדַּע אֲרֵי לָא אַלִּילֵי אַתּוּן, אֲרֵי כֵּיוָנֵי אַתּוּן; יָת אֲחוּכוֹן אֶתֵּין לְכוֹן, וְיָת אַרְעָא תַּעְבְּדוּן בַּהּ סְחוֹרְתָא.
מב,לה וַיְהִי, הֵם מְרִיקִים שַׂקֵּיהֶם, וְהִנֵּה-אִישׁ צְרוֹר-כַּסְפּוֹ, בְּשַׂקּוֹ; וַיִּרְאוּ אֶת-צְרֹרוֹת כַּסְפֵּיהֶם, הֵמָּה וַאֲבִיהֶם--וַיִּירָאוּ.	וַהֲוָה, אִנּוּן מְרִיקִין סַקֵּיהוֹן, וְהָא גְּבַר צְרָר כַּסְפֵּיהּ, בְּסַקֵּיהּ; וַחֲזוֹ יָת צְרָרֵי כַּסְפֵּיהוֹן, אִנּוּן וַאֲבוּהוֹן--וּדְחִילוּ.
מב,לו וַיֹּאמֶר אֲלֵהֶם יַעֲקֹב אֲבִיהֶם, אֹתִי שִׁכַּלְתֶּם:  יוֹסֵף אֵינֶנּוּ, וְשִׁמְעוֹן אֵינֶנּוּ, וְאֶת-בִּנְיָמִן תִּקָּחוּ, עָלַי הָיוּ כֻלָּנָה.	וַאֲמַר לְהוֹן יַעֲקוֹב אֲבוּהוֹן, יָתִי אַתְכֵּילְתּוּן:  יוֹסֵף לָיְתוֹהִי, וְשִׁמְעוֹן לָא הֲוָה כָּא, וְיָת בִּנְיָמִין תִּדְבְּרוּן, עָלַי הֲוַאָה כֻּלְּהוֹן.
מב,לז וַיֹּאמֶר רְאוּבֵן, אֶל-אָבִיו לֵאמֹר, אֶת-שְׁנֵי בָנַי תָּמִית, אִם-לֹא אֲבִיאֶנּוּ אֵלֶיךָ; תְּנָה אֹתוֹ עַל-יָדִי, וַאֲנִי אֲשִׁיבֶנּוּ אֵלֶיךָ.	וַאֲמַר רְאוּבֵן, לַאֲבוּהִי לְמֵימַר, יָת תְּרֵין בְּנַי תְּמִית, אִם לָא אַיְתֵינֵיהּ לָךְ; הַב יָתֵיהּ עַל יְדִי, וַאֲנָא אֲתִיבִנֵּיהּ לָךְ.
מב,לח וַיֹּאמֶר, לֹא-יֵרֵד בְּנִי עִמָּכֶם:  כִּי-אָחִיו מֵת וְהוּא לְבַדּוֹ נִשְׁאָר, וּקְרָאָהוּ אָסוֹן בַּדֶּרֶךְ אֲשֶׁר תֵּלְכוּ-בָהּ, וְהוֹרַדְתֶּם אֶת-שֵׂיבָתִי בְּיָגוֹן, שְׁאוֹלָה.	וַאֲמַר, לָא יֵיחוֹת בְּרִי עִמְּכוֹן:  אֲרֵי אֲחוּהִי מִית וְהוּא בִּלְחוֹדוֹהִי אִשְׁתְּאַר, וִיעָרְעִנֵּיהּ מוֹתָא בְּאוֹרְחָא דִּתְהָכוּן בַּהּ, וְתַחֲתוּן יָת סֵיבְתִי בְּדָווֹנָא, לִשְׁאוֹל.
מג,א וְהָרָעָב, כָּבֵד בָּאָרֶץ.	וְכַפְנָא, תְּקֵיף בְּאַרְעָא.
מג,ב וַיְהִי, כַּאֲשֶׁר כִּלּוּ לֶאֱכֹל אֶת-הַשֶּׁבֶר, אֲשֶׁר הֵבִיאוּ, מִמִּצְרָיִם; וַיֹּאמֶר אֲלֵיהֶם אֲבִיהֶם, שֻׁבוּ שִׁבְרוּ-לָנוּ מְעַט-אֹכֶל.	וַהֲוָה, כַּד סְפִיקוּ לְמֵיכַל יָת עֲבוּרָא, דְּאֵיתִיאוּ, מִמִּצְרָיִם; וַאֲמַר לְהוֹן אֲבוּהוֹן, תּוּבוּ זְבוּנוּ לַנָא זְעֵיר עֲבוּרָא.
מג,ג וַיֹּאמֶר אֵלָיו יְהוּדָה, לֵאמֹר:  הָעֵד הֵעִד בָּנוּ הָאִישׁ לֵאמֹר לֹא-תִרְאוּ פָנַי, בִּלְתִּי אֲחִיכֶם אִתְּכֶם.	וַאֲמַר לֵיהּ יְהוּדָה, לְמֵימַר:  אַסְהָדָא אַסְהֵיד בַּנָא גֻּבְרָא לְמֵימַר לָא תִּחְזוֹן אַפַּי, אֱלָהֵין כַּד אֲחוּכוֹן עִמְּכוֹן.
מג,ד אִם-יֶשְׁךָ מְשַׁלֵּחַ אֶת-אָחִינוּ, אִתָּנוּ--נֵרְדָה, וְנִשְׁבְּרָה לְךָ אֹכֶל.	אִם אִיתָךְ מְשַׁלַּח יָת אֲחוּנָא, עִמַּנָא--נֵיחוֹת, וְנִזְבּוֹן לָךְ עֲבוּרָא.
מג,ה וְאִם-אֵינְךָ מְשַׁלֵּחַ, לֹא נֵרֵד:  כִּי-הָאִישׁ אָמַר אֵלֵינוּ, לֹא-תִרְאוּ פָנַי, בִּלְתִּי, אֲחִיכֶם אִתְּכֶם.	וְאִם לָיְתָךְ מְשַׁלַּח, לָא נֵיחוֹת:  אֲרֵי גֻּבְרָא אֲמַר לַנָא, לָא תִּחְזוֹן אַפַּי, אֱלָהֵין, כַּד אֲחוּכוֹן עִמְּכוֹן.
מג,ו וַיֹּאמֶר, יִשְׂרָאֵל, לָמָה הֲרֵעֹתֶם, לִי--לְהַגִּיד לָאִישׁ, הַעוֹד לָכֶם אָח.	וַאֲמַר, יִשְׂרָאֵל, לְמָא אַבְאֵישְׁתּוּן, לִי--לְחַוָּאָה לְגֻבְרָא, הַעוֹד לְכוֹן אֲחָא.
מג,ז וַיֹּאמְרוּ שָׁאוֹל שָׁאַל-הָאִישׁ לָנוּ וּלְמוֹלַדְתֵּנוּ לֵאמֹר, הַעוֹד אֲבִיכֶם חַי הֲיֵשׁ לָכֶם אָח, וַנַּגֶּד-לוֹ, עַל-פִּי הַדְּבָרִים הָאֵלֶּה; הֲיָדוֹעַ נֵדַע--כִּי יֹאמַר, הוֹרִידוּ אֶת-אֲחִיכֶם.	וַאֲמַרוּ שַׁאָלָא שַׁאֵיל גֻּבְרָא לַנָא וּלְיַלָּדוּתַנָא לְמֵימַר, הַעַד כְּעַן אֲבוּכוֹן קַיָּם הַאִית לְכוֹן אֲחָא, וְחַוִּינָא לֵיהּ, עַל מֵימַר פִּתְגָמַיָּא הָאִלֵּין; הֲמֵידָע הֲוֵינָא יָדְעִין--אֲרֵי יֵימַר, אַחִיתוּ יָת אֲחוּכוֹן.
מג,ח וַיֹּאמֶר יְהוּדָה אֶל-יִשְׂרָאֵל אָבִיו, שִׁלְחָה הַנַּעַר אִתִּי--וְנָקוּמָה וְנֵלֵכָה; וְנִחְיֶה וְלֹא נָמוּת, גַּם-אֲנַחְנוּ גַם-אַתָּה גַּם-טַפֵּנוּ.	וַאֲמַר יְהוּדָה לְיִשְׂרָאֵל אֲבוּהִי, שְׁלַח עוּלֵימָא עִמִּי--וּנְקוּם וְנֵיזֵיל; וְנֵיחֵי וְלָא נְמוּת, אַף אֲנַחְנָא אַף אַתְּ אַף טַפְלַנָא.
מג,ט אָנֹכִי, אֶעֶרְבֶנּוּ--מִיָּדִי, תְּבַקְשֶׁנּוּ:  אִם-לֹא הֲבִיאֹתִיו אֵלֶיךָ וְהִצַּגְתִּיו לְפָנֶיךָ, וְחָטָאתִי לְךָ כָּל-הַיָּמִים.	אֲנָא, מְעָרַבְנָא בֵּיהּ--מִן יְדִי, תִּבְעֵינֵיהּ:  אִם לָא אַיְתֵינֵיהּ לָךְ וַאֲקִימִנֵּיהּ קֳדָמָךְ, וְאֵיהֵי חָטֵי לָךְ כָּל יוֹמַיָּא.
מג,י כִּי, לוּלֵא הִתְמַהְמָהְנוּ--כִּי-עַתָּה שַׁבְנוּ, זֶה פַעֲמָיִם.	אֲרֵי, אִלּוּ לָא פּוֹן בְּדָא אִתְעַכַּבְנָא--אֲרֵי כְּעַן תַּבְנָא, דְּנָן תַּרְתֵּין זִמְנִין.
מג,יא וַיֹּאמֶר אֲלֵהֶם יִשְׂרָאֵל אֲבִיהֶם, אִם-כֵּן אֵפוֹא זֹאת עֲשׂוּ--קְחוּ מִזִּמְרַת הָאָרֶץ בִּכְלֵיכֶם, וְהוֹרִידוּ לָאִישׁ מִנְחָה:  מְעַט צֳרִי, וּמְעַט דְּבַשׁ, נְכֹאת וָלֹט, בָּטְנִים וּשְׁקֵדִים.	וַאֲמַר לְהוֹן יִשְׂרָאֵל אֲבוּהוֹן, אִם כֵּין הוּא דָּא עֲבִידוּ--סַבוּ מִדִּמְשֻׁבַּח בְּאַרְעָא בְּמָנֵיכוֹן, וַאֲחִיתוּ לְגֻבְרָא תִּקְרֻבְתָּא:  זְעֵיר קְטַף, וּזְעֵיר דְּבַשׁ, שְׁעַף וּלְטוֹם, בֻּטְמִין וְשִׁגְדִּין.
מג,יב וְכֶסֶף מִשְׁנֶה, קְחוּ בְיֶדְכֶם; וְאֶת-הַכֶּסֶף הַמּוּשָׁב בְּפִי אַמְתְּחֹתֵיכֶם, תָּשִׁיבוּ בְיֶדְכֶם--אוּלַי מִשְׁגֶּה, הוּא.	וְכַסְפָּא עַל חַד תְּרֵין, סַבוּ בְּיַדְכוֹן; וְיָת כַּסְפָּא דְּאִתָּתַב בְּפֹם טֻעְנֵיכוֹן, תָּתִיבוּן בְּיַדְכוֹן--דִּלְמָא שָׁלוּ, הֲוָת.
מג,יג וְאֶת-אֲחִיכֶם, קָחוּ; וְקוּמוּ, שׁוּבוּ אֶל-הָאִישׁ.	וְיָת אֲחוּכוֹן, דְּבַרוּ; וְקוּמוּ, תּוּבוּ לְוָת גֻּבְרָא.
מג,יד וְאֵל שַׁדַּי, יִתֵּן לָכֶם רַחֲמִים לִפְנֵי הָאִישׁ, וְשִׁלַּח לָכֶם אֶת-אֲחִיכֶם אַחֵר, וְאֶת-בִּנְיָמִין; וַאֲנִי, כַּאֲשֶׁר שָׁכֹלְתִּי שָׁכָלְתִּי.	וְאֵל שַׁדַּי, יִתֵּין לְכוֹן רַחֲמִין קֳדָם גֻּבְרָא, וְיִפְטַר לְכוֹן יָת אֲחוּכוֹן אֻחְרָנָא, וְיָת בִּנְיָמִין; וַאֲנָא, כְּמָא דִּתְכֵילִית תְּכֵילִית.
מג,טו וַיִּקְחוּ הָאֲנָשִׁים אֶת-הַמִּנְחָה הַזֹּאת, וּמִשְׁנֶה-כֶּסֶף לָקְחוּ בְיָדָם וְאֶת-בִּנְיָמִן; וַיָּקֻמוּ וַיֵּרְדוּ מִצְרַיִם, וַיַּעַמְדוּ לִפְנֵי יוֹסֵף.	וּנְסִיבוּ גֻּבְרַיָּא יָת תִּקְרֻבְתָּא הָדָא, וְעַל חַד תְּרֵין כַּסְפָּא נְסִיבוּ בְּיַדְהוֹן וּדְבַרוּ יָת בִּנְיָמִין; וְקָמוּ וּנְחַתוּ לְמִצְרַיִם, וְקָמוּ קֳדָם יוֹסֵף.
מג,טז וַיַּרְא יוֹסֵף אִתָּם, אֶת-בִּנְיָמִין, וַיֹּאמֶר לַאֲשֶׁר עַל-בֵּיתוֹ, הָבֵא אֶת-הָאֲנָשִׁים הַבָּיְתָה; וּטְבֹחַ טֶבַח וְהָכֵן, כִּי אִתִּי יֹאכְלוּ הָאֲנָשִׁים בַּצָּהֳרָיִם.	וַחֲזָא יוֹסֵף עִמְּהוֹן, יָת בִּנְיָמִין, וַאֲמַר לְדִמְמֻנַּא עַל בֵּיתֵיהּ, אַעֵיל יָת גֻּבְרַיָּא לְבֵיתָא; וְכוֹס נִכְסְתָא וְאַתְקֵין, אֲרֵי עִמִּי אָכְלִין גֻּבְרַיָּא בְּשֵׁירוּתָא.
מג,יז וַיַּעַשׂ הָאִישׁ, כַּאֲשֶׁר אָמַר יוֹסֵף; וַיָּבֵא הָאִישׁ אֶת-הָאֲנָשִׁים, בֵּיתָה יוֹסֵף.	וַעֲבַד גֻּבְרָא, כְּמָא דַּאֲמַר יוֹסֵף; וְאַעֵיל גֻּבְרָא יָת גֻּבְרַיָּא, לְבֵית יוֹסֵף.
מג,יח וַיִּירְאוּ הָאֲנָשִׁים, כִּי הוּבְאוּ בֵּית יוֹסֵף, וַיֹּאמְרוּ עַל-דְּבַר הַכֶּסֶף הַשָּׁב בְּאַמְתְּחֹתֵינוּ בַּתְּחִלָּה, אֲנַחְנוּ מוּבָאִים--לְהִתְגֹּלֵל עָלֵינוּ וּלְהִתְנַפֵּל עָלֵינוּ, וְלָקַחַת אֹתָנוּ לַעֲבָדִים וְאֶת-חֲמֹרֵינוּ.	וּדְחִילוּ גֻּבְרַיָּא, אֲרֵי אִתָּעֲלוּ לְבֵית יוֹסֵף, וַאֲמַרוּ עַל עֵיסַק כַּסְפָּא דְּאִתָּתַב בְּטֻעְנַנָא בְּקַדְמֵיתָא, אֲנַחְנָא מִתָּעֲלִין--לְאִתְרַבְרָבָא עֲלַנָא וּלְאִסְתַּקָּפָא עֲלַנָא, וּלְמִקְנֵי יָתַנָא לְעַבְדִּין וּלְמִדְבַּר יָת חֲמָרַנָא.
מג,יט וַיִּגְּשׁוּ, אֶל-הָאִישׁ, אֲשֶׁר, עַל-בֵּית יוֹסֵף; וַיְדַבְּרוּ אֵלָיו, פֶּתַח הַבָּיִת.	וּקְרִיבוּ, לְוָת גֻּבְרָא, דִּמְמֻנַּא, עַל בֵּית יוֹסֵף; וּמַלִּילוּ עִמֵּיהּ, בִּתְרַע בֵּיתָא.
מג,כ וַיֹּאמְרוּ, בִּי אֲדֹנִי; יָרֹד יָרַדְנוּ בַּתְּחִלָּה, לִשְׁבָּר-אֹכֶל.	וַאֲמַרוּ, בְּבָעוּ רִבּוֹנִי; מֵיחָת נְחַתְנָא בְּקַדְמֵיתָא, לְמִזְבַּן עֲבוּרָא.
מג,כא וַיְהִי כִּי-בָאנוּ אֶל-הַמָּלוֹן, וַנִּפְתְּחָה אֶת-אַמְתְּחֹתֵינוּ, וְהִנֵּה כֶסֶף-אִישׁ בְּפִי אַמְתַּחְתּוֹ, כַּסְפֵּנוּ בְּמִשְׁקָלוֹ; וַנָּשֶׁב אֹתוֹ, בְּיָדֵנוּ.	וַהֲוָה כַּד אֲתֵינָא לְבֵית מְבָתָא, וּפְתַחְנָא יָת טֻעְנַנָא, וְהָא כְּסַף גְּבַר בְּפֹם טֻעְנֵיהּ, כַּסְפַּנָא בְּמַתְקָלֵיהּ; וַאֲתֵיבְנָא יָתֵיהּ, בִּידַנָא.
מג,כב וְכֶסֶף אַחֵר הוֹרַדְנוּ בְיָדֵנוּ, לִשְׁבָּר-אֹכֶל; לֹא יָדַעְנוּ, מִי-שָׂם כַּסְפֵּנוּ בְּאַמְתְּחֹתֵינוּ.	וְכַסְפָּא אֻחְרָנָא אַחֵיתְנָא בִּידַנָא, לְמִזְבַּן עֲבוּרָא; לָא יְדַעְנָא, מַאן שַׁוִּי כַּסְפַּנָא בְּטֻעְנַנָא.
מג,כג וַיֹּאמֶר שָׁלוֹם לָכֶם אַל-תִּירָאוּ, אֱלֹהֵיכֶם וֵאלֹהֵי אֲבִיכֶם נָתַן לָכֶם מַטְמוֹן בְּאַמְתְּחֹתֵיכֶם--כַּסְפְּכֶם, בָּא אֵלָי; וַיּוֹצֵא אֲלֵהֶם, אֶת-שִׁמְעוֹן.	וַאֲמַר שְׁלָם לְכוֹן לָא תִּדְחֲלוּן, אֱלָהֲכוֹן וֵאלָהָא דַּאֲבוּכוֹן יְהַב לְכוֹן סִימָן בְּטֻעְנֵיכוֹן--כַּסְפְּכוֹן, אֲתָא לְוָתִי; וְאַפֵּיק לְוָתְהוֹן, יָת שִׁמְעוֹן.
מג,כד וַיָּבֵא הָאִישׁ אֶת-הָאֲנָשִׁים, בֵּיתָה יוֹסֵף; וַיִּתֶּן-מַיִם וַיִּרְחֲצוּ רַגְלֵיהֶם, וַיִּתֵּן מִסְפּוֹא לַחֲמֹרֵיהֶם.	וְאַעֵיל גֻּבְרָא יָת גֻּבְרַיָּא, לְבֵית יוֹסֵף; וִיהַב מַיָּא וְאַסְחוֹ רַגְלֵיהוֹן, וִיהַב כִּסְּתָא לִחְמָרֵיהוֹן.
מג,כה וַיָּכִינוּ, אֶת-הַמִּנְחָה, עַד-בּוֹא יוֹסֵף, בַּצָּהֳרָיִם:  כִּי שָׁמְעוּ, כִּי-שָׁם יֹאכְלוּ לָחֶם.	וְאַתְקִינוּ, יָת תִּקְרֻבְתָּא, עַד דְּעָאל יוֹסֵף, בְּשֵׁירוּתָא:  אֲרֵי שְׁמַעוּ, אֲרֵי תַּמָּן אָכְלִין לַחְמָא.
מג,כו וַיָּבֹא יוֹסֵף הַבַּיְתָה, וַיָּבִיאּוּ לוֹ אֶת-הַמִּנְחָה אֲשֶׁר-בְּיָדָם הַבָּיְתָה; וַיִּשְׁתַּחֲווּ-לוֹ, אָרְצָה.	וְעָאל יוֹסֵף לְבֵיתָא, וְאַעִילוּ לֵיהּ יָת תִּקְרֻבְתָּא דִּבְיַדְהוֹן לְבֵיתָא; וּסְגִידוּ לֵיהּ, עַל אַרְעָא.
מג,כז וַיִּשְׁאַל לָהֶם, לְשָׁלוֹם, וַיֹּאמֶר הֲשָׁלוֹם אֲבִיכֶם הַזָּקֵן, אֲשֶׁר אֲמַרְתֶּם--הַעוֹדֶנּוּ, חָי.	וּשְׁאֵיל לְהוֹן, לִשְׁלָם, וַאֲמַר הַשְׁלָם אֲבוּכוֹן סָבָא, דַּאֲמַרְתּוּן--הַעַד כְּעַן, קַיָּם.
מג,כח וַיֹּאמְרוּ, שָׁלוֹם לְעַבְדְּךָ לְאָבִינוּ--עוֹדֶנּוּ חָי; וַיִּקְּדוּ, וישתחו (וַיִּשְׁתַּחֲווּ).	וַאֲמַרוּ, שְׁלָם לְעַבְדָּךְ לַאֲבוּנָא--עַד כְּעַן קַיָּם; וּכְרַעוּ, וּסְגִידוּ.
מג,כט וַיִּשָּׂא עֵינָיו, וַיַּרְא אֶת-בִּנְיָמִין אָחִיו בֶּן-אִמּוֹ, וַיֹּאמֶר הֲזֶה אֲחִיכֶם הַקָּטֹן, אֲשֶׁר אֲמַרְתֶּם אֵלָי; וַיֹּאמַר, אֱלֹהִים יָחְנְךָ בְּנִי.	וּזְקַף עֵינוֹהִי, וַחֲזָא יָת בִּנְיָמִין אֲחוּהִי בַּר אִמֵּיהּ, וַאֲמַר הֲדֵין אֲחוּכוֹן זְעֵירָא, דַּאֲמַרְתּוּן לִי; וַאֲמַר, מִן קֳדָם יְיָ יִתְרַחַם עֲלָךְ בְּרִי.
מג,ל וַיְמַהֵר יוֹסֵף, כִּי-נִכְמְרוּ רַחֲמָיו אֶל-אָחִיו, וַיְבַקֵּשׁ, לִבְכּוֹת; וַיָּבֹא הַחַדְרָה, וַיֵּבְךְּ שָׁמָּה.	וְאוֹחִי יוֹסֵף, אֲרֵי אִתְגּוֹלַלוּ רַחֲמוֹהִי עַל אֲחוּהִי, וּבְעָא, לְמִבְכֵּי; וְעָאל לְאִדְּרוֹן בֵּית מִשְׁכְּבָא, וּבְכָא תַּמָּן.
מג,לא וַיִּרְחַץ פָּנָיו, וַיֵּצֵא; וַיִּתְאַפַּק--וַיֹּאמֶר, שִׂימוּ לָחֶם.	וְאַסְחִי אַפּוֹהִי, וּנְפַק; וְאִתְחַסַּן--וַאֲמַר, שַׁוּוֹ לַחְמָא.
מג,לב וַיָּשִׂימוּ לוֹ לְבַדּוֹ, וְלָהֶם לְבַדָּם; וְלַמִּצְרִים הָאֹכְלִים אִתּוֹ, לְבַדָּם--כִּי לֹא יוּכְלוּן הַמִּצְרִים לֶאֱכֹל אֶת-הָעִבְרִים לֶחֶם, כִּי-תוֹעֵבָה הִוא לְמִצְרָיִם.	וְשַׁוִּיאוּ לֵיהּ בִּלְחוֹדוֹהִי, וּלְהוֹן בִּלְחוֹדֵיהוֹן; וּלְמִצְרָאֵי דְּאָכְלִין עִמֵּיהּ, בִּלְחוֹדֵיהוֹן--אֲרֵי לָא יָכְלִין מִצְרָאֵי לְמֵיכַל עִם עִבְרָאֵי לַחְמָא, אֲרֵי בְּעִירָא דְּמִצְרָאֵי דָּחֲלִין לֵיהּ עִבְרָאֵי אָכְלִין.
מג,לג וַיֵּשְׁבוּ לְפָנָיו--הַבְּכֹר כִּבְכֹרָתוֹ, וְהַצָּעִיר כִּצְעִרָתוֹ; וַיִּתְמְהוּ הָאֲנָשִׁים, אִישׁ אֶל-רֵעֵהוּ.	וְאַסְחַרוּ קֳדָמוֹהִי--רַבָּא כְּרַבְיוּתֵיהּ, וּזְעֵירָא כִּזְעֵירוּתֵיהּ; וּתְוַהוּ גֻּבְרַיָּא, גְּבַר בְּחַבְרֵיהּ.
מג,לד וַיִּשָּׂא מַשְׂאֹת מֵאֵת פָּנָיו, אֲלֵהֶם, וַתֵּרֶב מַשְׂאַת בִּנְיָמִן מִמַּשְׂאֹת כֻּלָּם, חָמֵשׁ יָדוֹת; וַיִּשְׁתּוּ וַיִּשְׁכְּרוּ, עִמּוֹ.	וּנְטַל חוּלָקִין מִן קֳדָמוֹהִי, לִקְדָמֵיהוֹן, וּסְגִי חוּלָקָא דְּבִנְיָמִין מֵחוּלָקֵי כֻּלְּהוֹן, חַמְשָׁא חוּלָקִין; וּשְׁתִיאוּ וּרְוִיאוּ, עִמֵּיהּ.
מד,א וַיְצַו אֶת-אֲשֶׁר עַל-בֵּיתוֹ, לֵאמֹר, מַלֵּא אֶת-אַמְתְּחֹת הָאֲנָשִׁים אֹכֶל, כַּאֲשֶׁר יוּכְלוּן שְׂאֵת; וְשִׂים כֶּסֶף-אִישׁ, בְּפִי אַמְתַּחְתּוֹ.	וּפַקֵּיד יָת דִּמְמֻנַּא עַל בֵּיתֵיהּ, לְמֵימַר, מַלִּי יָת טֻעְנֵי גֻּבְרַיָּא עֲבוּרָא, כְּמָא דְּיָכְלִין לְמִטְעַן; וְשַׁו כְּסַף גְּבַר, בְּפֹם טֻעְנֵיהּ.
מד,ב וְאֶת-גְּבִיעִי גְּבִיעַ הַכֶּסֶף, תָּשִׂים בְּפִי אַמְתַּחַת הַקָּטֹן, וְאֵת, כֶּסֶף שִׁבְרוֹ; וַיַּעַשׂ, כִּדְבַר יוֹסֵף אֲשֶׁר דִּבֵּר.	וְיָת כַּלִּידִי כַּלִּידָא דְּכַסְפָּא, תְּשַׁוֵּי בְּפֹם טֻעְנָא דִּזְעֵירָא, וְיָת, כְּסַף זְבִינוֹהִי; וַעֲבַד, כְּפִתְגָמָא דְּיוֹסֵף דְּמַלֵּיל.
מד,ג הַבֹּקֶר, אוֹר; וְהָאֲנָשִׁים שֻׁלְּחוּ, הֵמָּה וַחֲמֹרֵיהֶם.	צַפְרָא, נְהַר; וְגֻבְרַיָּא אִתְפְּטַרוּ, אִנּוּן וּחְמָרֵיהוֹן.
מד,ד הֵם יָצְאוּ אֶת-הָעִיר, לֹא הִרְחִיקוּ, וְיוֹסֵף אָמַר לַאֲשֶׁר עַל-בֵּיתוֹ, קוּם רְדֹף אַחֲרֵי הָאֲנָשִׁים; וְהִשַּׂגְתָּם וְאָמַרְתָּ אֲלֵהֶם, לָמָּה שִׁלַּמְתֶּם רָעָה תַּחַת טוֹבָה.	אִנּוּן נְפַקוּ מִן קַרְתָּא, לָא אַרְחִיקוּ, וְיוֹסֵף אֲמַר לְדִמְמֻנַּא עַל בֵּיתֵיהּ, קוּם רְדוֹף בָּתַר גֻּבְרַיָּא; וְתַדְבֵּיקִנּוּן וְתֵימַר לְהוֹן, לְמָא שַׁלֵּימְתּוּן בִּשְׁתָּא חֲלָף טָבְתָא.
מד,ה הֲלוֹא זֶה, אֲשֶׁר יִשְׁתֶּה אֲדֹנִי בּוֹ, וְהוּא, נַחֵשׁ יְנַחֵשׁ בּוֹ; הֲרֵעֹתֶם, אֲשֶׁר עֲשִׂיתֶם.	הֲלָא דֵּין, דְּשָׁתֵי רִבּוֹנִי בֵּיהּ, וְהוּא, בַּדָּקָא מְבַדֵּיק בֵּיהּ; אַבְאֵישְׁתּוּן, דַּעֲבַדְתּוּן.
מד,ו וַיַּשִּׂגֵם; וַיְדַבֵּר אֲלֵהֶם, אֶת-הַדְּבָרִים הָאֵלֶּה.	וְאַדְבֵּיקִנּוּן; וּמַלֵּיל עִמְּהוֹן, יָת פִּתְגָמַיָּא הָאִלֵּין.
מד,ז וַיֹּאמְרוּ אֵלָיו--לָמָּה יְדַבֵּר אֲדֹנִי, כַּדְּבָרִים הָאֵלֶּה; חָלִילָה, לַעֲבָדֶיךָ, מֵעֲשׂוֹת, כַּדָּבָר הַזֶּה.	וַאֲמַרוּ לֵיהּ--לְמָא יְמַלֵּיל רִבּוֹנִי, כְּפִתְגָמַיָּא הָאִלֵּין; חַס, לְעַבְדָּךְ, מִלְּמֶעֱבַד, כְּפִתְגָמָא הָדֵין.
מד,ח הֵן כֶּסֶף, אֲשֶׁר מָצָאנוּ בְּפִי אַמְתְּחֹתֵינוּ--הֱשִׁיבֹנוּ אֵלֶיךָ, מֵאֶרֶץ כְּנָעַן; וְאֵיךְ, נִגְנֹב מִבֵּית אֲדֹנֶיךָ, כֶּסֶף, אוֹ זָהָב.	הָא כַּסְפָּא, דְּאַשְׁכַּחְנָא בְּפֹם טֻעְנַנָא--אֲתֵיבְנָהִי לָךְ, מֵאַרְעָא דִּכְנָעַן; וְאֵיכְדֵין, נִגְנוֹב מִבֵּית רִבּוֹנָךְ, מָנִין דִּכְסַף, אוֹ מָנִין דִּדְהַב.
מד,ט אֲשֶׁר יִמָּצֵא אִתּוֹ מֵעֲבָדֶיךָ, וָמֵת; וְגַם-אֲנַחְנוּ, נִהְיֶה לַאדֹנִי לַעֲבָדִים.	דְּיִשְׁתְּכַח עִמֵּיהּ מֵעַבְדָּךְ, יִתְקְטִיל; וְאַף אֲנַחְנָא, נְהֵי לְרִבּוֹנִי לְעַבְדִּין.
מד,י וַיֹּאמֶר, גַּם-עַתָּה כְדִבְרֵיכֶם כֶּן-הוּא:  אֲשֶׁר יִמָּצֵא אִתּוֹ יִהְיֶה-לִּי עָבֶד, וְאַתֶּם תִּהְיוּ נְקִיִּם.	וַאֲמַר, אַף כְּעַן כְּפִתְגָמֵיכוֹן כֵּין הוּא:  דְּיִשְׁתְּכַח עִמֵּיהּ יְהֵי לִי עַבְדָּא, וְאַתּוּן תְּהוֹן זַכָּאִין.
מד,יא וַיְמַהֲרוּ, וַיּוֹרִדוּ אִישׁ אֶת-אַמְתַּחְתּוֹ--אָרְצָה; וַיִּפְתְּחוּ, אִישׁ אַמְתַּחְתּוֹ.	וְאוֹחִיאוּ, וְאַחִיתוּ גְּבַר יָת טֻעְנֵיהּ--לְאַרְעָא; וּפְתַחוּ, גְּבַר טֻעְנֵיהּ.
מד,יב וַיְחַפֵּשׂ--בַּגָּדוֹל הֵחֵל, וּבַקָּטֹן כִּלָּה; וַיִּמָּצֵא, הַגָּבִיעַ, בְּאַמְתַּחַת, בִּנְיָמִן.	וּבְלַשׁ--בְּרַבָּא שָׁרִי, וּבִזְעֵירָא שֵׁיצִי; וְאִשְׁתְּכַח, כַּלִּידָא, בְּטֻעְנָא, דְּבִנְיָמִין.
מד,יג וַיִּקְרְעוּ, שִׂמְלֹתָם; וַיַּעֲמֹס אִישׁ עַל-חֲמֹרוֹ, וַיָּשֻׁבוּ הָעִירָה.	וּבַזַּעוּ, לְבוּשֵׁיהוֹן; וּרְמוֹ גְּבַר עַל חֲמָרֵיהּ, וְתָבוּ לְקַרְתָּא.
מד,יד וַיָּבֹא יְהוּדָה וְאֶחָיו בֵּיתָה יוֹסֵף, וְהוּא עוֹדֶנּוּ שָׁם; וַיִּפְּלוּ לְפָנָיו, אָרְצָה.	וְעָאל יְהוּדָה וַאֲחוֹהִי לְבֵית יוֹסֵף, וְהוּא עַד כְּעַן תַּמָּן; וּנְפַלוּ קֳדָמוֹהִי, עַל אַרְעָא.
מד,טו וַיֹּאמֶר לָהֶם יוֹסֵף, מָה-הַמַּעֲשֶׂה הַזֶּה אֲשֶׁר עֲשִׂיתֶם; הֲלוֹא יְדַעְתֶּם, כִּי-נַחֵשׁ יְנַחֵשׁ אִישׁ אֲשֶׁר כָּמֹנִי.	וַאֲמַר לְהוֹן יוֹסֵף, מָא עוּבָדָא הָדֵין דַּעֲבַדְתּוּן; הֲלָא יְדַעְתּוּן, אֲרֵי בַּדָּקָא מְבַדֵּיק גֻּבְרָא דִּכְוָתִי.
מד,טז וַיֹּאמֶר יְהוּדָה, מַה-נֹּאמַר לַאדֹנִי, מַה-נְּדַבֵּר, וּמַה-נִּצְטַדָּק; הָאֱלֹהִים, מָצָא אֶת-עֲוֺן עֲבָדֶיךָ--הִנֶּנּוּ עֲבָדִים לַאדֹנִי, גַּם-אֲנַחְנוּ גַּם אֲשֶׁר-נִמְצָא הַגָּבִיעַ בְּיָדוֹ.	וַאֲמַר יְהוּדָה, מָא נֵימַר לְרִבּוֹנִי, מָא נְמַלֵּיל, וּמָא נִזְכֵּי; מִן קֳדָם יְיָ, אִשְׁתְּכַח חוֹבָא בְּעַבְדָּךְ--הָא אֲנַחְנָא עַבְדִּין לְרִבּוֹנִי, אַף אֲנַחְנָא אַף דְּאִשְׁתְּכַח כַּלִּידָא בִּידֵיהּ.
מד,יז וַיֹּאמֶר--חָלִילָה לִּי, מֵעֲשׂוֹת זֹאת; הָאִישׁ אֲשֶׁר נִמְצָא הַגָּבִיעַ בְּיָדוֹ, הוּא יִהְיֶה-לִּי עָבֶד, וְאַתֶּם, עֲלוּ לְשָׁלוֹם אֶל-אֲבִיכֶם.  {ס}	וַאֲמַר--חַס לִי, מִלְּמֶעֱבַד דָּא; גֻּבְרָא דְּאִשְׁתְּכַח כַּלִּידָא בִּידֵיהּ, הוּא יְהֵי לִי עַבְדָּא, וְאַתּוּן, סַקוּ לִשְׁלָם לְוָת אֲבוּכוֹן.  {ס}